മോണപ്രശ്‌നവും പല്ലിലെ കറയും നിസ്സാരമല്ല

ബേക്കിംഗ് സോഡ

ദന്തഡോക്ടറെ സമീപിയ്ക്കുന്നതിന് മുന്‍പ് വീട്ടു ചികിത്സ കൊണ്ട് മോണരോഗങ്ങളേയും പല്ലിലെ കറയേയും മാറ്റാന്‍ പറ്റുമോ എന്ന് നോക്കാം. അതിനാണ് ബേക്കിംഗ് സോഡ. ബേക്കിംഗ് സോഡ കൊണ്ട് പല്ല് തേച്ചാല്‍ ഇത്തരം പ്രശ്‌നങ്ങളെ ദിവസങ്ങള്‍ക്കുള്ളില്‍ മാറ്റാവുന്നതാണ്.

കറ്റാര്‍വാഴ

സൗന്ദര്യസംരക്ഷണത്തിലും ആരോഗ്യ കാര്യത്തിലും കറ്റാര്‍വാഴ വഹിയ്ക്കുന്ന പങ്ക് വളരെ വലുതാണ് എന്ന കാര്യത്തില്‍ യാതൊരു തര്‍ക്കവുമില്ല. കറ്റാര്‍വാഴയുടെ പോള എടുത്ത് പല്ലില്‍ ഉരസിയാല്‍ മതി ഇത് പല്ലിലെ കല കറയും നീക്കും ആരോഗ്യവും നിറവും നല്‍കുകയും ചെയ്യും.

നാരങ്ങാ നീര്

സിട്രിക് ആസിഡിന്റെ കലവറയാണ് നാരങ്ങാ നീര്. അല്‍പം നാരങ്ങാ നീരും ഉപ്പും ഉപയോഗിച്ച് പല്ല് തേയ്ക്കുമ്പോള്‍ ഇത് പല്ലിന് മാത്രമല്ല മോണവീക്കം പോലുള്ള പ്രശ്‌നങ്ങളേയും ഇല്ലാതാക്കുന്നു.

ടീ ട്രീ ഓയില്‍

ടീ ട്രീ ഓയിലാണ് പല്ലിനെ വെളുപ്പിക്കാനും മോമയെ സംരക്ഷിക്കാനുള്ള മറ്റൊരു ഘടകം. അല്‍പം ടീ ട്രീ ഓയില്‍ മോണയില്‍ ഉരസിയാല്‍ മതി ഇത് തിളക്കമുള്ള പല്ലും ആരോഗ്യമുള്ള മോണയും പ്രദാനം ചെയ്യുന്നു.

ഗ്രാമ്പൂ ഓയില്‍

പല്ലിന്റെ ആരോഗ്യത്തിന് ഗ്രാമ്പൂ സഹായിക്കുന്നുണ്ട്. പേസ്റ്റിലും മറ്റും ഗ്രാമ്പൂ ഉള്ളതും അതുകൊണ്ട് തന്നെയാണ്. ഇത് മോണരോഗത്തേയും പല്ലിന്റെ കറയേയും നിശ്ശേഷം തുടച്ചു നീക്കുന്നു.

കടുകെണ്ണ

കടുകെണ്ണയും മോണരോഗം പോലുള്ള രോഗങ്ങളെ ഇല്ലാതാക്കാന്‍ സഹായിക്കുന്നു. കടുകെണ്ണ പല്ലിലെ കറയെയും നിശ്ശേഷം തുടച്ചു മാറ്റുന്നു.

മഞ്ഞള്‍

മഞ്ഞള്‍ ശരീരത്തിലെ വിഷം കളയാന്‍ മുന്നിലാണ്. എന്നാല്‍ അതിലെല്ലാമുപരി പല്ലിന് നിറം വേണമെങ്കില്‍ മഞ്ഞള്‍ അല്‍പം തേനുമായി മിക്‌സ് ചെയ്ത് പുരട്ടുന്നത് നല്ലതാണ്. ഇത് മോണരോഗങ്ങളേയും പ്രതിരോധിയ്ക്കുന്നു.

വെളിച്ചെണ്ണ

വെളിച്ചെണ്ണ പലരും കവിള്‍ കൊള്ളുന്നത് നിങ്ങള്‍ കണ്ടിട്ടുണ്ടാവും. എന്നാല്‍ വെളിച്ചെണ്ണയില്‍ പല്ലിനെ വെളുപ്പിക്കാനും മോണരോഗങ്ങളെ പ്രതിരോധിയ്ക്കാനും ഉള്ള കഴിവുണ്ട്.