Just In
- 4 hrs ago ജപ്പാന്കാരുടെ ദീര്ഘായുസ്സിന്റെ രഹസ്യം ഇതാണ്; ഇത് മാതൃകയാക്കിയാല് നമുക്കും നേടാം ദീര്ഘായുസ്സ്
- 4 hrs ago ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- 5 hrs ago മുഖത്തെ കരുവാളിപ്പിന് അടുക്കളക്കൂട്ടില് പെട്ടെന്ന് പരിഹാരം
- 5 hrs ago നെഗറ്റീവ് എനര്ജിയെ പെട്ടെന്ന് കണ്ടെത്തി ഒഴിവാക്കാം
Don't Miss
- News മുക്താര് അന്സാരി അന്തരിച്ചു, ജയിലില് വെച്ച് ഹൃദയാഘാതം; യുപിയില് വന് ജാഗ്രത
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Automobiles ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
വായ്നാറ്റത്തെ നിമിഷ നേരം കൊണ്ട് ഓടിക്കാം
വായ് നാറ്റം ഇല്ലാതാക്കാന് അതും വെറും നിമിഷങ്ങള്ക്കുള്ളില് തന്നെ പരിഹാരം കാണാന്
വായ്നാറ്റം നമ്മളില് പലരും നേരിടുന്ന പ്രധാന പ്രശ്നങ്ങളില് ഒന്നാണ്.അതുകൊണ്ട് തന്നെ വായ് തുറന്ന് സംസാരിക്കാന് പോലും ഇത്തരക്കാര്ക്ക് പലപ്പോഴും ഭയമായിരിക്കം. രാവില എഴുന്നേല്ക്കുമ്പോള് മുതല് തന്നെ വായ്നാറ്റം അനുഭവപ്പെടാം. ഭക്ഷണാവശിഷ്ടങ്ങള് മുതല് വായിലെ ബാക്ടീരിയകള് വരെ വായ്നാറ്റത്തിന്റെ കാരണക്കാരാവാം. മറ്റുള്ളവരോട് സംസാരിക്കുമ്പോഴും അവരോട് അടുത്ത് ഇടപെടുമ്പോഴുമാണ് പലപ്പോഴും വായ്നാറ്റത്തിന്റെ തീവ്രതയെക്കുറിച്ച് പലര്ക്കും അറിയാന് കഴിയുന്നത്. സംസാരിക്കുന്നതിനു പോലും ബുദ്ധിമുട്ടും പ്രശ്നങ്ങളും വായ്നാറ്റം മൂലം ഉണ്ടാവുന്നു. ഇത് പലപ്പോഴും പല വിധത്തില് നിങ്ങളുടെ ജീവിതത്തെ പ്രതികൂലമായി ബാധിക്കുന്നു.
ഇത് ആത്മവിശ്വാസത്തെപ്പോലും തകര്ക്കുന്നു. ഒന്നു ശ്രദ്ധിച്ചാല് വായ്നാറ്റത്തെ നമുക്ക് പരിഹരിക്കാവുന്നതേ ഉള്ളൂ. മോണരോഗങ്ങള്, പല്ലിലെ കേടുകള്, പല്ലിനിടയിലെ ഭക്ഷണ പദാര്ത്ഥങ്ങള് തുടങ്ങിയവയൊക്കെ വായ്നാറ്റത്തിന്റെ പ്രധാന കാരണങ്ങളില് ചിലതാണ്. പല വിധത്തിലുള്ള പരിഹാരവും നമ്മള് ചെയ്തെങ്കിലും അത് വീണ്ടും നിങ്ങളെ പ്രശ്നത്തിലാക്കുന്നതിന്റെ പ്രധാന കാരണം കൃത്യമായി ഇതിനെ നേരിടാത്തതാണ്. പ്രകൃതിദത്ത ഔഷധങ്ങള് തന്നെയാണ് വായ് നാറ്റം ഇല്ലാതാക്കാന് സഹായിക്കുന്ന ഘടകങ്ങള്. നമ്മുടെ ഒരു ദിവസത്തിലെ അല്പസമയം ഇതിനായി നീക്കി വെച്ചാല് പരിഹാരം കാണാവുന്ന പ്രശ്നങ്ങളേ ഉള്ളൂ എന്നതാണ് സത്യം.
വരണ്ട ചര്മ്മത്തിന് ഒറ്റമൂലി ആയുര്വ്വേദത്തില്
സസ്യഭക്ഷണത്തേക്കാള് മാംസഭക്ഷണങ്ങള് കഴിക്കുന്നവരിലാണ് വായ് നാറ്റം ഏറ്റവും കൂടുതലായി കാണപ്പെടുന്നത്. ടിന്ഫുഡ് ഇന്നത്തെ കാലത്ത് ഒഴിവാക്കാന് പറ്റാത്ത ഒന്നായി മാറിയിട്ടുണ്ട്. ഇതെല്ലാം വായ്നാറ്റം ഉണ്ടാക്കുന്ന കാര്യത്തില് എന്നും മുന്നില് നില്ക്കുന്ന ഒന്നാണ്. പല്ലിനിടയില് കുടങ്ങിയ ഭക്ഷണ പദാര്ത്ഥങ്ങള് കൃത്യമായി വൃത്തിയാക്കാതെയുള്ള ശീലമാണ് പ്രധാനമായും വായ് നാറ്റത്തിന് കാരണമാകുന്നത്. വായ് നാറ്റം ഇല്ലാതാക്കാന് അതും വെറും നിമിഷങ്ങള്ക്കുള്ളില് തന്നെ പരിഹാരം കാണാന് പണ്ടു മുതലേ നമ്മള് ശീലിച്ച വന്ന ചില പരിഹാരമാര്ഗ്ഗങ്ങള് ഉണ്ട്. അവ എന്തൊക്കെയെന്ന് നോക്കാം.
കുരുമുളക് പൊടി ഗ്രാമ്പൂ
കുരുമുളക് പൊടിയും അല്പം ഉപ്പും ഗ്രാമ്പൂ പൊടിച്ചതും മിക്സ് ചെയ്ത് എന്നും രണ്ട് നേരം പല്ല് തേക്കുക. ഇത് വായ് നാറ്റത്തെ പെട്ടെന്ന് തന്നെ ഇല്ലാതാക്കുന്ന ഒന്നാണ് എന്ന കാര്യത്തില് സംശയമില്ല. മാത്രമല്ല പല്ലിന് നല്ല തിളക്കവും മോണരോഗങ്ങള്ക്ക് പ്രതിവിധിയും നല്കാന് മികച്ച ഒരു മാര്ഗ്ഗമാണ് ഇത്.
ആര്യവേപ്പ്
ആര്യവേപ്പ് ഔഷധത്തിന്റെ കലവറയാണ് എന്ന കാര്യം സത്യമാണ്. ഇത് പല്ലിന്റെ ആരോഗ്യത്തിനും അഴകിനും നിറത്തിനും എല്ലാം സഹായിക്കുന്നു. വായ്നാറ്റം ഇല്ലാതാക്കാന് ഏറ്റവും മികച്ച വഴിയും ആണ് ആര്യവേപ്പ്. ആര്യവേപ്പിന്റെ ഇലയോ തണ്ടോ പൊടിച്ചെടുത്ത് അല്പം ഉപ്പ് മിക്സ് ചെയ്ത് പല്ല് തേച്ചാല് വായ് നാറ്റത്തെ എന്നന്നേക്കുമായി ഓടിക്കാം.
പെരുംജീരകം
പെരുംജീരകം പൊടിച്ചതും അല്പം ഉപ്പും ചേര്ത്ത് മിക്സ് ചെയ്ത് പല്ല് തേച്ച് നോക്കൂ. ഇത് വായ് നാറ്റത്തെ പെട്ടെന്ന് തന്നെ ഇല്ലാതാക്കും എന്ന കാര്യത്തില് സംശയം വേണ്ട. പല്ലിന്റെ ആരോഗ്യത്തിന്റെ കാര്യത്തിലും മികച്ച ഒന്നാണ് പെരും ജീരകം. ഇത് ദുര്ഗന്ധത്തെ എന്നന്നേക്കുമായി അകറ്റുന്നു.
അടക്ക പൊടിച്ചത്
അടക്ക മുറുക്കുന്നതിനു വേണ്ടി മാത്രമല്ല ഉപയോഗിക്കുന്നത്. വായ് നാറ്റത്തെ ഇല്ലാതാക്കുന്നതിനും അടക്ക ഉപയോഗിക്കുന്നു. അടക്കപൊടിച്ച് വെള്ളത്തിലിട്ട് തിളപ്പിച്ച് അത് കൊണ്ട് കവിള് കൊള്ളുന്നത് വായ് നാറ്റത്തെ പെട്ടെന്ന് തന്നെ ഇല്ലാതാക്കുന്നു. ഇത് മോണ രോഗങ്ങളേയും ദന്ത ക്ഷയത്തേയും ഇല്ലാതാക്കുന്നു.
ചെറുനാരങ്ങയും ഉപ്പും
പല്ലിന്റെ ആരോഗ്യത്തിന് ഏറ്റവും അത്യാവശ്യമായിട്ടുള്ള ഒന്നാണ് ഉപ്പ്. ചെറുനാരങ്ങ നീരില് അല്പം ഉപ്പ് മിക്സ് ചെയ്ത് നല്ലെണ്ണയും ചേര്ത്ത് പേസ്റ്റ് പരുവത്തിലാക്കി അത് കൊണ്ട് പല്ല് തേച്ചാല് മതി. ഇത് പല്ലിന്റെ ആരോഗ്യം വര്ദ്ധിപ്പിക്കുന്നതോടൊപ്പം വായ് നാറ്റത്തെ ഇല്ലാതാക്കുകയും ചെയ്യുന്നു.
മുറുക്കുന്നത്
മുറുക്കുന്നത് നല്ല ശീലമല്ലെങ്കില് കൂടി ഇടക്ക് ഒന്ന് മുറുക്കുന്നത് പല്ലിന്റെ ആരോഗ്യത്തിനും വായ്നാറ്റത്തെ അകറ്റാനും നല്ലതാണ്. എന്നാല് വെറ്റിലയും ചുണ്ണാമ്പും അടക്കയും മാത്രം ഉപയോഗിച്ച് മുറുക്കാന് ശ്രദ്ധിക്കുക. പുകയിലെ ഒരു കാരണവശാലും ഉപയോഗിക്കരുത്. ഇത് വായ്നാറ്റത്തെ ഇല്ലാതാക്കാനും പല്ലിന് കരുത്ത് നല്കാനും സഹായിക്കുന്നു.
കുരുമുളകും ഉപ്പും
കുരുമുളകും ഉപ്പും പൊടിച്ച് അതോടൊപ്പം അല്പം കുടംപുളിയും മിക്സ് ചെയ്ത് പല്ല് തേച്ചാല് മതി. ഇത് പല്ലിന്റെ ആരോഗ്യം എന്നതിലുപരി വായ്നാറ്റത്തെ എന്നന്നേക്കുമായി അകറ്റുന്നു. ദിവസവും രാവിലെ ഇത് കൊണ്ട് പല്ല് തേച്ചാല് മതി. ഇത് പല്ലിന്റെ ആരോഗ്യത്തിന് ഏറ്റവും ഉത്തമമാണ്.
മല്ലി തിളപ്പിച്ച വെള്ളം
മല്ലിയിട്ട് തിളപ്പിച്ച വെള്ളം കൊണ്ട് കവിള് കൊള്ളുന്നതും വായ്നാറ്റത്തെ ഇല്ലാതാക്കുന്നു. എന്നാല് ഇത് ചെയ്യുമ്പോള് ചുരുങ്ങിയത് ഒരാഴ്ചയെങ്കിലും കൃത്യമായിട്ട് ചെയ്യാന് ശ്രമിക്കണം. എന്നാല് മാത്രമേ മോണരോഗങ്ങളെ അകറ്റി വായ്നാറ്റത്തിന് പരിഹാരം കാണാന് സഹായിക്കുകയുള്ളൂ.
ഗ്രീന് ടീ
ഗ്രീന് ടീ ദിവസവും കുടിക്കുന്നതും വായ് നാറ്റത്തെ അകറ്റാന് സഹായിക്കുന്ന മാര്ഗ്ഗങ്ങളില് പ്രധാനപ്പെട്ടതാണ്. കാരണം ഗ്രീന് ടീ കൊണ്ട് പല വിധത്തിലുള്ള ആരോഗ്യ പ്രശ്നങ്ങള്ക്കും നമുക്ക് പരിഹാരം കാണാന് സാധിക്കും. ഇത് പല്ലിന്റെ ആരോഗ്യത്തിനും മികച്ച് നില്ക്കുന്ന ഒന്നാണ്.
പല്ല് തേക്കുന്നത്
വ്യക്തി ശുചിത്വം അത്യാവശ്യമായിട്ടുള്ള ഒന്നാണ്. പല്ല് തേക്കുന്ന കാര്യത്തില് ശ്രദ്ധ കൊടുക്കണം. അതുകൊണ്ട് തന്നെ രാവിലെ ഭക്ഷണത്തിനു മുന്പും രാത്രി ഭക്ഷണത്തിനു ശേഷവും പല്ല് തേക്കാന് ശ്രദ്ധിക്കണം. മധുരം കഴിച്ച് കഴിഞ്ഞാല് ഉടന് തന്നെ വൃത്തിയായി പല്ല് ക്ലീന് ചെയ്യണം. മാത്രമല്ല പല്ലില് പറ്റിപ്പിടിച്ചിരിക്കുന്ന ഭക്ഷണാവശിഷ്ടങ്ങളെ മുഴുവനായും വൃത്തിയാക്കി കളയണം.