മുഖത്തിന് ഇണങ്ങും പുരികമേത്....

മുഖത്തിന്റെ ഭംഗി എടുത്തു കാട്ടുന്നതില്‍ പുരികത്തിന്റെ സ്ഥാനം വളരെ വലുതാണ്‌. പുരികത്തിന്റെ ആകൃതി മുഖത്തിനിണങ്ങുന്ന തരത്തിലല്ല എങ്കില്‍ മറ്റ്‌ ഒരുക്കങ്ങള്‍ക്ക്‌ പ്രതീക്ഷിച്ച്‌ ഫലം ലഭിക്കില്ല.

നിങ്ങള്‍ക്ക്‌ ഇണങ്ങുന്ന പുരികം ഏതാണന്ന്‌ നോക്കാം

നിങ്ങളുടെ മുഖം അണ്ഡാകൃതിയിലുള്ളതാണെങ്കില്‍ നേര്‍ത്ത വളവുള്ള പുരികമാണ്‌ ഭംഗി.പുരികം നേരെ വന്ന്‌ കൃഷ്‌ണമണിയുടെ മധ്യത്തിലെത്തുമ്പോള്‍ മാത്രം വളയുന്ന തരത്തിലാക്കുക. താരങ്ങളില്‍ പലരും ഈ സ്റ്റൈലാണ്‌ ചെയ്യുന്നത്‌.

വട്ടമുഖം

നിങ്ങളുടേത്‌ വട്ടമുഖമാണെങ്കില്‍ പുരികം നല്ല വളഞ്ഞിരിക്കുന്നതാണ്‌ നല്ലത്‌. കഴിയുന്നത്ര വരകള്‍ ലംബമായി വരയ്‌ക്കാവുന്ന തരത്തില്‍ പുരികം വളയ്‌ക്കുക. എന്നാല്‍ വൃത്താകൃതിയില്‍ ആവാതിരിക്കാന്‍ ശ്രദ്ധിക്കണം. അങ്ങനെയായാല്‍ മുഖം മൊത്തത്തില്‍ പന്തു പോലെ തോന്നും.

നീണ്ട മുഖം

നീണ്ട മുഖത്തിന്‌ ചേരുന്നത്‌ നിരപ്പായ പുരികമാണ്‌. വളരെ എളുപ്പത്തില്‍ നിലനിര്‍ത്താന്‍ കഴിയുന്ന സ്റ്റൈലാണിത്‌. മുഖത്തിന്റെ നീളം ശരിക്കുമുള്ളതിലും കുറവാണന്ന്‌ തോന്നിപ്പിക്കാന്‍ ഇത്‌ സഹായിക്കും.

ചതുര മുഖം

ചതുര മുഖമുള്ളവര്‍ക്ക്‌ കട്ടിയുള്ള പുരിമാണ്‌ ചേരുന്നത്‌. പുരികം നേരിയ വളവോട്‌ കൂടി കട്ടിയായി വയ്‌ക്കുക. പൂര്‍ണമായി വളയ്‌ക്കരുത്‌.

ഹൃദയാകൃതിയിലുള്ള മുഖം

വളഞ്ഞ പുരികമാണ്‌ ഇത്തരക്കാര്‍ക്ക്‌ ചേരുക. മുഖത്തിന്‌ അല്‍പം പ്രത്യേകത തോന്നാന്‍ നല്ല വളവും സ്വാഭാവികത തോന്നാന്‍ നേരിയ വളവും സഹായിക്കും. മുടികൊഴിച്ചില്‍ നിയന്ത്രിക്കാന്‍ ഭക്ഷണങ്ങള്‍