സൗന്ദര്യത്തിന് പാദസംരക്ഷണം പ്രധാനം

ഭംഗിയുള്ള, മൃദുവായ പാദങ്ങള്‍ സൗന്ദര്യത്തിന്റെ പ്രധാന ലക്ഷണം കൂടിയാണ്. ഇത് അല്‍പം ശ്രമിച്ചാല്‍ സ്വന്തമാക്കാവുന്നതേയുള്ളൂ.

പാദങ്ങള്‍ മോയിസ്ചറൈസറിട്ട് മസാജ് ചെയ്യേണ്ടത് പ്രധാനം. ഇതിനായി ബോഡി ലോഷന്‍ ഉപയോഗിക്കാം. ഇത് ദിവസവും ചെയ്യുകയും വേണം.

വെളിച്ചെണ്ണ പാദങ്ങള്‍ മസാജ് ചെയ്യുവാന്‍ നല്ലതാണ്. ദിവസവും കുളി കഴിഞ്ഞ ശേഷവും രാത്രി കിടക്കുന്നതിനു മുന്‍പും വെളിച്ചെണ്ണ കൊണ്ട് പാദങ്ങള്‍ മസാജ് ചെയ്യുക. ഇത് പിന്നീട് തുടച്ചു കളയാം.

കിടക്കാന്‍ നേരം പാദങ്ങളില്‍ മോയിസ്ചറൈസര്‍ പുരട്ടുുന്നത് നല്ലതാണ്. പാദങ്ങളില്‍ എണ്ണ ഗ്രന്ഥികളില്ല. ഇത് പാദങ്ങള്‍ കൂടുതല്‍ വരണ്ടതാകാന്‍ കാരണമാകും. വെളിച്ചെണ്ണ കൊണ്ട് മസാജ് ചെയ്യുന്നത് ഇതിനുള്ളൊരു പരിഹാരമാര്‍ഗമാണ്.

സ്‌ട്രോബെറി ഉടച്ച് അതില്‍ ഒലീവ് ഓയില്‍ ചേര്‍ത്തും പാദങ്ങളില്‍ മസാജ് ചെയ്യാം. വേണമെങ്കില്‍ അല്‍പം പാല്‍ ചേര്‍ക്കാം. പാദത്തിലെ മൃതകോശങ്ങള്‍ അകറ്റാന്‍ ഇത് നല്ലതാണ്.

പാദങ്ങള്‍ ദിവസവും പാല്‍ ഉപയോഗിച്ച് മസാജ് ചെയ്യുന്നതും നല്ലതാണ്. ഇത് രാത്രി ചെയ്യുന്നതാണ് കൂടുതല്‍ നല്ലത്. പാല്‍ കൊണ്ട് മസാജ് ചെയ്ത് പീന്നിട് കഴുകിക്കളയാം.