വാക്‌സിംഗ് വേദന കുറയ്ക്കാം

ശരീരത്തിലെ രോമങ്ങള്‍ നീക്കി സൗന്ദര്യം നല്‍കുന്നതിനുളള ഒരു വഴിയാണ് വാക്‌സിംഗ്.

സൗന്ദര്യം നല്‍കുമെങ്കിലും ഇതു നല്‍കുന്ന വേദന അല്‍പം കൂടുതല്‍ തന്നെയാണ്. രോമം പോകുന്നിടത്ത് വേദനയും നീറ്റലുമെല്ലാം അനുഭവപ്പെടും.

വാക്‌സിംഗ് ചെയ്ത ശേഷമുള്ള വേദനയും നീറ്റലും ഒഴിവാക്കാനുള്ള ചില വഴികളെക്കുറിച്ചറിയൂ,

വാക്‌സിംഗിനു ശേഷം കറ്റാര്‍വാഴ ജെല്‍ പുരട്ടുന്നത് നല്ലതാണ്. ഇത് വേദന കുറയ്ക്കും.

ഐസ് വാക്‌സിംഗ് വേദനയൊഴിവാക്കാനുള്ള മറ്റൊരു വഴിയാണ്. നേരിട്ട് ഐസ് വയ്ക്കാതെ ഒരു പഞ്ഞിയിലോ തുണിയിലോ ഇതു പിടിച്ച് വയ്ക്കാം.

ടീ ട്രീ ഓയില്‍ വാക്‌സിംഗ് വേദനയൊഴിവാക്കാന്‍ നല്ലതാണ്. ഇതു പുരട്ടി മസാജ് ചെയ്യാം.

ടീ ബാഗ് തണുത്ത വെള്ളത്തില്‍ മുക്കി വാക്‌സ് ചെയ്ത ഭാഗത്തു വയ്ക്കുന്നതും ഗുണം ചെയ്യും.

ടാല്‍കം പൗഡര്‍ പുരട്ടുന്നതും വാക്‌സിംഗ് വേദനയൊഴിവാക്കാന്‍ നല്ലതാണ്.

വാക്‌സ് ചെയ്തിടത്ത് വെളിച്ചെണ്ണ പുരട്ടുന്നതും ഗുണം ചെയ്യും.