ഒരു നുള്ള് ഉപ്പും ഒലീവ് ഓയിലും പല്ലിലെ കറ മാറും

പല്ലിലെ കറകളയാന്‍

പല്ലിലെ കറ കളയാനും ഉത്തമ പരിഹാരമാണ് ഉപ്പ്. ഉപ്പില്‍ ഒലീവ് ഓയില്‍ മിക്‌സ് ചെയ്ത് അതുകൊണ്ട് പല്ല് തേച്ച് നോക്കൂ. ഇത് മിനിട്ടുകള്‍ക്കുള്ളില്‍ കറയെ ഇല്ലാതാക്കും

നല്ലൊരു സ്‌ക്രബ്ബര്‍

നല്ലൊരു സ്‌ക്രബ്ബര്‍ ആയി ഇതുപയോഗിക്കാം. ഒലീവ് ഓയിലില്‍ ഉപ്പ് കലക്കി അത് പേസ്റ്റ് രൂപത്തിലാക്കി മാറ്റാം. ഇത് അല്‍പം കൈകളിലും കാലുകളിലും മുഖത്തും തേച്ച് പിടിപ്പിക്കാം. തേച്ച് പിടിപ്പിക്കുന്നതിനു മുന്‍പ് ചര്‍മ്മം നല്ലതു പോലെ വൃത്തിയാക്കണം. ശേഷം ഈ പേസ്റ്റ് തേച്ച് പിടിപ്പിച്ച് നല്ലതു പോലെ മസ്സാജ് ചെയ്യാം.

അമിത എണ്ണമയം ചെറുക്കുന്നു

അമിത എണ്ണമയം പലപ്പോഴും ചര്‍മ്മത്തിന് ദോഷം ചെയ്യുന്ന ഒന്നാണ്. ഒലീവ് ഓയിലും ഉപ്പും തേനും നല്ലതു പോലെ മിക്‌സ് ചെയ്ത് ചര്‍മ്മത്തില്‍ തേച്ച് പിടിപ്പിക്കാം. 15 മിനിട്ടോളം കഴിഞ്ഞ് കഴുകിക്കളയാവുന്നതാണ്.

താരനെ പ്രതിരോധിക്കാന്‍

താരനെ പ്രതിരോധിയ്ക്കാനും ഉറപ്പുള്ള പരിഹാര മാര്‍ഗ്ഗമാണ് ഉപ്പ്. ഇത് തലയോട്ടിയിലെ ഇത്തരം പ്രശ്‌നങ്ങളെ ഇല്ലാതാക്കാനും രക്തയോട്ടം വര്‍ദ്ധിപ്പിക്കുന്നതിനും കാരണമാകും. രണ്ട് ടേബിള്‍ സ്പൂണ്‍ ഉപ്പ് വെള്ളത്തില്‍ കലക്കി ഇത് തലയോട്ടിയില്‍ തേച്ച് പിടിപ്പിക്കാം. 15 മിനിട്ടോളം മസ്സാജ് ചെയ്ത ശേഷം ഷാമ്പൂ ഇട്ട് കഴുകിക്കളയാവുന്നതാണ്.

നഖത്തിന്റെ ആരോഗ്യം

ആരോഗ്യമുള്ള നഖം അത്യാവശ്യമാണ്. നഖത്തിന്റെ മഞ്ഞ നിറവും നഖം പൊട്ടിപ്പോവുന്നതും എല്ലാം നഖത്തിന്റെ അനാരോഗ്യത്തെയാണ് കാണിക്കുന്നത്. അതുകൊണ്ട് തന്നെ നഖത്തിന് ആരോഗ്യവും ഉന്‍മേഷവും സൗന്ദര്യവും നല്‍കാന്‍ ഒരു ടേബിള്‍ സ്പൂണ്‍ ബേക്കിംഗ് സോഡയും ഒരു ടേബിള്‍ സ്പൂണ്‍ ഉപ്പും മിക്‌സ് ചെയ്ത് അല്‍പം നാരങ്ങ നീരും ചേര്‍ത്ത വെള്ളത്തില്‍ 10 മിനിട്ട് കൈ മുക്കി വെക്കാം.

പല്ല് തിളങ്ങാന്‍

പല്ലിന് തിളക്കം നല്‍കാനും ഏറ്റവും ഉത്തമമാണ് ഉപ്പ്. അല്‍പം ബേക്കിംഗ് സോഡയും അല്‍പം ഉപ്പും മിക്‌സ് ചെയ്ത് അതുകൊണ്ട് പല്ല് തേച്ച് നോക്കൂ. ഏത് പല്ലും വെട്ടിത്തിളങ്ങും.

മൗത്ത് വാഷ്

കൃത്രിമമായ മൗത്ത് വാഷ് ഉപയോഗിക്കുന്നതിനേക്കാള്‍ എത്രയോ ഉത്തമമാണ് പ്രകൃതിദത്തമായി തയ്യാറാക്കാവുന്ന മൗത്ത് വാഷ്. കാല്‍ക്കപ്പ് വെള്ളത്തില്‍ അര ടീസ്പൂണ്‍ ഉപ്പ് അര ടീസ്പൂണ്‍ ബേക്കിംഗ് സോഡ എന്നിവ ചേര്‍ത്ത് അത് കൊണ്ട് വായ കഴുകാം. ഇത് വായ്‌നാറ്റം എന്ന പ്രതിസന്ധിയെ ഇല്ലാതാക്കുന്നു.