കുളിയ്ക്കുമ്പോള്‍ ആയുര്‍വ്വേദ ചിട്ടകള്‍ പ്രധാനം

എണ്ണ തേച്ച് കുളി

എണ്ണ തേച്ച് കുളിയ്ക്കുന്നതിനാണ് ആയുര്‍വ്വേദം പ്രാധാന്യം കല്‍പ്പിയ്ക്കുന്നത്. ഇത് ശരീരത്തിന് ആരോഗ്യവും മൃദുത്വവും നല്‍കുന്നു.

നല്ലെണ്ണ ഉപയോഗിക്കാം

തേച്ചു കുളിയ്ക്കാന്‍ ഏറ്റവും ഉത്തമം നല്ലെണ്ണയാണ്. എന്നല്‍ വെളിച്ചെണ്ണ തേച്ച് കുളിയ്ക്കുന്നതും നല്ലതാണ്.

മരുന്നിട്ട എണ്ണകള്‍

ചിലപ്പോള്‍ പലരും പല ഔഷധഗുണങ്ങള്‍ നിറഞ്ഞ എണ്ണയും കാച്ചിതേച്ച് കുളിയ്ക്കും. ഇതും കൂടുതല്‍ ഫല സിദ്ധിനല്‍കുന്നു. പിണ്ഡതൈലവും, നാല്‍പ്പാമരാദി തൈലവും എല്ലാം ഇത്തരത്തില്‍ ഗുണം നല്‍കുന്നതാണ്.

തൈലം തേച്ചും കുളിയ്ക്കാം

ചിലര്‍ തൈലം തേച്ച് കുളിയ്ക്കുന്നത് കേട്ടിട്ടില്ലേ. ഇതും ചര്‍മ്മത്തിലെ അഴുക്കും മറ്റും ഇല്ലാതാക്കി ആരോഗ്യം പ്രദാനം ചെയ്യുന്നു.

താളി തേച്ച് കുളി

ഇന്നത്തെ കാലത്ത് താളി തേച്ച് കുളി വെറും സ്വപ്‌നം മാത്രമാണ്. കാരണം താളി തേച്ച് കുളിയ്ക്കുന്നതിനുള്ള ബുദ്ധിമുട്ടാണ് പലരേയും ഷാമ്പൂ ഉപയോഗിക്കാന്‍ പ്രേരിപ്പിക്കുന്നത്. എന്നാല്‍ താളി തേച്ച് കുളിയ്ക്കുന്നത് മുടിയ്ക്കും ആരോഗ്യം നല്‍കുന്നു.