രോമം കളയാന്‍ ക്രീം ഉപയോഗിക്കും മുന്‍പ്

ഡോക്ടറുടെ സഹായം

എപ്പോഴും ചര്‍മ്മത്തില്‍ പുരട്ടാനുള്ള എന്ത് ക്രീം ആണെങ്കിലും വിദഗ്ധരായ ഡോക്ടര്‍മാരുടെയോ ചര്‍മ്മവിദഗ്ധരുടേയോ സേവനം ഉറപ്പാക്കുക. അല്ലെങ്കില്‍ ഇതുണ്ടാക്കുന്ന അലര്‍ജികള്‍ ചെറുതായിരിക്കില്ല.

എങ്ങനെ ക്രീം പ്രാവര്‍ത്തികമാകുന്നു

ഹെയര്‍ റിമൂവര്‍ ക്രീം പുരട്ടിയതിനു ശേഷം എങ്ങനെ രോമം പിഴുതു വരുന്നു എന്നതിനെക്കുറിച്ച് നിങ്ങള്‍ ആലോചിച്ചിട്ടുണ്ടോ? ക്രീം ചര്‍മ്മത്തിലെ പ്രോട്ടീന്‍ ഘടനയെതന്നെയാണ് നശിപ്പിക്കുന്നത്. ഇതുവഴി ചര്‍മ്മം ദുര്‍ബലമാകുകയും രോമം പുഴുതു പോരുകയും ചെയ്യുന്നു.

അലര്‍ജി കൂടുതല്‍

പലപ്പോഴും ചര്‍മ്മത്തിന് അലര്‍ജി കൂടുതലായിരിക്കും ഇത്തരം ക്രീമുകള്‍ ഉപയോഗിക്കുമ്പോള്‍. പല സ്ഥലങ്ങളിലും ഇറിറ്റേഷന്‍ ഉണ്ടാവുന്നു. ക്രീം ഉപയോഗിച്ചതിനു ശേഷം ഉണ്ടാവുന്ന ഇത്തരം പ്രശ്‌നങ്ങള്‍ക്ക് ചര്‍മ്മ രോഗവിദഗ്ധനെ തന്നെ സമീപിക്കേണ്ടതാണ്

ചര്‍മ്മത്തിന്റെ നിറം

ഇത്തരത്തിലുള്ള ക്രീമുകളുടെ ഉപയോഗം ചര്‍മ്മത്തിന്റെ നിറം ഇല്ലാതാവാന്‍ കാരണമാകുന്നു. ചര്‍മ്മത്തിന്റെ നിറത്തിന് പ്രശ്‌നമുണ്ടാക്കുന്ന ഇത്തരം ക്രീമുകള്‍ ഉപയോഗിക്കാതിരിക്കുകയാണ് നല്ലത്.

അമിത രോമവളര്‍ച്ചയ്ക്ക് കാരണം

പലപ്പോഴും അമിത രോമവളര്‍ച്ചയ്ക്ക് ഇത്തരം ക്രീമുകള്‍ കാരണമാകും. മറ്റ് മാര്‍ഗ്ഗങ്ങളിലൂടെ രോമം കളയുമ്പോഴുള്ളതിനേക്കാള്‍ ഭീകരമായിരിക്കും ഹെയര്‍ റിമൂവല്‍ ക്രീം ഉപയോഗിക്കുമ്പോഴുള്ള രോമവളര്‍ച്ച.

ഉപയോഗിക്കുന്നതിലെ സമയക്രമം

ഇത്തരം ക്രീമുകള്‍ ഉപയോഗിച്ചാല്‍ രോമവളര്‍ച്ച കൂടുതലാവും എന്നതാണ് കാര്യം. എന്നാല്‍ മാസത്തില്‍ രണ്ട് തവണയെങ്കിലും ഹെയര്‍ റിമൂവല്‍ ക്രീം ഉപയോഗിക്കേണ്ടതായി വരും. അതുകൊണ്ടു ചര്‍മ്മത്തിനുണ്ടാകുന്ന ബുദ്ധിമുട്ടുകളും വളരെ വലുതായിരിക്കും.