വിവാഹത്തിനു സമയമായി പക്ഷേ...

വായ്‌നാറ്റം

നിങ്ങള്‍ കാമുകിയോടൊപ്പം സമയം ചിലവഴിയ്ക്കുമ്പോള്‍ ആ ബന്ധം എന്നന്നേക്കുമായി തകരാന്‍ വായ്‌നാറ്റം കൊണ്ട് കഴിയും. ഒരു ബന്ധത്തെ പോലും ഇല്ലാതാക്കാന്‍ കഴിയുന്ന വില്ലനാണ് പലപ്പോഴും വായ്‌നാറ്റം. അതുകൊണ്ട് ആദ്യം തന്നെ വായ്‌നാറ്റമെന്ന വില്ലനെ ഇല്ലാതാക്കാന്‍ നോക്കുക.

രോമാവൃതമായ നെഞ്ച്

പലപ്പോഴും സ്ത്രീകള്‍ക്കിഷ്ടമില്ലാത്ത കാര്യമാണ് രോമാവൃതമായ നെഞ്ച്. അതുകൊണ്ട് സൗന്ദര്യ സംരക്ഷണത്തിലും ശരീര സംരക്ഷണത്തിലും ശ്രദ്ധ കൊടുക്കുന്നവര്‍ അല്‍പം ശ്രദ്ധ ഇക്കാര്യത്തിലും നല്‍കണം എന്നതാണ് സത്യം. മാത്രമല്ല അഴുക്കും പൊടിയും പറ്റിപ്പിടിയ്ക്കാനും ഇത് കാരണമാകും.

ശരീര ദുര്‍ഗന്ധം

ശരീരദുര്‍ഗന്ധവും മറ്റൊരു വില്ലനാണ്. പലപ്പോഴും പൊതുസ്ഥലങ്ങളില്‍ നില്‍ക്കുമ്പോഴോ യാത്ര ചെയ്യുമ്പോഴോ ആയിരിക്കും ശരീരദുര്‍ഗന്ധം വില്ലനാകുന്നത്. അതുകൊണ്ട് തന്നെ ഇതിനെ അല്‍പം കരുതലോടെ സമീപിക്കുക.

താരനെന്ന വില്ലന്‍

കേശസംരക്ഷണത്തിലും അല്‍പം കൂടുതല്‍ പ്രാധാന്യം നല്‍കുക. താരനെന്ന വില്ലന്‍ ഇന്നത്തെ കാലത്ത് സ്ത്രീപുരുഷ ഭേദമന്യേ എല്ലാവരേയും പിടികൂടുന്നതാണ്. അതുകൊണ്ട് തന്നെ ഇത്തരം പ്രശ്‌നങ്ങളെ ഗൗരവപരമായി തന്നെ കൈകാര്യം ചെയ്യുക.

താടി പ്രശ്‌നമാകുമ്പോള്‍

താടി വളര്‍ത്തുന്നത് നല്ലതാണ്. എന്നാല്‍ താടി വൃത്തിയായും ഭംഗിയായും സൂക്ഷിച്ചില്ലെങ്കില്‍ വിപരീത ഫലമാണ് ഉണ്ടാവുക എന്ന കാര്യത്തില്‍ സംശയം വേണ്ട. അപ്പോള്‍ താടി വളര്‍ത്തുന്നവര്‍ ശ്രദ്ധയും നല്‍കുക.

പാദദുര്‍ഗന്ധം

ഷൂ ഉപയോഗിക്കുന്നവരിലാണ് ഇത്തരം പ്രശ്‌നം ഏറ്റവും കൂടുതല്‍ കണ്ടു വരുന്നത്. അതുകൊണ്ട് തന്നെ ഷൂ ഉപയോഗിക്കുമ്പോള്‍ പാദ ദുര്‍ഗന്ധം വരാത്ത രീതികള്‍ പിന്തുടരുക.

മുഖക്കുരു

സൗന്ദര്യത്തില്‍ അധികം ശ്രദ്ധ കൊടുക്കുന്നവര്‍ക്ക് ടെന്‍ഷന്‍ ഉണ്ടാക്കുന്ന ഒന്നാണ് മുഖക്കുരു. മുഖക്കുരു മുഖത്തിന്റെ മൊത്തത്തിലുള്ള ഭംഗിയേയും ബാധിയ്ക്കും. അതുകൊണ്ട് മുഖക്കുരു വരുമ്പോള്‍ തന്നെ അല്‍പം കൂടുതല്‍ ശ്രദ്ധ നല്‍കുന്നതില്‍ തെറ്റില്ല.

സ്‌ട്രെച്ച് മാര്‍ക്ക്

ഗര്‍ഭിണികള്‍ക്കും സ്ത്രീകള്‍ക്കും മാത്രമല്ല സ്‌ട്രെച്ച് മാര്‍ക്ക് വരുന്നത്. പുരുഷന്‍മാര്‍ക്കും ഇത്തരം പ്രശ്‌നം ഉണ്ടാകും എന്ന കാര്യത്തില്‍ സംശയമില്ല. പ്രത്യേകിച്ച് കുടവയര്‍ ഉള്ളവര്‍ക്ക്. അതുകൊണ്ട് കുടവയറിനെ ശ്രദ്ധിക്കുകയും സട്രെച്ച് മാര്‍ക്ക് ഉണ്ടാക്കാതിരിക്കാനും ശ്രദ്ധിക്കുക.