കൈ, കാല്‍മുട്ടുകള്‍ വെളുപ്പിക്കാം

Updated: Monday, November 19, 2012, 15:37 [IST]

കാല്‍മുട്ടുകളും കൈമുട്ടുകളും മറ്റു ഭാഗങ്ങളെ അപേക്ഷിച്ച് കറുത്ത നിറത്തില്‍ വരണ്ടിരിക്കുന്നതാണ് പൊതുവെയുള്ള സ്വഭാവം. ഇത് പലരെയും അലട്ടുന്ന സൗന്ദര്യപ്രശ്‌നവുമാണ്. വെളുത്ത ചര്‍മമുള്ളവര്‍ക്ക് ഇത് നല്ലൊരു ഇതിന് വീട്ടില്‍ തന്നെ ചെയ്യാവുന്ന ചില പരിഹാരങ്ങളുണ്ട്.

ഇവ പലതും പ്രകൃതിദത്തമാര്‍ഗങ്ങളാണെന്നതാണ് ഏറ്റവും വലിയ ഗുണം. നമ്മുടെ അടുക്കളയിലും ചുറ്റുവട്ടത്തുമുള്ള സാധനങ്ങളാണ് ഇതിന് വേണ്ടി ഉപയോഗിക്കേണ്ടതും.

ചെറുനാരങ്ങയുടെ നീര് കൈ, കാല്‍മുട്ടുകളില്‍ പുരട്ടുന്നത് നല്ലൊരു പരിഹാരമാണ്. ചെറുനാരങ്ങാനീരില്‍ പഞ്ഞി മുക്കി ഇത് കാല്‍മുട്ടുകളില്‍ പുരട്ടാം. പത്തുപതിനഞ്ചു മിനിറ്റു കഴിഞ്ഞ് ഇത് കഴുകിക്കളയുകയുമാകാം. ചെറുനാരങ്ങയുടെ തൊണ്ട് ഇവിടെ ഉരസുന്നതും നല്ലതുതന്നെ.

വെളിച്ചെണ്ണ കൈ,കാല്‍മുട്ടുകളില്‍ പുരട്ടി മസാജ് ചെയ്യുന്നതും നല്ലൊരു പരിഹാരമാണ്. ചെറുനാരങ്ങാനീരും വെളിച്ചെണ്ണയും കൂട്ടിച്ചേര്‍ത്തും പുരട്ടാം.

തൈര് വിനെഗറുമായി കൂട്ടിച്ചേര്‍ത്തു പുരട്ടുന്നതും നല്ലതുതന്നെയാണ്. തൈര് മാത്രം പുരട്ടി മസാജ് ചെയ്യുന്നതും തൈരും ചെറുനാരങ്ങാനീരും ചേര്‍ത്ത് മസാജ് ചെയ്യുന്നതും നല്ലതുതന്നെ.

പഞ്ചസാര ബേക്കിംഗ് സോഡയുമായി കൂട്ടിച്ചേര്‍ത്ത് കൈ, കാല്‍മുട്ടില്‍ മസാജ് ചെയ്യുന്നതും നല്ലതാണ്. ഇത് വരണ്ട ചര്‍മം അകറ്റാന്‍ പറ്റിയ ഒരു മാര്‍ഗം കൂടിയാണ്.

കടുകെണ്ണ വെളിച്ചെണ്ണയുമായി കൂട്ടിച്ചേര്‍ത്ത് കൈകാല്‍ മുട്ടില്‍ സ്‌ക്രബ് ചെയ്യുന്നതും വളരെ നല്ലതു തന്നെ. ഇത് ചര്‍മത്തെ മൃദുവാക്കുന്നതിനും ചര്‍മത്തിന് വെളുത്ത നിറം നല്‍കുന്നതിനും സഹായിക്കും.