മഞ്ഞുകാലത്ത് ഉപ്പുറ്റി വിണ്ടുപൊട്ടുന്നുവോ?

1.കറ്റാര്‍വാഴ

ഒരു കറ്റാര്‍വാഴയില മുറിച്ച് പ്രശ്നമുള്ള ഭാഗത്ത് തേയ്ക്കുക. ജെല്‍ ചര്‍മ്മത്തില്‍ തേയ്ക്കുകയും ഇല ഉപയോഗിച്ച് ആ ഭാഗം മസാജ് ചെയ്യുകയും വേണം. ജെല്‍ ഉണങ്ങാന്‍ അനുവദിക്കുകയും അതിന് മുകളില്‍ ഒരു സോക്സ് ധരിക്കുകയും ചെയ്യുക. രാത്രി മുഴുവന്‍ ഇത്തരത്തിലിരുന്ന ശേഷം പിറ്റേന്ന് കഴുകിക്കളയാം.

2.തേന്‍

ഏത് തരത്തിലുമുള്ള ചര്‍മ്മത്തിന് ഉപയോഗിക്കാവുന്ന ഔഷധമാണ് തേന്‍. ആന്‍റിബാക്ടീരിയല്‍ സ്വഭാവമുള്ള തേന്‍ അണുബാധയെ തടയും. ചൂടുവെള്ളത്തില്‍ പതിനഞ്ച് മിനുട്ട് കാല്‍ മുക്കി വെച്ച ശേഷം ഉണങ്ങിയ പാദത്തില്‍ തേന്‍ ഉപയോഗിച്ച് മസാജ് ചെയ്യുക. ഇത് ചെയ്ത് കഴിഞ്ഞ് സോക്സ് ധരിക്കുക.

3.ഗ്ലിസറിന്‍

കാല്‍പാദം കൂടുതലായി വീണ്ടുകീറുന്നത് തടയാന്‍ ഗ്ലിസറിന്‍ ഫലപ്രദമാണ്. ഒരു കപ്പില്‍ ഗ്ലിസറിനും നാരങ്ങ നീരും സമമായെടുത്ത് നന്നായി കൂട്ടിക്കലര്‍ത്തുക. നിങ്ങളുടെ പാദം ഇതില്‍ 20 മിനുട്ട് മുക്കിവെച്ച് തുടര്‍ന്ന് ചൂടുവെള്ളത്തില്‍ കഴുകുക.

4.ഇന്തുപ്പ്

ചര്‍മ്മത്തിന് അനുയോജ്യമായ മഗ്നീഷ്യം ധാരാളമായി അടങ്ങിയതാണ് ഇന്തുപ്പ്. ആഴ്ചയില്‍ രണ്ട് തവണ ഇന്തുപ്പ് കലക്കിയ വെള്ളത്തില്‍ കാല്‍ മുക്കി വെയ്ക്കുക. ഇന്തുപ്പ് പാദത്തിന് മിനുസം നല്കുകയും മൃതകോശങ്ങള്‍ നീക്കം ചെയ്യുകയും ചെയ്യും.

5.വെളിച്ചെണ്ണ

രാത്രി കിടക്കാന്‍ പോകുന്നതിന് മുമ്പ് ഉള്ളം കൈകളില്‍ വെളിച്ചെണ്ണ തേച്ച് പതിനഞ്ച് മിനുട്ട് സമയം പാദങ്ങള്‍ മസാജ് ചെയ്യുക. എണ്ണ ചര്‍മ്മത്തിലേക്ക് ആഗിരണം ചെയ്യാന്‍ സമയം നല്കുക. ഇത് ചെയ്ത് കഴിഞ്ഞാല്‍ സോക്സ് ധരിക്കുകയും പിറ്റേന്ന് രാവിലെ കഴുകുകയും ചെയ്യുക.

6.ഒലിവ് ഓയില്‍

മൂന്ന് ടേബിള്‍സ്പൂണ്‍ ഒലിവ് ഓയില്‍ ചെറുതായി ചൂടാക്കി പാദം മസാജ് ചെയ്യുക. 10 മിനുട്ടിന് ശേഷം പ്രശ്നമുള്ള ഭാഗത്ത് വാസലിന്‍ തേയ്ക്കുക. ഒരു സോക്സ് ധരിക്കുകയും രാവിലെ പാദം കഴുകുകയും ചെയ്യുക.

7.ശൈത്യകാല പെഡിക്യൂര്‍

ശൈത്യകാലത്ത് പാദം വരണ്ടുപോകുന്നത് തടയാന്‍ ലളിതമായ മാര്‍ഗ്ഗമുണ്ട്. ഒരു മാസത്തില്‍ രണ്ട് ഹെര്‍ബല്‍ പെഡിക്യൂര്‍ എങ്കിലും ചെയ്യണം. ഇത് ചര്‍മ്മത്തിന് കരുത്ത് പകരുകയും ശൈത്യകാലത്തുണ്ടാകുന്ന പ്രശ്നങ്ങള്‍ കുറയ്ക്കാന്‍ സഹായിക്കുകയും ചെയ്യും.