ആത്മവിശ്വാസമുയര്‍ത്തും പുഷ് അപ് ബ്രാ

Body Care

oi-Saritha

By Veena

Updated: Wednesday, August 1, 2012, 14:51 [IST]

ശരീരസൗന്ദര്യത്തിന്റെ കാര്യത്തില്‍ സ്ത്രീകള്‍ വളരെ ശ്രദ്ധാലുക്കളാണ്. അഴകും അളവുമാണ് സ്ത്രീ സൗന്ദര്യം വര്‍ദ്ധിപ്പിക്കുന്നതെന്ന കാര്യത്തില്‍ സംശയം വേണ്ട.

മാറിട സൗന്ദര്യത്തിന്റെ കാര്യവും ഇതുതന്നെ. മാറിട സൗന്ദര്യം വര്‍ദ്ധിപ്പിക്കാന്‍ പുഷ് അപ് ബ്രാ സഹായിക്കുമെന്ന കാര്യത്തില്‍ സംശയം വേണ്ട. എന്നാല്‍ സൗന്ദര്യം മാത്രമല്ലാ, ആത്മവിശ്വാസം വര്‍ദ്ധിപ്പിക്കാനും ഇവ സഹായിക്കുമെന്നാണ് പുതിയ കണ്ടെത്തല്‍. മാഞ്ചെസ്റ്റര്‍ യൂണിവേഴ്‌സിറ്റി ഇതു സംബന്ധിച്ച് പഠനം നടത്തുകയും ചെയ്തിട്ടുണ്ട്. ഇതില്‍ നിന്നാണ് ഇക്കാര്യം തെളിഞ്ഞത്.

20 മുതല്‍ 55 വയസു വരെയുള്ള സ്ത്രീകളിലാണ് ഇതു സംബന്ധിച്ച പഠനം നടത്തിയത്. ഇവരില്‍ പുഷ് അപ് ബ്രാ, സാധാരണ ബ്രാ എന്നിവ ധരിക്കുന്നവരെ വേര്‍തിരിച്ചു പഠനം നടത്തിയത്. ഇതില്‍ പുഷ് അപ് ബ്രാ ധരിക്കുന്നവരില്‍ 73 ശതമാനവും കൂടതല്‍ ആത്മവിശ്വാസമുള്ളവരായി കണ്ടെത്തി. ആത്മവിശ്വാസ ലക്ഷണങ്ങളായ കണ്ണില്‍ നോക്കിയുള്ള സംസാരം, പുഞ്ചിരി എന്നിവ കൂടുതല്‍ ഇവരിലാണ് കണ്ടെത്തിയത്.

സാധാരണ ബ്രാ ധരിക്കുന്നതവരില്‍ ഇത്തരം ആത്മവിശ്വാസ ലക്ഷണങ്ങള്‍ കുറവാണ് കണ്ടെത്തിയതെന്നും പഠനത്തില്‍ പറയുന്നു.

ശരീരഭംഗിയും സൗന്ദര്യവും സ്ത്രീകളുടെ ആത്മവിശ്വാസത്തെയും പെരുമാറ്റത്തെയും സ്വാധീനിക്കുന്നുണ്ടെന്ന് ഇത്തരം പഠനഫലങ്ങളില്‍ വെളിവാക്കപ്പെടുന്നതായി ഇതോടെ തെളിഞ്ഞിട്ടുണ്ടെന്ന് പഠനം നടത്തിയവര്‍ അഭിപ്രായപ്പെടുന്നു.