സൗന്ദര്യം കാക്കാനും 'ഓട്‌സ്' വിദ്യകള്‍

മുഖം

ചര്‍മ്മത്തില്‍ ഈര്‍പ്പം നിലനിര്‍ത്താന്‍ ഓട്‌സ്‌ സഹായിക്കും. അതുപോലെ തന്നെ ചര്‍മ്മത്തില്‍ ആഴത്തില്‍ അടിഞ്ഞിട്ടുള്ള അഴുക്കും എണ്ണയും നീക്കം ചെയ്യാന്‍ ഇതില്‍ അടങ്ങിയിട്ടുള്ള സപോനിന്‍ സഹായിക്കും.

മുഖക്കുരു

മുഖക്കുരവും പാടുകളും അകറ്റാന്‍ ഓട്‌സ്‌ മികച്ചതാണ്‌. ചര്‍മ്മത്തിലെ നശിച്ച കോശങ്ങളും അമിതമായ എണ്ണയും നീക്കം ചെയ്‌ത്‌ അസ്വസ്ഥതകള്‍ക്ക്‌ ആശ്വാസം നല്‍കാന്‍ ഇവ സഹായിക്കും.

അല്‍പം ഓട്‌സ്‌ എടുത്ത്‌ വേഗം വേവിക്കുക, മുറിയിലെ ഊഷ്‌മാവില്‍ തണുപ്പിക്കുക. മുഖക്കുരുവും പാടുകളും ഉള്ള ഭാഗങ്ങളില്‍ ഇത്‌ പുരട്ടി പത്ത്‌ മിനുട്ടിന്‌ ശേഷം കഴുകി കളയുക. സൂര്യാഘാതത്തില്‍ നിന്നും നഞ്ചിന്റെ കറയില്‍ നിന്നും ആശ്വാസം നേടാനും ഇത്‌ സഹായിക്കും.

ഫേസ്‌ വാഷ്‌

ഓട്‌സില്‍ അടങ്ങിയിട്ടുള്ള സപോനിന്‍ ചര്‍മ്മത്തിലെ അഴുക്കും എണ്ണയും നീക്കം ചെയ്യാന്‍ സഹായിക്കും. രണ്ട്‌ ടേബിള്‍ സ്‌പൂണ്‍ ഓട്‌സ്‌ 1 ടേബിള്‍ സ്‌പൂണ്‍ ചൂട്‌ വെള്ളം, 1 ടേബിള്‍ സ്‌പൂണ്‍ തേന്‍ എന്നിവ ചേര്‍ത്ത്‌ വളരെ പെട്ടെന്ന്‌ ഫേസ്‌ വാഷ്‌ ഉണ്ടാക്കാം. ഈ മിശ്രതം വൃത്താകൃതിയില്‍ മുഖത്ത്‌ തേച്ച്‌ പിടിപ്പിക്കുക. അതിന്‌ ശേഷം കഴുകി കളയുക. തേന്‍ ബാക്ടീരിയകളെ നശിപ്പിക്കുകയും ചര്‍മ്മത്തില്‍ ഈര്‍പ്പം നിലനിര്‍ത്തുകയും ചെയ്യും.

മൃദുല ചര്‍മ്മത്തിനിണങ്ങുന്ന സ്‌ക്രബ്‌

ഒരു ടേബിള്‍ സ്‌പൂണ്‍ ഓട്‌സ്‌, ഒരു ടേബിള്‍ സ്‌പൂണ്‍ തേന്‍, രണ്ട്‌ ടേബിള്‍ സ്‌പൂണ്‍ തൈര്‌ എന്നിവ ചേര്‍ത്തുള്ള മിശ്രിതം ചര്‍മ്മത്തിലെ നശിച്ച കോശങ്ങള്‍ നീക്കം ചെയ്യാനും നനവ്‌ നിലനിര്‍ത്താനും സഹായിക്കും. ഇവ ചര്‍മ്മത്തെ സംരക്ഷിക്കുകയും ആശ്വാസം നല്‍കുകയും ചെയ്യും. സൂര്യാഘാതമേറ്റ ചര്‍മ്മത്തിന്‌ വളരെ ഫലപ്രദമാണിത്‌.

ട്രോപ്പിക്കല്‍ സ്‌ക്രബ്‌

രണ്ട്‌ ടേബിള്‍ സ്‌പൂണ്‍ ഓട്‌സ്‌, ഒരു ടേബിള്‍ സ്‌പൂണ്‍ വെളിച്ചെണ്ണ, ഒരു ടേബിള്‍ സ്‌പൂണ്‍ ബ്രൗണ്‍ ഷുഗര്‍ , അല്‍പം ചൂട്‌ വെള്ളം എന്നിവ ചേര്‍ത്തിളക്കി മുഖത്ത്‌ പുരട്ടുക. നശിച്ച ചര്‍മ്മ കോശങ്ങള്‍ നീക്കം ചെയ്‌ത്‌ മുഖത്തിന്‌ തിളക്കം ലഭിക്കാന്‍ ഇത്‌ സഹായിക്കും.

ബേക്കിങ്‌ സോഡ ഓട്‌സ്‌ സ്‌ക്രബ്‌

ഓട്‌സും ബേക്കിങ്‌ സോഡയും തുല്യ അളവില്‍ എടുത്ത്‌ ഒരു ടീസ്‌പൂണ്‍ വെള്ളം ചേര്‍ത്ത്‌ കുഴമ്പ്‌ രൂപത്തിലാക്കുക . ഈ മിശ്രിതം മുഖത്ത്‌ നന്നായി തേച്ച്‌ പിടിപ്പിച്ചതിന്‌ ശേഷം കഴുകി കളയുക.

ഓട്‌സ്‌ മുഖലേപനം

രണ്ട്‌ ടേബിള്‍ സ്‌പൂണ്‍ ഓട്‌സ്‌, രണ്ട്‌ ടേബിള്‍സ്‌പൂണ്‍ തേന്‍, ഒരു ടേബിള്‍ സ്‌പൂണ്‍ പാല്‍ എന്നിവ ചേര്‍ത്തിളക്കി കഴുത്തിലും മുഖത്തും പുരട്ടുക. പത്ത്‌ മിനുട്ടിന്‌ ശേഷം കഴുകി കളയുക.

പോഷണം നല്‍കുന്ന സ്‌ക്രബ്‌

അര കപ്പ്‌ പാട നീക്കം ചെയ്യാത്ത പാല്‍, ഒരു ടേബിള്‍ സ്‌പൂണ്‍ തേന്‍, ഒരു ടേബിള്‍ സ്‌പൂണ്‍ ഒലീവ്‌ എണ്ണ എന്നിവ രണ്ട്‌ ടേബിള്‍ സ്‌പൂണ്‍ ഓട്‌സില്‍ ചേര്‍ത്തിളക്കി പത്ത്‌ മിനുട്ട്‌ വയ്‌ക്കുക. നശിച്ച ചര്‍മ്മ കോശങ്ങള്‍ ഈ മിശ്രിതം ഉപയോഗിച്ച്‌ രണ്ട്‌ മിനുട്ട്‌ കൊണ്ട്‌ നീക്കം ചെയ്യുക. നന്നായി കഴുകി കളയുക.

ചെറുപ്പം നിലനിര്‍ത്തുന്ന മുഖലേപനം

അരകപ്പ്‌ (വേവിച്ച) ഓട്‌സ്‌, ഒരു മുട്ട, ഒരു ടേബിള്‍സ്‌പൂണ്‍ ബദാം എണ്ണ എന്നിവ ചേര്‍ത്തിളക്കി മുഖത്ത്‌ പുരട്ട്‌ 15 മിനുട്ട്‌ ഇരിക്കുക. ചൂട്‌ വെള്ളത്തില്‍ കഴുകി കളയുക.

മുടി-ഷാമ്പു

ഓട്‌സ്‌ നന്നായി പൊടിച്ച്‌ തലയില്‍ തേയ്‌ക്കുന്നത്‌ മുടിയിലെ എണ്ണ മയം കുറയ്‌ക്കാനും തലയോട്ടിയുടെ ചൊറിച്ചില്‍ കുറയ്‌ക്കാനും സഹായിക്കും.

ശരീരം

വരണ്ടതും ചൊറിച്ചിലുള്ളതുമായ ചര്‍മ്മത്തിന്‌ ആശ്വാസം ലഭിക്കാന്‍ ഓട്‌സ്‌ കൊണ്ടുള്ള കുളി സഹായിക്കും. കരപ്പന്റെ ലക്ഷണങ്ങളില്‍ നിന്നും ഇത്‌ ആശ്വാസം നല്‍കും. ഓട്‌സ്‌ കൊണ്ടുള്ള കുളി എങ്ങനെ എങ്ങനെ വേണം എന്നു നോക്കാം

മുങ്ങി കുളി

ഉന്മേഷദായകമായ കുളിക്ക്‌ വേണ്ടി, ഒരു കപ്പ്‌ ഓട്‌സ്‌ എടുത്ത്‌ കുളിക്കാനുള്ള ചൂട്‌ വെള്ളത്തില്‍ കലര്‍ത്തുക. കര്‍പ്പൂരതൈലം, റോസ്‌ തൈലം പോലെ ഇഷ്ടമുള്ള സുഗന്ധതൈലത്തിന്റെ ഏതാനം തുള്ളികളും ഈ വെള്ളത്തില്‍ ചേര്‍ത്തിട്ട്‌ അരമണിക്കൂര്‍ നേരം ഇതില്‍ മുങ്ങി കിടക്കുക.

ഓട്‌സ്‌, തേന്‍, പാല്‍ കുളി

അര കപ്പ്‌ ഓട്‌സ്‌, കാല്‍ കപ്പ്‌ പാല്‍ പൊടി, രണ്ട്‌ ടേബിള്‍ സ്‌പൂണ്‍ തേന്‍ എന്നിവ ഒരു തുണിയിലെടുത്ത്‌ കെട്ടി ഷവറിന്‌ താഴെ വെള്ളം നിറയുന്ന വിധം തൂക്കിയിടുക. പ്രകൃതിദത്തമായി നനവ്‌ ലഭ്യമാകുന്ന കുളി ആസ്വദിക്കുക. സുഗന്ധത്തിനായി ഇതില്‍ സുഗന്ധതൈലങ്ങളും ചേര്‍ക്കാം.

ഓട്‌സ്‌ സ്‌ക്രബ്‌

ഒലിവ്‌ എണ്ണയും പഞ്ചസാരയും തുല്യ അളവില്‍ എടുത്ത്‌ ഒരു കൈ അളവ്‌ ഓട്‌സില്‍ ചേര്‍ക്കുക. കുളിക്കുമ്പോള്‍ ഇത്‌ ശരീരത്ത്‌ തേച്ച്‌ നന്നായി കഴുകി കളയുക.

ഓട്‌സ്‌ ബ്രൗണ്‍ ഷുഗര്‍ സ്‌ക്രബ്‌

രണ്ട്‌ ടേബിള്‍സ്‌പൂണ്‍ ഓട്‌സ്‌, രണ്ട്‌ ടേബിള്‍സ്‌പൂണ്‍ ബ്രൗണ്‍ ഷുഗര്‍, രണ്ട്‌ ടേബിള്‍ സ്‌പൂണ്‍ കറ്റാര്‍ വാഴ നീര്‌, ഒരു ടേബിള്‍ സ്‌പൂണ്‍ നാരങ്ങ നീര്‌ എന്നിവ ചേര്‍ത്തിളക്കി കുഴമ്പ്‌ രൂപത്തിലാക്കുക. കുളിക്കുമ്പോള്‍ കൈമുട്ടുകളും കാല്‍ മുട്ടുകളും മറ്റും ഇത്‌ ഉപയോഗിച്ച്‌ തേച്ച്‌ കഴുകാം. മൃദുലമായ ചര്‍മ്മം ലഭിക്കാന്‍ ഇത്‌ സഹായിക്കും.