കാല്‍ വിണ്ടുകീറുന്നത് തടയാന്‍ നാരങ്ങ

ആവശ്യമുള്ള സാധനങ്ങള്‍

ഒരു വലിയ നാരങ്ങ, സോക്‌സ്, മോയ്‌സ്ചുറൈസിംഗ് ക്രീം എന്നിവയാണ് ആവശ്യമുള്ള സാധനങ്ങള്‍.

ചെയ്യേണ്ട കാര്യം

ആദ്യം നാരങ്ങ എടുത്ത് രണ്ടായി മുറിയ്ക്കുക. അല്‍പം നാരങ്ങ നീര് പിഴിഞ്ഞു കളയുക. അതിനു ശേഷം നാരങ്ങയിലേക്ക് കാല്‍ കാലിന്റെ ഉപ്പൂറ്റി കടത്തി വെയ്ക്കുക. അതിനു ശേഷം കാലില്‍ സോക്‌സ് ധരിയ്ക്കുക. അരമണിക്കൂറിനു ശേഷം സോക്‌സ് മാറ്റാവുന്നതാണ്.

മോയ്‌സ്ചുറൈസര്‍

സോക്‌സ് മാറ്റിയതിനു ശേഷം മോയ്‌സ്ചുറൈസര്‍ ഉപയോഗിക്കാം. മോയ്‌സ്ചുറൈസര്‍ ഉപയോഗിക്കുന്നത് ചര്‍മ്മത്തിന്റെ യൗവ്വനം കാത്തു സൂക്ഷിക്കുകയും ചര്‍മ്മത്തിലെ സുഷിരങ്ങളിലൂടെ വായുപ്രവാഹം സംഭവിയ്ക്കുകയും ചെയ്യുന്നതിന് സഹായിക്കുന്നു.

എപ്പോഴൊക്കെ

ആഴ്ചയില്‍ രണ്ട് മൂന്ന് തവണ ഇത്തരത്തില്‍ ചെയ്ത് നോക്കാവുന്നതാണ്. രണ്ടാഴ്ച കൊണ്ട് തന്നെ കാലിലെ വിള്ളല്‍ മാറി വൃത്തിയാവും. എന്നാല്‍ അരമണിക്കൂറില്‍ കൂടുതലോ കുറവോ ചെയ്യാന്‍ പാടുള്ളതല്ല.

രണ്ടാമത്തെ മാര്‍ഗ്ഗം

നാരങ്ങ പകുതി മുറിച്ച് കാലില്‍ വിള്ളലുള്ള ഭാഗത്ത് നല്ലതുപോലെ തേച്ചു പിടിപ്പിക്കുക. ഇത് 15 മിനിട്ട് ചെയ്യുക. എന്നും രാവിലേയും വൈകിട്ടും ആഴ്ചയില്‍ മൂന്ന് ദിവസം ചെയ്യുക.

പാദത്തിന് മൃദുത്വം നല്‍കുന്നു

കാലിലെ വിള്ളല്‍ ഇല്ലാതാവുന്നത് മാത്രമല്ല പാദത്തെ മൃദുവാക്കുകയും ചെയ്യുന്നു. നാരങ്ങ നഖത്തില്‍ ഉരസുന്നത് പെഡിക്യൂര്‍ ചെയ്തതിനു സമാനമായ ഫലം നല്‍കുന്നു.