വിയര്‍പ്പുനാററം അകറ്റാം

Body Care

oi-Saritha

By Veena

Published: Wednesday, October 12, 2011, 15:37 [IST]

ദിവസവും കുളിച്ചാലും വിയര്‍പ്പുനാറ്റം കാരണം ബുദ്ധിമുട്ടുന്ന നിരവധി സ്ത്രീകളുണ്ട്. കക്ഷത്തിലെ വിയര്‍പ്പാണ് ഭൂരിഭാഗം ആളുകളുടേയും കാര്യത്തില്‍ വില്ലനാകുന്നത്. രോമങ്ങള്‍ നീക്കം ചെയ്യുകയെന്നതാണ് വിയര്‍പ്പുനാററം ഒഴിവാക്കാനുള്ള പ്രധാനമാര്‍ഗം. പൗഡറുകളും ഡിയോഡറന്റുകളും പെര്‍ഫ്യൂമുകളും ഒരു പരിധി വരെ ഈ പ്രശ്‌നത്തിന് പരിഹാരമാണ്.

കക്ഷത്തിലെ വിയര്‍പ്പ് വായുസഞ്ചാരം കുറവായതു കൊണ്ട് എളുപ്പം വററിപ്പോകുന്നില്ല. അതാണ് കൂടുതലും കക്ഷത്തില്‍ വിയര്‍പ്പുനാറ്റം വരാന്‍ കാരണം. ഈ ഭാഗം നാരങ്ങാനീര് ഒന്നോ രണ്ടോ തുളളിയൊഴിച്ച വെളളം കൊണ്ട് കഴുകുന്നത് നല്ലതാണ്.

കുളി കഴിഞ്ഞ ശേഷം കക്ഷത്തില്‍ വെളള വിനാഗിരി, ചന്ദനത്തൈലം എന്നിവ പുരട്ടുന്നത് വിയര്‍പ്പ് കുറയ്ക്കാന്‍ സഹായിക്കും.

കക്ഷത്തില്‍ ഒരു നുള്ള് ബേക്കിംഗ് സോഡ ഇടുന്നത് ജലാംശം വലിച്ചെടുക്കാനും വിയര്‍പ്പ് കുറയ്ക്കാനും സഹായിക്കും.

ഗ്ലിസറിന്‍, പനിനീര്, ജാസ്മിന്‍ തൈലം എന്നിവ പുരട്ടിയാലും കക്ഷത്തിലെ വിയര്‍പ്പുനാറ്റം ഒഴിവാക്കും.

ധാരാളം വെള്ളം കുടിയ്ക്കുക, ഇലക്കറികള്‍ കഴിക്കുക, ഔഷധച്ചായ കുടിയ്്ക്കുക തുടങ്ങിയ കാര്യങ്ങളും വിയര്‍പ്പു കുറക്കാനും വിയര്‍പ്പുനാറ്റം ഒഴിവാക്കാനും സഹായിക്കും.