സ്ത്രീകള്‍ രോമം ഷേവ് ചെയ്യാമോ?

ദേഹത്തെ രോമം ഷേവു ചെയ്ത് കളയുന്ന ശീലം പല സ്ത്രീകള്‍ക്കുമുണ്ട്. ബ്യൂട്ടി പാര്‍ലറില്‍ പോകാതിരിക്കാനുള്ള എളുപ്പ വഴിയാണ് ഇത് പലര്‍ക്കും. ആദ്യം മടിയുണ്ടെങ്കിലും ഒരു തവണ ചെയ്താല്‍ ഇത് ശീലമാക്കുന്നവരുമുണ്ട്.

പുരുഷന്മാര്‍ മുഖത്തെ രോമം ഷേവ് ചെയ്യുന്നത് സാധാരാണം. പൂര്‍ണമായും ഷേവ് ചെയ്താല്‍ ഒരു ഇളംപച്ച നിറം മുഖത്തു കാണപ്പെടുകയും ചെയ്യും. സ്ത്രീകള്‍ അടുപ്പിച്ച് ദേഹത്തെ രോമം നീക്കിയാലും ഈ ഫലം തന്നെയാണ് ഉണ്ടാവുക. ദേഹം ഇളംപച്ച നിറമാകും.

സ്ത്രീകളുടെ ദേഹം പൊതുവെ മൃദുവാണ്. എന്നാല്‍ ഷേവിംഗിലൂടെ ചെറുരോമങ്ങള്‍ ദേഹത്ത് ബാക്കി നില്‍ക്കും. ഇത് ദേഹത്ത് കുത്തിക്കൊള്ളുകയും ചെയ്യും.

ഷേവ് ചെയ്ത് ശരീരത്തിലെ രോമം നീക്കുമ്പോള്‍ രോമവളര്‍ച്ച കൂടുകയാണ് ചെയ്യുന്നത്. വേഗത്തില്‍ ദേഹത്തെ രോമങ്ങള്‍ വളരുന്നു. പുരുഷന്മാര്‍ ഷേവ് ചെയ്താലും വേഗം താടിയും മീശയും വളരുന്ന കാണാം. അതുപോലെ മുടി മുട്ടയടിച്ചാല്‍ വീണ്ടും മുടി പെട്ടെന്നു വളരുന്നതും കാണാം. ഇതേ ഫലം തന്നെയാണ് ദേഹത്ത് ഷേവ് ചെയ്യുമ്പോഴും നടക്കുന്നത്.

ഷേവ് ചെയ്തു കഴിഞ്ഞാല്‍ ബാക്കി നില്‍ക്കുന്ന രോമങ്ങളുടെ കട്ടി കൂടും. പുതുതായി കൂടുതല്‍ കട്ടിയില്‍ രോമങ്ങള്‍ ഉണ്ടാവുകയും ചെയ്യും.

ദേഹത്ത് ഷേവ് ചെയ്യുന്തോറും ചര്‍മത്തിന്റെ മാര്‍ദവം നഷ്ടപ്പെടുകയാണ് ചെയ്യുക. അടുപ്പിച്ചടുപ്പിച്ച് ഷേവ് ചെയ്യുമ്പോള്‍ ദേഹം മൃദുവല്ലാതായി മാറും.

ഷേവ് ചെയ്യുന്നതിലൂടെ ചര്‍മത്തിലെ രോമങ്ങള്‍ പൂര്‍ണായും നീക്കപ്പെടുന്നില്ല. ഉള്ള രോമങ്ങളുടെ വേരുകള്‍ ഇതുപോലെ തന്നെ നില്‍ക്കുന്നുണ്ടാകും. താല്‍ക്കാലികമായി ഒരു പരിഹാരമുണ്ടാകുമെന്നല്ലാതെ ദേഹത്തെ രോമങ്ങള്‍ എന്നെന്നേക്കുമായി നീക്കാന്‍ ഷേവിംഗ് ഒരു മാര്‍ഗമല്ല.

സ്ത്രീകള്‍ക്ക് ദേഹത്തെ രോമവളര്‍ച്ച തടയാന്‍ വാക്‌സിംഗ്, ലേസര്‍ ചികിത്സ തുടങ്ങിയവ സഹായിക്കും.