Click it and Unblock the Notifications
Latest Updates
-
ഭക്ഷണത്തിന് ശേഷം ഏലക്കായ ചവക്കുന്ന ശീലമുണ്ടോ? നിങ്ങളറിയാതെ നിങ്ങള്ക്ക് ലഭിക്കുന്നത് ഇതെല്ലാം -
നേട്ടങ്ങളെത്തും കടല് പോലെ, മേടം മുതല് മീനം വരെ 12 രാശിക്കാര്ക്കും സമ്പൂര്ണ വാരഫലം: നിങ്ങള്ക്കെങ്ങനെ? -
Rashiphalam: ആഴ്ചാവസാനത്തില് മേടം മുതല് മീനം വരെ 12 രാശിക്കാര്ക്കും എപ്രകാരമാണ് ഫലങ്ങള് -
Rashiphalam: ഇന്ന് ഗജകേസരി രാജയോഗം, നേട്ടങ്ങളില് ഇവര് മുന്നില്: അറിയാം 12 രാശിക്കും സമ്പൂര്ണഫലം -
സമ്പൂര്ണ ന്യൂമറോളജിഫലം: അറിയാം നിങ്ങളുടെ ഭാഗ്യവും നിര്ഭാഗ്യവും ഈ ആഴ്ചയില് എപ്രകാരമെന്ന് -
ഡ്രാഗണ് ഫ്രൂട്ട് നിസ്സാരമല്ല: ഹൃദയം വരെ സുരക്ഷിതമാക്കും, ഗുണങ്ങളില് അതികേമന് -
ശനിയും ചൊവ്വയും ചേരുമ്പോള് ആഢംബരവും സമ്പത്തും ക്ഷണിക്കാതെ വന്നു ചേരും ഈ രാശിക്കാര്ക്ക് -
ഈദ് ആശംസകള് പ്രിയപ്പെട്ടവര്ക്ക്: പുണ്യമാസത്തിന്റെ ചെറിയ പെരുന്നാള് ആശംസകളറിയിക്കാം -
54 മണിക്കൂറോളം നീണ്ടുനില്ക്കും ഗജകേസരിയോഗം: മാര്ച്ച് 26 മുതല് 3 രാശിക്കാര്ക്കാണ് അനുഭവത്തില് മാറ്റങ്ങള് -
ബ്രൗണ്റൈസിനേക്കാള് കൂടുതലാണ് ഇവയില് ഫൈബര്: ദഹനത്തിനൊപ്പം ഊര്ജ്ജവും പ്രദാനം ചെയ്യും
മൃദുലമായ ചര്മ്മത്തിന് തേങ്ങാപ്പാല് ക്രീം വീട്ടില് തന്നെ തയ്യാറാക്കാം
പലപ്പോഴും ശരീരത്തിലുണ്ടാകുന്ന വ്യത്യാസങ്ങള് മൂലം പലരിലും ചര്മ്മത്തിന്റെ ആരോഗ്യം നഷ്ടപ്പെടാറുണ്ട്. ചര്മ്മത്തിന് ആരോഗ്യം ഉണ്ടെങ്കില് മാത്രമേ, നല്ല മൃദുലവും, യുവത്വം നിറഞ്ഞതുമായ ചര്മ്മം സ്വന്തതമാക്കാന് സാധിക്കൂ. ചര്മ്മത്തിന്റെ ആരോഗ്യം നിലനിര്ത്തണമെങ്കില് നല്ല ആഹാരം കഴിക്കണം. ആഹാരം മാത്രം പോര, ചര്മ്മ സംരക്ഷണം കൃത്യമായി നടത്തണം. അത്തരത്തില് നല്ല മൃദുലവും ആരോഗ്യകരവുമായ ചര്മ്മം നിലനിര്ത്താന് സഹായിക്കുന്ന ഒരു ക്രീം പരിചയപ്പെടാം. ഈ ക്രീം തയ്യാറാക്കാന് തേങ്ങാപ്പാലും കുറച്ച് മഞ്ഞളുമാണ് ആവശ്യമായി വരുന്നത്. ഇത് എങ്ങനെ തയ്യാറാക്കാം എന്ന് നോക്കാം.
തയ്യാറാക്കേണ്ട വിധം
ഈ ക്രീം തയ്യാറാക്കുന്നതിനായി മൂന്ന് കപ്പ് കട്ടി തേങ്ങാപ്പാല് എടുക്കണം. വെള്ളം ചേര്ക്കാതെ തേങ്ങ അരച്ച്, അതില് നിന്നും പിഴിഞ്ഞെടുക്കുന്ന തേങ്ങാപ്പാല് വേണം ഉപയോഗിക്കാന്. ഈ തേങ്ങാപ്പാല് ഒരു പാത്രത്തില് ഒഴിച്ച് ഫ്രിഡ്ജില് എടുത്ത് വെയ്ക്കുക. 6 മണിക്കൂര് വെയ്ക്കണം. അതിനുശേഷം ഈ തേങ്ങാപ്പാല് പുറത്തെടുക്കുക. മുകളില് തേങ്ങാപ്പാലിന്റെ ക്രീം കട്ടപിടിച്ച് ഇരിക്കുന്നത് കാണാം. ഇത് പതുക്കെ ഒരു സ്പൂണ് ഉപയോഗിച്ച് കോരി മാറ്റുക. കോരിയെടുത്ത ക്രീം നല്ല വൃത്തിയുള്ളതും ഉണങ്ങിയതുമായ ചെറിയ പാത്രത്തിലേയ്ക്ക് വേണം മാറ്റി വെയ്കകാം. അതിനുശേഷം ഈ പാല് വീണ്ടും ഫ്രിഡ്ജില് സൂക്ഷിക്കുക. ഒപ്പം എടുത്ത് മാറ്റി വെച്ച ക്രീം ഫ്രിഡ്ജില് വെയ്ക്കുക.
അടുത്ത 6 മണിക്കൂര് കഴിയുമ്പോള് തേങ്ങാപ്പിലില് നിന്നും ക്രീം കോരി മാറ്റി മുന്പ് ക്രീം സൂക്ഷിച്ച പാത്രത്തില് ചേര്ത്ത് അടച്ച് വെയ്ക്കുക. ഇത്തരത്തില് തേങ്ങാപ്പാലില് നിന്നും എല്ലാ ക്രീമും ലഭിക്കുന്നത് വരെ ഇതേ രീതി തുടരുക. അവസാനം സൂക്ഷിച്ച് എടുത്ത് വെച്ച ക്രീമില് കാല് ടീസ്പൂണ് മഞ്ഞള്പ്പൊടി ചേര്ത്ത് നല്ലപോലെ മിക്സ് ചെയ്ത് ഒരു ചെപ്പില് ആക്കിയതിന് ശേഷം ഫ്രിഡ്ജില് സൂക്ഷിക്കുക. ഈ ക്രീം ഇടയ്ക്ക് മുഖത്ത് പുരട്ടാവുന്നതാണ്. ഇത് ചര്മ്മത്തെ മോയ്സ്ച്വറൈസ് ചെയ്യും. ചര്മ്മം മൃദുലമാകാന് സഹായിക്കും. അതുപോലെ, ചര്മ്മത്തിന്റെ നിറം വര്ദ്ധിക്കാനും സഹായിക്കും.
ശ്രദ്ധിക്കേണ്ട കാര്യങ്ങള്
മുഖത്ത് അമിതമായി എണ്ണമയം ഉള്ളവരാണ് നിങ്ങള് എങ്കില് ഈ ക്രീം ഉപയോഗിക്കാതിരിക്കുക. കാരണം, എണ്ണമയം വര്ദ്ധിക്കാന് ചിലപ്പോള് ഇത് കാരണമായേക്കാം. അതുപോലെ, അമിതമായി മുഖക്കുരു പ്രശ്നങ്ങള് ഉള്ളവരും കുറച്ചധികം ശ്രദ്ധിക്കുന്നത് നല്ലതാണ്. വരണ്ട ചര്മ്മം ഉള്ളവര്ക്ക് ഈ ക്രീം ബെസ്റ്റാണ്. ചര്മ്മം നല്ലപോലെ മോയ്സ്ച്വറൈസ് ചെയ്യും. കാലിലെ മൊരി അകറ്റാന് ഇത് സഹായിക്കുന്നതാണ്.
അതുപോലെ, ഈ ക്രീമില് മഞ്ഞളിനു പകരം നിങ്ങളുടെ ചര്മ്മത്തിന് ചേരുന്ന ചേരുവകള് ചേര്ക്കാവുന്നതാണ്. മഞ്ഞള് ചേര്ക്കാതെ, തേങ്ങാപ്പാല് ക്രീം മാത്രം ഉപയോഗിക്കുന്നതും വളരെ നല്ലതാണ്. മഞ്ഞള് ചിലരില് അലര്ജി പ്രശ്നങ്ങള് വര്ദ്ധിപ്പിക്കാന് സാധ്യത വളരെ കൂടുതലാണ്. അതുപോലെ, വസ്ത്രങ്ങളിലും, മുഖത്തും കട്ട പിടിച്ചിരിക്കാനും സാധ്യത കൂടുതലാണ്. അതിനാല്, നിങ്ങളുടെ താല്പര്യാനുസരണം ഇഷ്ടമുള്ള ചേരുവകള് ചേര്ക്കാവുന്നതാണ്. ചര്മ്മ പ്രശ്നങ്ങള് ഉള്ളവരാണ് നിങ്ങള് എങ്കില് ഒരു ഡോക്ടറുടെ അഭിപ്രായം തേടുന്നതും നല്ലതായിരിക്കും.
Disclaimer: ഈ ലേഖനത്തിലെ വിവരങ്ങളും ജ്യോതിഷപരമായ കാര്യങ്ങളും വെറും അറിവിന് വേണ്ടി മാത്രമുള്ളതാണ്. ഈ ലേഖനത്തെ അടിസ്ഥാനമാക്കി സംഭവിക്കുന്ന കഷ്ടനഷ്ടങ്ങള്ക്ക് ബോള്ഡ്സ്കൈ ബാധ്യസ്ഥരായിരിക്കുകയില്ല. ഇത്തരം കാര്യങ്ങളില് തീരുമാനം എടുക്കുന്നതിന് മുന്പ് വിദഗ്ധരുമായി ആലോചിക്കാന് നിര്ദ്ദേശിക്കുന്നു.
Continue with Google