പാദഭംഗിക്ക് ഫിഷ് സ്പാ

Published: Monday, March 19, 2012, 13:07 [IST]

മീന്‍ വറുത്തും വച്ചും കഴിയ്ക്കുന്നത് പതിവ്. ആസ്തമയ്ക്ക് മീന്‍ വിഴുങ്ങുന്ന ചികിത്സയുമുണ്ട്. എന്നാല്‍ മീന്‍ തിരിച്ചിങ്ങോട്ടു കടിച്ചാല്‍ എങ്ങനെയിരിക്കും.

ചോദ്യം സ്പായുമായി ബന്ധമപ്പെടുത്തിയാണ്. ഭംഗി കൂട്ടാന്‍ വിവിധ തരം സ്പാകള്‍ നടത്തുന്ന കാരമാണിത്. ബോഡി സ്പാ, ഹെയര്‍ സ്പാ എന്നിങ്ങനെ തരംതിരിവുകളും ധാരാളം. ഇതില്‍ പെടും ഫിഷ് സ്പായും.

പ്രധാനമായും പാദഭംഗിക്കാണ് ഫിഷ് സ്പാ നടത്തുന്നത്. ചെയ്യുന്ന രീതിയും ലളിതം. ഒരു ഫിഷ് ടാങ്കിനുള്ളില്‍ പാദങ്ങളിറക്കി വയ്ക്കുക. അപ്പോള്‍ മത്സ്യങ്ങള്‍ കൂട്ടത്തോടെ വന്ന് പാദത്തില്‍ കടിയ്ക്കും.

ഫിഷ് സ്പാ കൊണ്ടുള്ള ഗുണങ്ങളില്‍ പ്രധാനം പാദങ്ങളിലെ രോഗാണുക്കളെയും ബാക്ടീരിയകളെയും ഇവ തിന്നുമെന്നതാണ്. പാദചര്‍മത്തിലെ മൃതകോശങ്ങളും ഇവ തിന്നും.

മത്സ്യങ്ങള്‍ കാലില്‍ കടിയ്ക്കുമ്പോള്‍ ആ സ്പര്‍ശനം തലച്ചോറില്‍ എന്‍ഡോര്‍ഫിന്‍ എന്ന ഹോര്‍മോണ്‍ ഉല്‍പാദനത്തിന് കാരണമാകും. ഇത് റിലാക്‌സിംഗ് ഹോര്‍മോണ്‍ എന്നാണ് അറിയപ്പെടുന്നത്.

ശരീരത്തിലെ രക്തപ്രവാഹവും ഫിഷ് സ്പാ കാരണം വര്‍ദ്ധിക്കുന്നു. ഇത് ചര്‍മത്തിനും നല്ലതാണ്.

മൃതകോശങ്ങള്‍ പോയി പുതിയ കോശങ്ങള്‍ രൂപപ്പെടുന്നതു കാരണം പാദം കൂടുതല്‍ മൃദുവും ഭംഗിയുമാകുമെന്നതും ഫിഷ് സ്പായുടെ ഗുണമാണ്.