ബോഡി സ്‌ക്രബ്ബ് വീട്ടിലുണ്ടാക്കാം

ഉപ്പ് നല്ലൊരു ബോഡി സ്‌ക്രബറാണ്. ഒരു സ്പൂണ്‍ കടലുപ്പ്, അര സ്പൂണ്‍ ഇഞ്ചി പേസ്റ്റ്, ഒരു കപ്പ് വൈറ്റമിന്‍ ഇ ഓയില്‍, അര സ്പൂണ്‍ ഗ്രാമ്പൂ പൊടിച്ചത്, എന്നിവ കൂട്ടിച്ചേര്‍ത്ത് ഒരു മിശ്രിതമുണ്ടാക്കുക. ചൂടുവെള്ളത്തില്‍ ശരീരം കഴുകിയ ശേഷം ഈ മിശ്രിതം ദേഹത്ത് പുരട്ടി അരമണിക്കൂര്‍ കഴിഞ്ഞ് കഴുകിക്കളയാം.

ഓട്‌സ് കഴിക്കാന്‍ മാത്രമല്ലാ, സ്‌ക്രബറായും ഉപയോഗിക്കാം. ഒരു സ്പൂണ്‍ ബ്രൗണ്‍ ഷുഗര്‍, അരക്കപ്പ് ഓട്‌സ്, ഒരുസ്പൂണ്‍ തേന്‍, ഒരു കപ്പ് പാല്‍, രണ്ട് തുള്ളി ഒലീവ് ഒായില്‍ എന്നിവ, ഒരു നുള്ള് കുങ്കുമപ്പൂവ് എന്നിവ കൂട്ടിച്ചേര്‍ത്താല്‍ നല്ല ബോഡി സ്‌ക്രബായി.

നാരങ്ങയ്ക്ക് സൗന്ദര്യസംരക്ഷണത്തില്‍ പ്രധാന പങ്കാണുള്ളത്. ഒരു സ്പൂണ്‍ ശര്‍ക്കര പൊടിച്ചത്, മൂന്ന് സ്പൂണ്‍ നാരങ്ങാനീര്, ഒരു സ്പൂണ്‍ റോക്ക് സാള്‍ട്ട്, അരക്കപ്പ് ജൊജോബ ഓയില്‍ എന്നിവ കൂട്ടിച്ചേര്‍ത്ത് ദേഹത്ത് പുരട്ടി സ്‌ക്രബ് ചെയ്യാം. ശര്‍ക്കരയും ഉപ്പും പൂര്‍ണമായി അലിയുന്നത് വരെ സ്‌ക്രബ് ചെയ്താലേ ഗുണം ലഭിക്കൂ.

ഒരു സ്പൂണ്‍ ലാവെന്‍ഡര്‍ ഓയില്‍, ഒസ്പൂണ്‍ കാസ്റ്റര്‍ ഷുഗര്‍, ഒരു സ്പൂണ്‍ കടലുപ്പ്, അരക്കപ്പ് ഒലീവ് ഓയില്‍ എന്നിവ ചേര്‍ത്ത് നല്ല മണമുള്ള ബോഡി സ്‌ക്രബ് ഉണ്ടാക്കാം. ഇത് ദേഹത്ത് പുരട്ടി സ്‌ക്രബ് ചെയ്ത് അരമണിക്കൂറിന് ശേഷം ചൂടുവെള്ളത്തില്‍ കുളിയ്ക്കുക.

ബോഡി സ്‌ക്രബറുകള്‍ ഉപയോഗിക്കുന്നത് വഴി ശരീരത്തിനാകെ ഉന്മേഷവും ഒപ്പം സൗന്ദര്യവും ലഭിയ്ക്കും.