ആണിനും കാക്കാം സൗന്ദര്യം

Body Care

oi-Saritha

By Veena

Published: Friday, August 3, 2012, 11:53 [IST]

സൗന്ദര്യം സ്ത്രീകളുടെ കുത്തകയായിരുന്ന കാലമെല്ലാം പോയി. ഇപ്പോള്‍ സ്ത്രീകള്‍ക്കൊപ്പം തന്നെ പുരുഷന്മാരും സൗന്ദര്യസംരക്ഷണത്തെ പറ്റി ബോധവാന്മാരാണ്. പുരുഷന്മാര്‍ക്ക് സൗന്ദര്യം നല്‍കുന്ന ചില പ്രധാന കാര്യങ്ങളെക്കുറിച്ച് അറിയൂ.

പുരുഷന്റെ മുഖചര്‍മം പൊതുവെ പരുക്കനാണെന്നു പറയും. മൃതകോശങ്ങളും ധാരാളമുണ്ടാകും. നല്ല സ്‌ക്രബര്‍ ഉപയോഗിച്ച് മുഖം സ്‌ക്രബ് ചെയ്യാം. ഷേവിംഗും ഇതിനുള്ള ഒരു മാര്‍ഗം തന്നെയാണ്. നല്ല മോയിസ്ചറൈസറും ഉപയോഗിക്കാം.

സിഗരറ്റ് കടുത്ത വെയിലിനേക്കാള്‍ ദോഷം ചെയ്യും. മുഖത്ത് ചുളിവുകളുണ്ടാക്കി പ്രായക്കൂടുതല്‍ തോന്നിക്കും. മുഖചര്‍മത്തെ നന്നാക്കുന്ന കൊളാജെന്‍, ഇലാസ്റ്റിന്‍ തുടങ്ങിയ തുടങ്ങിയവ ഇല്ലാതാക്കും. പുകവലി കൂടുന്നത് മുഖത്ത് കരുവാളിപ്പു വരുത്തുകയും ചെയ്യും. ഈ ശീലം ഉപേക്ഷിക്കുക.

നല്ല ചര്‍മത്തിന് നല്ല ഭക്ഷണം വളരെ പ്രധാനം. ഫൈബര്‍ അടങ്ങിയ ഭക്ഷണങ്ങള്‍ കഴിയ്ക്കുക. പച്ചക്കറികളും പഴവര്‍ഗങ്ങളും ധാരാളം ഭക്ഷണത്തില്‍ ഉള്‍പ്പെടുത്തണം. ഓട്്‌സ്, മത്സ്യം, കോട്ടേജ് ചീസ് പോലുള്ള ഭക്ഷണങ്ങള്‍ ചര്‍മത്തിന് നല്ലതാണ്.

ധാരാളം വെള്ളം കുടിയ്ക്കണം. വെള്ളം ചര്‍മത്തിന് വളരെ പ്രധാനമാണ്. അല്ലെങ്കില്‍ ചര്‍മം വരണ്ടു പോകും.

ആവശ്യത്തിനുള്ള ഉറക്കവും വളരെ പ്രധാനം തന്നെ. സ്‌കിന്‍ കേടുപാടുകള്‍ തീര്‍ക്കുന്നത് ഉറക്കത്തിലാണെന്നു പറയും. ആവശ്യത്തിന് ഉറക്കം ലഭിച്ചില്ലെങ്കില്‍ കണ്ണിനടിയില്‍ കറുത്ത പാടുകള്‍ വരാന്‍ സാധ്യതയുണ്ട്.

വ്യായാമം പ്രധാനം. മസിലുകളും ഉറച്ച ശരീരവുമാണ് പുരുഷസൗന്ദര്യത്തിന്റെ പുതിയ നിര്‍വചനം. ഇത് ആരോഗ്യത്തിനും നല്ലതു തന്നെ. ശരീരത്തില്‍ കൊഴുപ്പടിയാതെ സൂക്ഷിക്കണം.

നിവര്‍ന്നു നടക്കുകയും ഇരിക്കുകയും ചെയ്യുക. ആത്മവിശ്വാസമുള്ള നടപ്പും ഇരിപ്പും പുരുഷന് സൗന്ദര്യം നല്‍കും.