നഖത്തിന് വെളുപ്പു നല്‍കാം

മറ്റു ചിലരുടെ നഖങ്ങളുണ്ട്, നെയില്‍ പോളിഷ് ഇട്ടിട്ടുണ്ടോയെന്ന് തോന്നിക്കും വിധം വെളുപ്പും തിളക്കവുമുണ്ടായിരിക്കും. ഇതൊരു അപൂര്‍വ സൗഭാഗ്യമാണെന്നു കരുതി അസൂയപ്പെടുകയൊന്നും വേണ്ട, വെളുത്ത നഖങ്ങള്‍ ലഭിക്കാന്‍ വീട്ടില്‍ തന്നെ ചെയ്യാവുന്ന ധാരാളം കാര്യങ്ങളുണ്ട്. വളരെ ലളിതമായ കാര്യങ്ങള്‍.

ചെറുനാരങ്ങ ചര്‍മസംരക്ഷണത്തിന് മാത്രമല്ലാ, നഖങ്ങള്‍ക്കും നല്ലതാണ്. ചെറുനാരങ്ങാത്തൊണ്ട് നഖങ്ങളില്‍ ഉരസിയാല്‍ നഖങ്ങള്‍ക്ക് വെളുപ്പും തിളക്കവും ലഭിക്കും. ചെറുനാരങ്ങാ നീര് പുരട്ടി അല്‍പ സമയം കഴിഞ്ഞ് കഴുകിക്കളയുന്നതും നല്ലത്.

ചെറുനാരങ്ങാനീരില്‍ അല്‍പം ഉപ്പു ചേര്‍ത്ത് കൈനഖങ്ങളില്‍ ഉരസുക. കറുത്ത നിറവും പാടുകളും മാറി മനോഹരമായ നഖങ്ങള്‍ ലഭിക്കും.

ബേക്കിംഗ് സോഡ അല്‍പം ചൂടുവെള്ളത്തില്‍ കലക്കി കൈകള്‍ അല്‍പ സമയം മുക്കി വയ്ക്കുക. ഇത് നഖങ്ങള്‍ വൃത്തിയാവാന്‍ സഹായിക്കും. നഖങ്ങള്‍ക്ക് തിളക്കവും ലഭിക്കും.

വൈറ്റ് വിനെഗറും നഖങ്ങള്‍ക്ക് തിളക്കം നല്‍കാന്‍ നല്ലതാണ്. ഷാംപൂ കലക്കിയ വെള്ളത്തില്‍ അല്‍പനേരം കൈകള്‍ മുക്കി വയ്ക്കുക. പിന്നീട് ഒരു പഞ്ഞി വൈറ്റ് വിനെഗറില്‍ മുക്കി നഖങ്ങളില്‍ പുരട്ടാം. നഖങ്ങള്‍ തിളങ്ങും.

നഖങ്ങള്‍ക്ക് വെളുപ്പു നല്‍കാനുള്ള മറ്റൊരു വഴിയാണ് ടൂത്ത് പേസ്റ്റ്. ടൂത്ത് പേസ്്റ്റ് നഖങ്ങളില്‍ പുരട്ടി ഉണങ്ങുമ്പോള്‍ കഴുകിക്കളയാം. ബ്ലീച്ച് ചെയ്ത പോലുള്ള ഫലമുണ്ടാകും.