കാപ്പിപ്പൊടി ചർമ്മത്തിന് നല്ലതല്ല; കാരണം ഇത്

പലരും ചർമ്മം ക്ലിയറാക്കി എടുക്കുന്നതിനായി കാപ്പിപ്പൊടി ഫേയ്സ്പാക്കുകൾ ഉപയോ​ഗിക്കാറുണ്ടായിരിക്കും. ചർമ്മത്തിന് നിറം വർദ്ധിപ്പിക്കാനും, അതുപോലെ, ചർമ്മത്തിലെ കരുവാളിപ്പകറ്റി ഈവൺ ടോൺ ലഭിക്കാനും ഇന്ന് നിരവധി കോഫി ബേയ്സ്ഡ് ഫേയ്സ്പാക്കുകളും സ്ക്രബുകളും ലഭ്യമാണ്. എന്നാൽ, കാപ്പി(Coffee) ചർമ്മത്തിന് നല്ലതാണോ?

ചർമ്മ സംരക്ഷണത്തിന്റെ ഭാ​ഗമായി കാപ്പി ഉപയോ​ഗിക്കുന്നവർ അറിയാതെ പോകുന്ന ചില സത്യങ്ങളുണ്ട്. അവ എന്തെല്ലാമെന്ന് നോക്കാം.

മുഖക്കുരു

മുഖക്കുരു മാറാൻ വേണ്ടി കാപ്പി പതിവായി മുഖത്ത് പുരട്ടുന്നവരാണെങ്കിൽ സൂക്ഷിക്കുക. മുഖക്കുരു പണ്ടത്തേക്കാൾ അമിതമായി വർദ്ധിക്കാൻ ഇത് കാരണമാകും. കാരണം, കാപ്പിപ്പൊടി ഉപയോ​ഗിക്കുന്നത് ചർമ്മത്തെ കൂടുതൽ വരണ്ടതാക്കുന്നു. ചർമ്മം നല്ലപോലെ വരണ്ട് പോയാലും ഇത് മുഖക്കുരു വരുന്നതിന് കാരണമാണ്. കൂടാതെ, നിങ്ങൾക്ക് ഏതെങ്കിലും വിധത്തിൽ ചർമ്മത്തിൽ ആരോ​ഗ്യ പ്രശ്നങ്ങൾ ഉണ്ടെങ്കിൽ, ഡോക്ടറുടെ നിർദേശമില്ലാതെ സ്ക്രബുകളും ഫേയ്പാക്കുകളും ഉപയോ​ഗിക്കാതിരിക്കുക.

കേടുപാടുകൾ

കാപ്പിപ്പൊടി നല്ല ഫൈൻ പൗഡർ അല്ല. അതിനാൽ തന്നെ, ഇത് മുഖത്ത് പുരട്ടി സ്ക്രബ് ചെയ്യുന്നത് ചർമ്മത്തിൽ പോറലുകൾ സംഭവിക്കാനും, ചർമ്മത്തിന്റെ നിറം മങ്ങാനും കാരണമാകുന്നുണ്ട്. ഇത്തരത്തിൽ പതിവായി ചർമ്മത്തിന് കേടുപാടുകൾ സംഭവിക്കുന്നത്, ചർമ്മത്തിൽ വേ​ഗം ചുളിവുകൾ വീഴുന്നതിനും, ചർമ്മത്തിന്റെ ആരോ​ഗ്യം നശിക്കുന്നതിനും കാരണമാണ്. കൂടാതെ, പലവിധത്തിലുള്ള അലർജി പ്രശ്നങ്ങൾ ഉടലെടുക്കാനും ഇത് വഴിയൊരുക്കും.

ചെയ്യേണ്ടത്

നിങ്ങൾ ചർമ്മത്തിന്റെ ആരോ​ഗ്യത്തെക്കുറിച്ച് അമിതമായി ആശങ്കപ്പെടുന്നവരാണെങ്കിൽ തീർച്ചയായും ഒരു ഡെർമറ്റോളജിസ്റ്റിനെ കണ്ട് നിങ്ങളുടെ ആശങ്കകൾ പങ്കുവെയ്ക്കുക. ഡോക്ടർ നിർദ്ദേശിക്കുന്നത് പ്രകാരം ചർമ്മ സംരക്ഷണം നടത്തുന്നത് നല്ലതായിരിക്കും. നല്ല ചർമ്മം ലഭിക്കുന്നതിന് ഇത് സഹായിക്കും.

ഉപയോ​ഗിക്കാൻ പാടില്ലാത്ത മറ്റു വസ്തുക്കൾ

കാപ്പി പോലെ തന്നെ, അരിപ്പൊടി, പയറുപൊടി, പഞ്ചസ്സാര, ഉപ്പ് എന്നിവയൊന്നും ചർമ്മത്തിൽ ഉപയോ​ഗിക്കാൻ പാടുള്ളതല്ല. ഇവ ചർമ്മത്തിന് ​ഗുണം നൽകുന്നതിനേക്കാൾ അധികം ദോഷമാണ് വരുത്തുക. ഇത് ചർമ്മത്തിന്റെ നിറം പോലും ഇല്ലാതാക്കും. മുഖക്കുരു വിട്ടുമാറില്ല.

ഉപയോ​ഗിക്കാവുന്നവ

• ചർമ്മത്തിന് നിറം വർദ്ധിപ്പിക്കാനും, മുഖക്കുരു അകറ്റാനും നാടൻ വീട്ടുവിദ്യകൾ ധാരാളമാണ്. നല്ല പച്ചമഞ്ഞൾ, അതുപോലെ, പേരയില എന്നിവയെല്ലാം മുഖക്കുരു അകറ്റാൻ സഹായിക്കും.
• തേൻ മുഖത്ത് പുരട്ടുന്നത് ചർമ്മം മോയസ്ച്വർ ചെയ്ത് നിലനിർത്താനും ചർമ്മത്തിന് നിറം വർദ്ധിപ്പിക്കാനും സഹായിക്കും.
• നെയ്യ് ചർമ്മത്തിൽ പുരട്ടുന്നത് വളരെ നല്ലതാണ്. പ്രത്യേകിച്ച്, ചുണ്ടുകളിലും, കണ്ണിന് ചുറ്റും പുരട്ടുന്നത് കരുവാളിപ്പും, കറുത്ത പാടുകളും അകറ്റാൻ സഹയിക്കും.
• കറ്റാർവാഴ ജെൽ ചർമ്മ സംരക്ഷണത്തിന് ബെസ്റ്റാണ്. ചർമ്മം നല്ല സോഫ്റ്റാകാനും, നിറം വർദ്ധിക്കാനും, കരുവാളിപ്പകറ്റാനും കറ്റാർവാഴ സഹായിക്കും.
• പതിവായി കുറച്ച് പാൽ ചർമ്മത്തിൽ പുരട്ടുന്നത് ചർമ്മത്തിന്റെ ആരോ​ഗ്യത്തിനും സൗന്ദര്യം നിലനിർത്തുന്നതിനും നല്ലതാണ്.
• ചർമ്മത്തിന്റെ യുവത്വം നിലനിർത്താനും, നല്ല തിളക്കമുള്ള ചർമ്മം സ്വന്തമാക്കാനും ചന്ദനം ഉപയോ​ഗിക്കുന്നത് നല്ലതാണ്.
• ചർമ്മത്തിൽ നിന്നും മൃതകോശങ്ങൾ അകറ്റി, ചർമ്മത്തിന് നിറം വർദ്ധിപ്പിക്കാനും യുവത്വം നിലനിർത്താനും തൈര് ഉപയോ​ഗിക്കാവുന്നതാണ്.
• ചർമ്മത്തിലെ കറുത്തപാടുകൾ അകറ്റി, ചർമ്മത്തിന് നിറം വർദ്ധിപ്പിക്കാൻ രത്നചന്ദനം ഉപയോ​ഗിക്കാം.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്സ്‌കൈ ഇത് സ്ഥിരീകരിക്കുന്നില്ല. ഇത്തരം കാര്യങ്ങള്‍ ചെയ്യുന്നതിന് മുന്‍പ് വിദഗ്ധന്റെ ഉപദേശം സ്വീകരിക്കേണ്ടതാണ്.