ബോളിവുഡിലെ പരസ്യമായ രഹസ്യങ്ങള്‍

മാധുരി ദീക്ഷിത്

മാധുരി ദീക്ഷിത് നമ്മള്‍ മലയാളികള്‍ക്കും സുപരിചിതയാണ്. ആഴഅചയില്‍ രണ്ട് പ്രാവശ്യമെങ്കിലും തലയില്‍ എണ്ണ പുരട്ടുന്നതാണ് ഇവരുടെ മുടിയഴകിന്റെ രഹസ്യം. ഹെയര്‍പാക്കും ഉപയോഗിക്കും. കൃത്രിമമായി ഒന്നും ചെയ്യാറില്ലെന്നതും സത്യമാണ്. ടോണര്‍ രാവിലെ മാത്രമേ ഉപയോഗിക്കാറുള്ളൂ.

രേഖ

ബോളിവുഡിനോളം തന്നെ പുകള്‍പെറ്റതാണ് രേഖയുടെ സൗന്ദര്യവും. ഈ പ്രായത്തിലും ചര്‍മ്മത്തിന് യാതൊരു കോട്ടവും ഇവര്‍ക്ക് സംഭവിച്ചിട്ടില്ല. കിടക്കുന്നതിനു മുന്‍പു തന്നെ മേക്കപ് പൂര്‍ണമായും കഴുകിക്കളയും. സ്പായും അരോമ തെറാപ്പിയും ചെയ്താല്‍ ചര്‍മ്മം സംരക്ഷിക്കാമെന്നും രേഖയുടെ സാക്ഷ്യം. വെജിറ്റേറിയന്‍ ഭേക്ഷണമാണ് കഴിക്കാറുള്ളതെന്നതും കൂടുതല്‍ തിളക്കം നല്‍കുന്നു.

പ്രിയങ്ക ചോപ്ര

പ്രിയങ്ക ചോപ്ര ഇപ്പോഴത്തെ ന്യൂജെന്‍ തരംഗമാണ്. ഫേസ്സ്‌ക്രബ് ചെയ്യുമെന്നതാണ് പ്രിയങ്കയുടെ മികവ്. ഇതിനായി അരിപ്പൊടിയും തേനും ഉപയോഗിക്കും. മാത്രമല്ല രാത്രി കിടക്കുന്നതിനു മുന്‍പ് വെളിച്ചെണ്ണ പുരട്ടി രാവിലെ കഴുകി കളയുന്നത് മുടിയുടെ ആരോഗ്യം വര്‍ദ്ധിപ്പിക്കുമെന്ന് പ്രിയങ്ക പറയുന്നു.

ഐശ്വര്യ റായ്

അരിപ്പൊടിയും പാലും തൈരും ചേര്‍ത്ത ഫേസ്പാക്കാണ് ഐശ്വര്യയുടെ സൗന്ദര്യ രഹസ്യം. കൂടാതെ രാവിലെ തന്നെ വെറും വയറ്റില്‍ തേനും നാരങ്ങാനീരും ചേര്‍ത്ത് കഴിക്കുന്നത് ഐശ്വര്യയുടെ ശീലമാണ്.

കത്രീന കൈഫ്

കൃത്യമായ സമയത്തു തന്നെ ഭക്ഷണം കഴിക്കുക എന്നതാണ് കത്രീനയുടെ ഫിറ്റ്‌നസ് രഹസ്യം. വെള്ളം ഇഷ്ടം പോലെ കുടിയ്ക്കും. ബ്യൂട്ടി ഓയില്‍സും മഡ് പാക്കും സ്ഥിരമായി ഉപയോഗിക്കും.

കരീന കപൂര്‍

കെമിക്കലുകള്‍ അടങ്ങിയ ക്രീമുകളൊന്നും തന്നെ കരീന ഉപയോഗിക്കില്ല. വെളിച്ചെണ്ണ, ആവണക്കെണ്ണ, ആല്‍മണ്ട് ഓയില്‍ എന്നിവ ചേര്‍ത്ത് മുടിയില്‍ പുരട്ടും. മാത്രമല്ല കൃത്യമായ ഡയറ്റ് കരീനയുടെ ശീലമാണ്.

സോനം കപൂര്‍

തേനും നാരങ്ങയും ചേര്‍ത്ത് രാവിലെ വെറും വയറ്റില്‍ കുടിയ്ക്കുന്നതാണ് സോനത്തിന്റെ സൗന്ദര്യ രഹസ്യം. ഇത് ദഹനത്തെ സഹായിക്കുമെന്നും ഊര്‍ജ്ജം വര്‍ദ്ധിപ്പിക്കുമെന്നും സോനം പറയുന്നു.

ഹേമ മാലിനി

ബോളിവുഡിന്റെ സ്വപ്‌ന സുന്ദരിയാണ് ഹേമമാലിനി. വെളിച്ചെണ്ണയില്‍ നെല്ലിക്ക നീരും, തുളസിനീരും ചേര്‍ത്ത് തലയില്‍ തേയ്ക്കുന്നതാണ് കറുത്തിരുണ്ട മുടിയുടെ രഹസ്യമെന്ന് ഹേമമാലിനി.