നഖവളര്‍ച്ചയ്ക്കു സഹായിക്കും ഭക്ഷണങ്ങള്‍

സ്ത്രീകളുടെ സൗന്ദര്യത്തിന് നഖസൗന്ദര്യത്തിനും പ്രധാന പങ്കുണ്ട്. നീട്ടി വളര്‍ത്തി നെയില്‍ പോളിഷിട്ട നഖം ഒരു നിമിഷം ആരുടേയും ശ്രദ്ധയാകര്‍ഷിയ്ക്കും.

നഖങ്ങളുടെ ഉറപ്പുകുറവും ഇവ പെട്ടെന്നു പൊട്ടിപ്പോകുന്നതുമാണ് പലരുടേയും പ്രശ്‌നം, പലപ്പോഴും ആവശ്യമുള്ള പോഷകങ്ങളുടെ കുറവാണ് നഖം പൊട്ടിപ്പോകുന്നതിന് പ്രധാന കാരണമാകുന്നത്.

നഖം പൊട്ടിപ്പോകുന്നതു തടയാനും നഖങ്ങളുടെ ആരോഗ്യത്തിനും വളര്‍ച്ചയ്ക്കും സഹായിക്കുന്ന ചില പ്രത്യേക ഭക്ഷണങ്ങളുണ്ട്. ഇവയേതൊക്കെയെന്നറിയൂ,

സാല്‍മണ്‍
നഖങ്ങളുടെ വളര്‍ച്ചയ്ക്കു സഹായിക്കുന്ന നല്ലൊരു ഭക്ഷണവസ്തുവാണ് സാല്‍മണ്‍. കോര, കാല എന്നിവയാണ് ഇവയുടെ മലയാളം പേര്. ആഴ്ചയില്‍ രണ്ടു തവണയെങ്കിലും ഇത് കഴിയ്ക്കുന്നത് നിങ്ങളുടെ നഖത്തിന് കൂടുതല്‍ ബലം നല്‍കും.

ഇലക്കറികള്‍
പച്ച നിറത്തിലുള്ള പച്ചക്കറികളും ഇലക്കറികളുമെല്ലാം നഖങ്ങളുടെ ആരോഗ്യത്തിന് ഉത്തമമാണ്. ഇവയില്‍ വൈറ്റമിന്‍ എ, ബി, സി എന്നിവയാണ് നഖങ്ങളുടെ ആരോഗ്യത്തിനു സഹായിക്കുന്നത്. നഖത്തിനു മാത്രമല്ല, മുടിയ്ക്കും ഇത് നല്ലതാണ്.

ബീന്‍സ്
നഖങ്ങളുടെ ആരോഗ്യത്തിനു ചേര്‍ന്ന മറ്റൊരു ഭക്ഷണമാണ് ബീന്‍സ്. ഇവയില്‍ ബയോട്ടിന്‍, അയേണ്‍, പ്രോട്ടീന്‍ എന്നിവ ധാരാളം അടങ്ങിയിട്ടുണ്ട്. ഇത് നഖങ്ങളുടെ ആരോഗ്യത്തിന് മികച്ചതാണ്. മുടി, നഖ വളര്‍ച്ചയ്ക്ക് ബയോട്ടിന്‍ വളരെ പ്രധാനമാണ്. മുട്ട, പാല്‍ എന്നിവയില്‍ ബയോട്ടിന്‍ ധാരാളം അടങ്ങിയിട്ടുണ്ട്.

തവിടു കളയാത്ത ധാന്യങ്ങള്‍
ചര്‍മത്തെയും മുടിയേയും നഖത്തേയുമെല്ലാം നശിപ്പിയ്ക്കുന്ന ഒന്നാണ് ശരീരത്തില്‍ രൂപപ്പെടുന്ന ഫ്രീ റാഡിക്കല്‍സ്. ഫ്രീ റാഡിക്കല്‍സിനെ ചെറുത്തു നില്‍ക്കാന്‍ തവിടു കളയാത്ത ധാന്യങ്ങള്‍ നല്ലതാണ്. ഓട്‌സ്, ബ്രൗണ്‍ റൈസ്, റാഗി, ബാര്‍ലി എന്നിവയെല്ലാം നല്ലതാണ്.

വെള്ളം
വെള്ളം കുടിയ്‌ക്കേണ്ടത് നഖങ്ങളുടേയും ചര്‍മത്തിന്റേയും മുടിയുടേയുമെല്ലാം ആരോഗ്യത്തിന് വളരെ പ്രധാനമാണ്. ഇത് പോഷകങ്ങള്‍ ആഗിരണം ചെയ്യാന്‍ ശരീരത്തെ സഹായിക്കും.

ബദാം
ബദാം നഖങ്ങളുടെ വളര്‍ച്ചയ്ക്ക പ്രധാനപ്പെട്ട മറ്റൊരു ഭക്ഷ്യവസ്തുവാണ്. ഇതില്‍ പ്രോട്ടീന്‍, മഗ്നീഷ്യം എന്നിവയുണ്ട്. നഖങ്ങളുടെ ആരോഗ്യത്തിന് മഗ്നീഷ്യം വളരെ പ്രധാനമാണ്.