ദിവസവും വെളിച്ചെണ്ണ പുരട്ടി കുളിച്ചാല്‍ ഇതാണ് കാര്

ചര്‍മത്തിന്റെ വരള്‍ച്ച

വരണ്ട ചര്‍മത്തിനുള്ള ഏറ്റവും നല്ല പ്രതിവിധിയാണ് വെളിച്ചെണ്ണ പുരട്ടി കുളിയ്ക്കുന്നത്. അല്‍പം വെളിച്ചെണ്ണ ചൂടാക്കി ചെറുചൂടോടെ ദേഹത്തു പുരട്ടി മസാജ് ചെയ്ത് അല്‍പം കഴിയുമ്പോള്‍ കുളിയ്ക്കാം. ഇത് പുരട്ടി അല്‍പനേരം, കുറഞ്ഞത് 15 മിനിറ്റെങ്കിലും കഴിയുമ്പോള്‍ മാത്രം കുളിയ്ക്കുക. വെളിച്ചെണ്ണ ചര്‍മകോശങ്ങളിലേയ്ക്ക് ആഴ്ന്നിറങ്ങി ചര്‍മത്തിന്റെ വരള്‍ച്ച നീക്കാന്‍ ഇത് സഹായിക്കുന്നു.

ചര്‍മത്തിന്റെ ഇലാസ്റ്റിസിറ്റി

ചര്‍മത്തിന് പ്രായക്കുറവു തോന്നിയ്ക്കാനുള്ള നല്ലൊരു വഴിയാണ് വെളിച്ചെണ്ണ പുരട്ടിയുള്ള കുളി. ഇത് ചര്‍മത്തിന്റെ ഇലാസ്റ്റിസിറ്റി വര്‍ദ്ധിപ്പിയ്ക്കുന്നു. വരണ്ട സ്വഭാവം ഒഴിവാക്കുന്നു. ഇതുവഴി ചുളിവുകള്‍ വീഴുന്നതു തടയും. നല്ല മോയിസ്ചറൈസറുകളുടെ ഗുണം നല്‍കുന്ന ഒന്ന്.

ആന്റി ബാക്ടീരിയല്‍

ആന്റി ബാക്ടീരിയല്‍ ആന്റി ഫംഗല്‍ ഗുണങ്ങളുള്ള ഒന്നു കൂടിയാണ് വെളിച്ചെണ്ണ. ഇതുകൊണ്ടുതന്നെ ഇതു പുരട്ടി കുളിയ്ക്കുന്നത് ചര്‍മത്തിലെ അലര്‍ജിയും അണുബാധയും ചൊറിച്ചിലുമെല്ലാം മാറാന്‍ ഏറെ നല്ലതാണ്.

ചര്‍മത്തിന് മൃദുത്വം

ചര്‍മത്തിലെ മൃതകോശങ്ങളെ അകറ്റാനുള്ള നല്ലൊരു വഴിയാണ് വെളിച്ചെണ്ണ. ഇതില്‍ അല്‍പം പഞ്ചസാര ചേര്‍ത്തു സ്‌ക്രബ് ചെയ്യുന്നത് ഗുണം നല്‍കും. ഇത് മൃുതകോശങ്ങള അകറ്റി ചര്‍മത്തിന് മൃദുത്വം നല്‍കുന്ന ഒന്നാണ്.

നിറം വര്‍ദ്ധിപ്പിയ്ക്കാന്‍

വെളിച്ചെണ്ണയിലെ പല ഘടകങ്ങളും ചര്‍മത്തിന് നിറം വര്‍ദ്ധിപ്പിയ്ക്കാന്‍ സഹായിക്കുന്നവയാണ്. ഇതില്‍ അല്‍പം ചെറുനാരങ്ങാനീര്, മഞ്ഞള്‍ എന്നിവ ചേര്‍ത്തു പുരട്ടുന്നത് ഏറെ നല്ലതാണ്.

വരണ്ട ചുണ്ട്

വരണ്ട ചുണ്ട് പലരേയും അലട്ടുന്ന പ്രശ്‌നമാണ്. പ്രത്യേകിച്ചു വരണ്ട ചര്‍മമുള്ളവരെ. അല്‍പം വെളിച്ചെണ്ണ ചുണ്ടില്‍ തടവുന്നത് നല്ലൊരു ലിപ്ബാം ഗുണം നല്‍കും.

ഡാര്‍ക് സര്‍കിള്‍

ഡാര്‍ക് സര്‍കിള്‍ മാറാന്‍ കണ്ണിനു ചുററും അല്‍പം വെളിച്ചെണ്ണ തടവുന്നത് ഏറെ നല്ലതാണ്. ഇത് അടുപ്പിച്ചു ചെയ്താല്‍ ഗുണം ലഭിയ്ക്കും.

നല്ല വെളുപ്പുള്ള പല്ലിനും

നല്ല വെളുപ്പുള്ള പല്ലിനും വെളിച്ചെണ്ണ ഏറെ നല്ലതാണ്. കോക്കനട്ട് ഓയില്‍ പുള്ളിംഗ്, അതായത് വെളിച്ചെണ്ണ വായിലൊഴിച്ചു കവിള്‍ കൊണ്ട് അല്‍പം കഴിഞ്ഞു തുപ്പിക്കളയുന്നത് പല്ലിനു വെളുപ്പു നല്‍കും, മാത്രമല്ല, മോണരോഗങ്ങള്‍ ഒഴിവാക്കുകയും ചെയ്യും.

ഷേവിംഗ്

ശരീരത്തിലെ രോമങ്ങള്‍ നീക്കുന്നതിനു മുമ്പായി അല്‍പം വെളിച്ചെണ്ണ പുരട്ടാം. ഇത് ഷേവിംഗ് വേദനയൊഴിവാക്കും. ഷേവിംഗ് ശേഷവും ഇതു പുരട്ടാം

മുഖക്കുരു

മുഖക്കുരു ഉള്ള ഭാഗത്ത് വെളിച്ചെണ്ണ തേച്ച് പതിനഞ്ച് മിനിട്ട് വെക്കാം. എന്നിട്ട് മുഖത്ത് ആവി പിടിപ്പിക്കാം. ഇത് നിങ്ങളുടെ മുഖക്കുരു ഇല്ലാതാക്കുന്നു.

മുടി

മുടിയ്ക്കു മൃദുത്വം നല്‍കാനും മുടി വളര്‍ച്ചയ്ക്കും താരനുമെല്ലാം നല്ലൊരു മരുന്നാണ് വെളിച്ചെണ്ണ