മുത്തശ്ശിയുടെ സൗന്ദര്യക്കൂട്ടുകളില്‍ ചിലത്

ആര്യവേപ്പ്

ആര്യവേപ്പിന്റെ ഇല ഇവരുടെ സൗന്ദര്യ സംരക്ഷണത്തിന്റെ ഭാഗമായിരുന്നു. മുഖക്കുരുവിന് പ്രതിവിധിയായും വരണ്ട ചര്‍മ്മത്തിനെതിരേയും ആര്യവേപ്പ് ഫലപ്രദമായിരുന്നു.

കുങ്കുമപ്പൂവ്

കുങ്കുമപ്പൂവ് അല്‍പം വിലപിടിച്ചതാണെങ്കിലും സൗന്ദര്യസംരക്ഷണത്തിലെ കേമന്‍ ആയിരുന്നു. നിറം വര്‍ദ്ധിപ്പിക്കാനും അള്‍ട്രാവയലറ്റ് രശ്മികള്‍ ഉണ്ടാക്കുന്ന പ്രശ്‌നങ്ങളെ പ്രതിരോധിക്കാനും കുങ്കുമപ്പൂവിന് കഴിയും.

തേന്‍

അന്നും ഇന്നും ഒരുപോലെ സൗന്ദര്യസംരക്ഷണത്തില്‍ അവിഭാജ്യ ഘടകമായി നിലകൊള്ളുന്ന ഒന്നാണ് തേന്‍. തേന്‍ വരണ്ട ചര്‍മ്മത്തെ മൃദുത്വമുള്ളതും സുന്ദരവുമാക്കുന്നു.

നെല്ലിക്ക

മുടിവളര്‍ച്ചയ്ക്ക് ഉത്തമമാണ് നെല്ലിക്ക. മുത്തശ്ശി തയ്യാറാക്കുന്ന എണ്ണക്കൂട്ടുകളില്‍ നെല്ലിക്ക ഒരു പ്രധാന ഘടകമായിരിക്കും.

മുള്‍ട്ടാണി മിട്ടി

മുള്‍ട്ടാണിമിട്ടി മുഖക്കുരു മൂലമുണ്ടാക്കുന്ന പാടുകള്‍ മാറാന്‍ സഹായിക്കുന്നു. മാത്രമല്ല മുഖത്തേയും കഴുത്തിലേയും ചര്‍മ്മത്തിനുണ്ടാകുന്ന വരള്‍ച്ച തടയാനും മുള്‍ട്ടാണി മിട്ടിയ്ക്കു കഴിയും.

മഞ്ഞള്‍

മഞ്ഞള്‍ ആരോഗ്യപരമായും സൗന്ദര്യപരമായും നമ്മളെ ഒരുപാട് സകഹായിക്കുന്ന ഒന്നാണ്. ചര്‍മ്മത്തിന്റെ നിറം വര്‍ദ്ധിപ്പിക്കുന്നതില്‍ മഞ്ഞള്‍ വഹിക്കുന്ന പങ്ക് വളരെ വലുതാണ്.

രക്തചന്ദനം

രക്തചന്ദനത്തിന്റെ ഉപയോഗം ചര്‍മ്മത്തിന്റെ തിളക്കവും മൃദുത്വവും വര്‍ദ്ധിപ്പിക്കുന്നു. അതുതന്നെയാണ് രക്ത ചന്ദനം നമ്മുടെ മുത്തശ്ശിമാരുടെ സൗന്ദര്യക്കൂട്ടുകളില്‍ സ്ഥാനം പിടിയ്ക്കാനുള്ള കാരണം.

തുളസി

മുഖക്കുരുവിന്റെ എതിരാളിയാണ് തുളസി. പണ്ടെല്ലാം തുളസിത്തറ ഇല്ലാത്ത ഒരു വീടു പോലുമുണ്ടാവില്ല. എന്നാല്‍ ഇപ്പോള് പേരിനു മാത്രം പലയിടങ്ങളിലും ഉണ്ട്.

തൈര്

തൈര് ഭക്ഷണമായും സൗന്ദര്യസംരക്ഷണത്തിനും ഉപയോഗിക്കുന്നു. എന്നാല്‍ പലപ്പോഴും സൗന്ദര്യ സംരക്ഷണത്തിന്റെ ഭാഗമായിരുന്നു തൈര്. ഇത് താരന്‍ കളയാനും സഹായിക്കുന്നു.