നെയില്‍ പോളിഷ് ഉപയോഗിക്കുമ്പോള്‍ സംഭവിക്കുന്നത്

നഖത്തിന്റെ ബലം കുറയുന്നു

നെയില്‍ പോളിഷ് ഉപയോഗിക്കുന്നവരുടെ നഖത്തിന്റെ ബലം കുറയുന്നു. ഇത് നഖം പെട്ടെന്ന് പൊട്ടിപ്പോവാന്‍ ഇടയാക്കുന്നു. നഖത്തിലെ ക്യൂട്ടിക്കിള്‍ ഇല്ലാതാക്കുകയാണ് ചെയ്യുന്നത്.

നഖം വരണ്ടതാകുന്നു

നെയില്‍ പോളിഷ് ഇട്ടാല്‍ എത്ര ഭംഗിയുള്ള നഖമാണെങ്കിലും നെയില്‍ പോളിഷ് സ്ഥിരമായി ഇട്ടു കഴിഞ്ഞതിനു ശേഷം ശ്രദ്ധിച്ചാല്‍ വരണ്ടതായി കാണപ്പെടും. അതുകൊണ്ട് തന്നെ നഖത്തിന്റെ സ്വാഭാവിക സൗന്ദര്യം അവിടെ നഷ്ടപ്പെടുന്നു.

നഖത്തില്‍ മഞ്ഞനിറം

നഖത്തിന് മഞ്ഞ നിറം ഉണ്ടാവാന്‍ നെയില്‍ പോളിഷിന്റെ ഉപയോഗം കാരണമാകുന്നു. നിരന്തരമായ നെയില്‍ പോളിഷ് ഉപയോഗത്തിന്റെ ഫലമായാണ് നഖത്തില്‍ മഞ്ഞ നിറം ഉണ്ടാവുന്നതും. ഇത് കാണിക്കുന്നത് നഖത്തിന്റെ അനാരോഗ്യത്തേയും.

നഖത്തിലെ വെള്ളനിറം

നഖത്തില്‍ നിരവധി വെളുത്ത നിറങ്ങളും നെയില്‍ പോളിഷിന്റെ അമിത ഉപയോഗം മൂലം ഉണ്ടാവുന്നു. എന്നാല്‍ ഇത് മാറാന്‍ കാല താമസം എടുക്കുമെന്നതും യാഥാര്‍ത്ഥ്യം.

കെമിക്കല്‍ കൂടുതല്‍ കൂടുതല്‍

കെമിക്കലിനെ കൂടുതല്‍ കൂടുതല്‍ ശരീരത്തിലേക്ക് എത്തിക്കും എന്നതാണ് മറ്റൊരു യാഥാര്‍ത്ഥ്യം. അതുകൊണ്ട് തന്നെ എത്രയൊക്കെ ഭംഗി വര്‍ദ്ധിപ്പിക്കും എന്നുറപ്പുണ്ടെങ്കിലും മാറ്റി നിര്‍ത്തുന്നതാണ് നഖത്തിന്റെ ഭംഗിയ്ക്കും ആരോഗ്യത്തിനും ഉത്തമം.

അഭംഗി വര്‍ദ്ധിപ്പിക്കുന്നു

നെയില്‍ പോളിഷ് ഇടുന്നത് നല്ലതാണ്. എന്നാല്‍ പലപ്പോഴും ഇത് ഇട്ട് കഴിഞ്ഞ് രണ്ട് മൂന്ന് ദിവസത്തിനുള്ളില്‍ അടര്‍ന്നു പോകുന്നത് ഭംഗിയേക്കാള്‍ കൂടുതല്‍ അഭംഗി ഉണ്ടാക്കും. എന്നാല്‍ ഈ പ്രശ്‌നം ഒഴിവാക്കുന്നതിന് റിമൂവര്‍ ഉപയോഗിക്കും. ഇതിന്റെ ദോഷവശങ്ങളാകട്ടെ പറയാതിരിക്കുന്നതാണ് നല്ലത്.