സ്‌ട്രെയിറ്റനിംഗ് ചെയ്താല്‍ ഹെന്ന വേണ്ട

Hair Care

oi-Saritha

By Veena

Published: Wednesday, November 23, 2011, 13:05 [IST]

ഹെയര്‍ സ്‌ട്രെയിറ്റനിംഗിന് ശേഷം മുടിയുടെ ഭംഗി കണ്ണാടിയില നോക്കി വീണ്ടും വീണ്ടും ആസ്വദിക്കാന്‍ രസമായിരിക്കും. എന്നാല്‍ ഈ മുടി കൊഴിഞ്ഞുതുടങ്ങുമ്പോള്‍ കാശ് പോയല്ലോ ദൈവമേ എന്ന് നെഞ്ചില്‍ കൈവച്ചുപോകും.

മുടി നീട്ടിക്കഴിഞ്ഞാല്‍ പ്രത്യേക ശ്രദ്ധ നല്‍കേണ്ടത് ആവശ്യമാണ്. കാരണം സ്‌ട്രെയിറ്റനിംഗ് വഴി മുടിയുടെ കട്ടി കുറയുകയും മുടി കൂടുതല്‍ മൃദുലമാകുകയുമാണ് ചെയ്യുന്നത്. അതുകൊണ്ടുതന്നെ കൊഴിഞ്ഞുപോകുവാനും എളുപ്പമാണ്.

മുടി ജട പിടിക്കാതിരിക്കുക എന്നത് പ്രധാനമാണ്. അതുകൊണ്ട് ഇടയ്ക്കിടെ മുടി ചീകുന്നത് നന്നായിരിക്കും. കുളിക്കുന്നതിന് മുന്‍പ് മുടിയില്‍ എണ്ണ പുരട്ടി മസാജ് ചെയ്യുന്നത് മുടികൊഴിച്ചില്‍ ഒഴിവാക്കുവാനുള്ള പ്രധാന മാര്‍ഗമാണ്.

മുടിയില്‍ വീര്യം കുറഞ്ഞ ഷാംപൂ ഉപയോഗിക്കുക. ഷാംപൂ ഇട്ട ശേഷം കണ്ടീഷണര്‍ ഉപയോഗിക്കുന്നത് നന്നായിരിക്കും. മുടി ജട പിടിക്കാതിരിക്കും. മുടിയില്‍ ജെല്ലുകളും വേണമെന്നുണ്ടെങ്കില്‍ പുരട്ടാം.

സ്‌ട്രെയിറ്റനിംഗ് ചെയ്ത മുടിയുടെ തുമ്പ് മൂന്നുനാലു മാസത്തിലൊരിക്കലെങ്കിലും വെട്ടുന്നത് നന്നായിരിക്കും. ട്രിം ചെയ്യുന്നത് മുടി പിളരുന്നത് കുറയ്ക്കും.

മുടി നീട്ടിക്കഴിഞ്ഞാല്‍ യാതൊരു കാരണവശാലും മുറുക്കിക്കെട്ടരുത്. മുടി പിന്നിയിടുകയോ വളച്ചു കെട്ടുകയോ ചെയ്താലും നീട്ടിയ മുടി വളഞ്ഞുപോകും. അഴിച്ചിടുകയോ പോണിടെയ്ല്‍ കെട്ടുകയോ ചെയ്യും.

സ്‌ട്രെയിറ്റനിംഗ് ചെയ്ത മുടിയില്‍ കുറച്ചുനാളത്തേക്കെങ്കിലും ഹെന്ന ചെയ്യരുത്. മുടി കൂടുതല്‍ വരണ്ടതാകുകയും പൊട്ടിപ്പോകുകയും ചെയ്യും.