മുല്ലപ്പൂവിലൂടെ സൗന്ദര്യ സംരക്ഷണം

നല്ലൊരു മോയ്‌സ്ചുറൈസര്‍

മുല്ലപ്പൂവ് ചര്‍മ്മ സംരക്ഷണത്തിലും വഹിക്കുന്ന പങ്ക് വലുതാണ്. നല്ലൊരു മോയ്‌സ്ചുറൈസര്‍ ആയി മുല്ലപ്പൂവ് പ്രവര്‍ത്തിക്കും. അതുപോലെ തന്നെ മുല്ലപ്പൂവ് കൊണ്ടുള്ള ലോഷനും ശരീരത്തിനെ ചര്‍മ്മ പ്രശ്‌നങ്ങളില്‍ നിന്നും സംരക്ഷിക്കുന്നു.

ജാസ്മിന്‍ ഓയില്‍

ജാസ്മിന്‍ ഓയില്‍ വെളിച്ചെണ്ണയുടെ കൂടെ ഉപയോഗിക്കാം, ഇത് തല തണുക്കാനും തലവേദനയോടു കൂടിയുള്ള മറ്റ് അസ്വസ്ഥതകളും ഇല്ലാതാക്കുകയും ചെയ്യുന്നു.

താരന്‍ അകറ്റുന്നു

മുല്ലപ്പൂ ഇട്ട വെള്ളം കൊണ്ട് തല കഴുകുന്നത് താരന്‍ പോവാന്‍ സഹായിക്കുന്നു. മുല്ലപ്പൂ ധാരാളം നമ്മുടെ നാട്ടില്‍ സുലഭമായി ലഭിക്കുന്ന ഒന്നായതിനാലും ഈ പരീക്ഷണം ചെയ്യാവുന്നതേ ഉള്ളൂ.

ശരീരദുര്‍ഗന്ധം അകറ്റുന്നു

നല്ലൊരു ബോഡി സ്‌പ്രേ ആയി മുല്ലപ്പൂ ഉപയോഗിക്കാം. ഒരു ടേബിള്‍ സ്പൂണ്‍ ജാസ്മിന്‍ ഓയില്‍ അല്‍പം വെള്ളവും കൂടി മിക്‌സ് ചെയ്ത് സ്‌പ്രേ ആയി ഉപയോഗിക്കാം.

കണ്ടീഷണര്‍ ആയി ഉപയോഗിക്കാം

മുല്ലപ്പൂവ് ചെറുതായി അരിഞ്ഞ് ചൂടു വെള്ളത്തില്‍ അല്‍പസമയം ഇട്ടുവെയ്ക്കുക. അതിനു ശേഷം ആ വെള്ളം കൊണ്ട് തല കഴുകിയാല്‍ മതി നല്ല സുഗന്ധവും ലഭിക്കും. ഇത് നല്ലൊരു കണ്ടീഷണര്‍ ആയും പ്രവര്‍ത്തിക്കും.