ജിമ്മില്‍ പോകുമ്പോള്‍ മുടിയോട്‌ ചെയ്യും ദ്രോഹം

ഫൗണ്ടേഷന്‍ ഉപയോഗിക്കുമ്പോള്‍

ചുരുക്കം ചില സ്ത്രീകളെങ്കിലും എവിടെ പുറത്തേക്കിറങ്ങിയാലും ഫൗണ്ടേഷനും ഫുള്‍ മേക്കപ്പിലും പോകുന്നവരുണ്ട്. എന്നാല്‍ ഇനി ഇത്തരം മണ്ടത്തരങ്ങള്‍ ചെയ്യുന്നതിനു മുന്‍പ് ആലോചിക്കുക. ഇത് നിങ്ങളുടെ വിയര്‍പ്പ് ഗ്രന്ഥിയെ വിയര്‍ക്കുന്നതില്‍ നിന്ന് വിലക്കുന്നു. ഇത് മുഖക്കുരു കൂടുതലാവാന്‍ കാരണമാകുന്നു.

സ്‌പ്രേ ഉപയോഗിക്കുമ്പോള്‍

സ്‌പ്രേ ഉപയോഗിക്കുമ്പോഴും ശ്രദ്ധിക്കേണ്ടതാണ്. കാരണം ഇത് വ്യായാമ സമയത്തുണ്ടാകുന്ന വിയര്‍പ്പിനെ ഇല്ലാതാക്കുന്നു. മാത്രമല്ല പല തരത്തിലുള്ള ബോഡി സ്‌പ്രേകളും വിയര്‍പ്പുമായി ചേര്‍ന്ന് പല തരത്തിലുള്ള അലര്‍ജിയും മറ്റും ഉണ്ടാക്കുന്നു.

മുടി കെട്ടുമ്പോള്‍ ശ്രദ്ധിക്കാന്‍

മുടി മുറുക്കത്തില്‍ പിടിച്ച് കെട്ടുന്നവരാണ് പലരും. എന്നാല്‍ ഇത് മുടി വലിയാനും പല തരത്തിലുള്ള അസ്വസ്ഥതകള്‍ക്കും കാരണമാകും. അതുകൊണ്ട് തന്നെ വ്യായാമം ചെയ്യുമ്പോള്‍ എപ്പോഴും അധികം മുറുക്കമില്ലാതെ പോണിടെയില്‍ കെട്ടുന്നതായിരിക്കും നന്നായിരിക്കുക.

മുടി മുഖത്തേക്ക് വരുമ്പോള്‍

പലരും വ്യായാമം ചെയ്യുമ്പോള്‍ മുടി മുഖത്തേക്ക് വരാറുണ്ട്. അതുകൊണ്ട് തന്നെ എപ്പോവും മുടി കെട്ടി വച്ചിട്ടുണ്ടെന്ന് ഉറപ്പ് വരുത്തുക. മുഖത്ത് മുടി തട്ടുമ്പോള്‍ അത് പല തരത്തിലുള്ള അസ്വസ്ഥതകളും ഉണ്ടാക്കുന്നു. മാത്രമല്ല മുഖക്കുരു പോലുള്ള പ്രശ്‌നങ്ങള്‍ കൂടുതലാവുകയും ചെയ്യുന്നു.

മുഖത്ത് തൊടുമ്പോള്‍

മുഖത്ത് തൊടുന്നതും പരമാവധി ഒഴിവാക്കുക. കാരണം വ്യായാമ സമയത്ത് കണക്കില്ലാതെ ബാക്ടീരിയകള്‍ കൈയ്യിലും കാലിലും മുഖത്തും എല്ലാം ഉണ്ടാവും. ഇതെല്ലാം പല തരത്തിലുള്ള ചര്‍മ്മ പ്രശ്‌നങ്ങള്‍ക്കും ചൊറിച്ചിലും മറ്റും ഉണ്ടാക്കാന്‍ കാരണമാകുന്നു.