വിയര്‍പ്പുനാറ്റം ഒഴിവാക്കാന്‍ സ്വാഭാവിക രീതികള്‍

Published: Thursday, March 22, 2012, 12:32 [IST]

വേനല്‍ക്കാലത്ത് ചൂടും വിയര്‍പ്പും അസഹ്യമായ ശരീര ദുര്‍ഗന്ധമുണ്ടാക്കും. ഇതു തടയാന്‍ ചിലപ്പോള്‍ സ്‌പ്രേയും ഡിയോഡറന്റുമൊന്നും മതിയാകാതെ വരും. ശരീര ദുര്‍ഗന്ധം ഒഴിവാക്കാന്‍ ചില സ്വാഭാവിക വഴികളുമുണ്ട്.

കുളിക്കുന്ന വെള്ളത്തില്‍ ഒരു നുള്ള് ബേക്കിംഗ് സോഡ ചേര്‍ക്കുക. ഇത് ശരീര ദുര്‍ഗന്ധം ഒഴിവാക്കാന്‍ സഹായിക്കും. ചന്ദനത്തൈലം ഒരു തുള്ളി കുളിയ്ക്കുന്ന വെള്ളത്തില്‍ ഒഴിക്കുന്നതും ഗുണം ചെയ്യും.

ചെറുനാരങ്ങാ നീരും ബേക്കിംഗ് സോഡയും കലര്‍ന്ന മിശ്രിതം ദേഹത്തു പുരട്ടുന്നത് അമിതമായ വിയര്‍പ്പും ശരീര ദുര്‍ഗന്ധവും ഒഴിവാക്കാന്‍ സഹായിക്കും.

കക്ഷത്തിലാണ് പ്രധാനമായും ദുര്‍ഗന്ധമുണ്ടാകാന്‍ സാധ്യത കൂടുതല്‍. കുളി കഴിഞ്ഞ് ഈ ഭാഗത്ത് നേരത്തെ പറഞ്ഞ മിശ്രിതം പുരട്ടുകയോ കുക്കുമ്പര്‍ മുറിച്ചത് ഉരസുകയോ ചെയ്യാം. കുളി കഴിഞ്ഞാല്‍ കക്ഷത്തിലെ ഈര്‍പ്പം നല്ലപോലെ തുടച്ചു വൃത്തിയാക്കുകയും ചെയ്യണം.

വെള്ളം ധാരാളം കുടിയ്ക്കണം. വെള്ളത്തിന്റെ കുറവും ശരീരത്തിലെ വിയര്‍പ്പിന്റെ ദുര്‍ഗന്ധം കൂട്ടും.

വേനല്‍ക്കാലത്തെങ്കിലും രണ്ടുനേരവും കുളിയ്ക്കുന്നത് ശീലമാക്കുക.