നല്ല കുളിയ്ക്ക് ചില എണ്ണക്കൂട്ടുകള്‍

Updated: Monday, March 16, 2015, 15:33 [IST]

എണ്ണതേച്ചു കുളിയുടെ ഗുണം ചെറുതൊന്നുമല്ല. ശരീത്തിന് ആരോഗ്യവും കുളിര്‍മയും നല്‍കുന്നതിനൊപ്പം സൗന്ദര്യം സംരക്ഷിയ്ക്കാനു ഇത് നല്ലതാണ്.

കുളിയ്ക്കാന്‍ വിപണിയില്‍ പലതരം എണ്ണകള്‍ കിട്ടും. ഇവയ്ക്കു പലതിനും പല ഗുണങ്ങളാണുള്ളത്.

എന്നാല്‍ ചിലതരം എണ്ണക്കൂട്ടുകള്‍ എണ്ണതേച്ചു കുളിയുടെ പ്രയോജനം ഇരട്ടിയാക്കാന്‍ സഹായിക്കും. ഇത്തരം ചില എണ്ണക്കൂട്ടുകളെക്കുറിച്ചറിയൂ, ഇവ വീട്ടിലുണ്ടാക്കാന്‍ സാധിയ്ക്കുമെന്നതാണ് കൂടുതല്‍ ഗുണം.

പനിനീര്, ഒലീവ് ഓയില്‍

പനിനീര്, ഒലീവ് ഓയില്‍ എന്നിവ കലര്‍ത്തി തേയ്ക്കുകന്നത് നല്ലതാണ്. ഇവ രണ്ടും തുല്യഅളവിലെടുത്ത് നല്ലപോലെ കലര്‍ത്തി ദേഹത്തു തേക്കാം.

മുല്ലപ്പൂ

ദേഹത്ത് തേയ്ക്കാന്‍ ഉപയോഗിയ്ക്കുന്ന എണ്ണയില്‍ അല്‍പം മുല്ലപ്പൂക്കള്‍ ചതച്ച് പിഴിഞ്ഞ് നീരൊഴിയ്ക്കുക. ഇത് ദേഹത്തു പുരട്ടാം. കുളിയ്ക്കുന്ന വെള്ളത്തിലും മുല്ലപ്പൂവിടാം.