മുടി ചീകിയാലും താരന്‍ പോകും

താരനുള്ള പ്രധാന കാരണം വരണ്ട തലയോടാണ്. ഇത് തലയില്‍ ഉണങ്ങിയ കോശങ്ങളുണ്ടാക്കും. മുടിയിലെ അഴുക്കും പൊടിയും താരന് ഇട വരുത്തുന്നുണ്ട്. ചില രോഗങ്ങള്‍ക്കുള്ള മരുന്നുകളും താരന് കാരണമാകും. ഹൃദയാഘാതം, പാര്‍ക്കിന്‍സണ്‍സ് രോഗം എന്നിവയ്ക്കുള്ള മരുന്നുകള്‍ താരനുണ്ടാക്കുന്നുണ്ട്. ശരിയല്ലാത്ത ഡയറ്റും ആവശ്യമുള്ള ധാതുക്കളുടെ അഭാവവും താരനുണ്ടാക്കും.

താരന്‍ ഒഴിവാക്കാനുള്ള ഏറ്റവും ലളിതമായ മാര്‍ഗം ഒായില്‍ മസാജ് ആണ്. ചെറുചൂടുള്ള വെളിച്ചെണ്ണ തലയോടില്‍ പുരട്ടി മസാജ് ചെയ്യുന്നത് താരനുള്ള നല്ലൊരു ചികിത്സയാണ്.

തലയോടില്‍ നാരങ്ങാനീര് പുരട്ടുന്നത് നല്ലതാണ്. ആഴ്ചയില്‍ രണ്ടു തവണയെങ്കിലും ഇത് ചെയ്യണം. ഒലീവ് ഓയിലും നെല്ലിക്കാനീരും കൂട്ടിച്ചേര്‍ത്ത് തലയോടില്‍ പുരട്ടുന്നത് താരന്‍ ഒഴിവാക്കും.

ഒലീവ് ഓയില്‍, ചെറുനാരങ്ങാനീര്, വെളിച്ചെണ്ണ എന്നിവ ചേര്‍ത്ത് തലയോടില്‍ പുരട്ടുന്നതും താരന് ശമനമുണ്ടാക്കും.

മുടി നല്ലപോലെ ചീകുന്നത് മൃതകോശങ്ങള്‍ അകറ്റും. ഇതുവഴിയും താരന്‍ കുറയും.