സ്ത്രീകളിലെ ഈ ചൊറിച്ചില്‍ നിസ്സാരമാക്കല്ലേ

ആശയകുഴപ്പം

യോനിയില്‍ ഈസ്റ്റ് ഇന്‍ഫെക്ഷന്‍ ആണോ അല്ലയോ എന്ന ആശയകുഴപ്പം പലരിലും ഉണ്ടാവാറുണ്ട്. എന്നാല്‍, ലക്ഷണങ്ങള്‍ വിലയിരുത്തി ഗൈനക്കോളജിസ്റ്റിന് യീസ്റ്റ് ഇന്‍ഫെക്ഷന്‍ ആണോ ബാക്ടീരിയല്‍ വാജിനോസിസ് പോലുള്ള മറ്റ് പ്രശ്‌നങ്ങളാണോ എന്ന് തിരിച്ചറിയാന്‍ കഴിയും.

യോനിയില്‍ ചൊറിച്ചില്‍

യോനിയില്‍ ചൊറിച്ചില്‍,ദുര്‍ഗന്ധം, യോനീസ്രവം എന്നിവ ഉണ്ടായാലും ചിലര്‍ യീസ്റ്റ് ഇന്‍ഫെക്ഷന്‍ ആണ് എന്ന് തെറ്റിദ്ധരിക്കാറുണ്ട്. എന്നാല്‍ പലപ്പോഴും ഇത് അങ്ങനെ ആയിരിക്കണം എന്നില്ല.

പ്രത്യേക തരത്തിലുള്ള യോനീസ്രവം

ചൊറിച്ചില്‍, അസ്വസ്ഥത, പ്രത്യേക തരത്തിലുള്ള യോനീസ്രവം എന്നിവയാണ് യീസ്റ്റ് വളര്‍ച്ച അമിതമാകുന്നതിന്റെ ലക്ഷണങ്ങള്‍ . വെളുത്ത് കട്ടിയുള്ള തൈരുപോലെയായിരിക്കും ഇത്.

യോനീസ്രവത്തിന് ദുര്‍ഗന്ധം

ചിലപ്പോള്‍ യോനീസ്രവം വെള്ളം പോലെയായിരിക്കും, എന്നാല്‍ ദുര്‍ഗന്ധം ഉണ്ടായിരിക്കണം എന്നില്ല. അതേസമയം ബാക്ടീരിയ വാജിനോസിസ് ആണെങ്കില്‍ യോനീസ്രവത്തിന് ദുര്‍ഗന്ധം ഉണ്ടായിരിക്കും.

ശരിയായ ചികിത്സ

യീസ്റ്റ് ഇന്‍ഫെക്ഷന് ശരിയായ ചികിത്സ ലഭ്യമാക്കുന്നതിലൂടെ അസ്വസ്ഥതകള്‍ ഏതാനം ദിവസങ്ങള്‍ക്കുള്ളില്‍ ഭേദമാക്കാന്‍ കഴിയും. ചില ലക്ഷണങ്ങള്‍ സ്വയം ഭേദമാകും. എന്നാല്‍ പ്രശ്‌നം രൂക്ഷമാവുകയാണെങ്കില്‍ യോനിയില്‍ വീര്‍പ്പ്, ചുവപ്പ്, ലൈംഗിക ബന്ധത്തില്‍ ഏര്‍പ്പെടുമ്പോഴും മൂത്രം ഒഴിക്കുമ്പോഴും വേദന എന്നിവ അനുഭവപ്പെട്ടേക്കാം.