ബ്രെസ്റ്റ് ഇംപ്ലാന്റേഷനെ കുറിച്ച് കൂടുതലറിയൂ

Body Care

oi-Saritha

By Veena

Published: Tuesday, November 15, 2011, 15:23 [IST]

സ്തനവലിപ്പം കൂട്ടുന്നതിന് ഇന്ന് ഏറ്റവും കൂടുതല്‍ സ്ത്രീകള്‍ ആശ്രയിക്കുന്നത് ശസ്ത്രക്രിയയേയാണ്. ബ്രെസ്റ്റ് ഇംപ്ലാന്റേഷന്‍ എന്നാണ് ഇത് അറിയപ്പെടുന്നത്. ഗുണങ്ങളും ദോഷങ്ങളും ഈ ശസ്ത്രക്രിയക്കുണ്ട്. ഇതിനെക്കുറിച്ച് ശരിക്കറിയാതെയാണ് പല സ്ത്രീകളും ഇതിന് ഇറങ്ങിപ്പുറപ്പെടുന്നത്.

21 വയസു കഴിഞ്ഞ സ്ത്രീകളിലാണ് സാധാരണ ഇത്തരം ശസ്ത്രക്രിയകള്‍ ചെയ്യാറുള്ളത്. മാറിട വലിപ്പം വര്‍ദ്ധിപ്പിക്കുവാന്‍ മാത്രമല്ലാ, സ്തനങ്ങള്‍ക്ക് ആകൃതി നല്‍കാനും ഉറപ്പു നല്‍കാനും ഇംപ്ലാന്റേഷന്‍ ചെയ്യാറുണ്ട്.

മാറിടത്തിലെ കോശങ്ങള്‍ക്കു പിറകില്‍ സ്ഥലമുണ്ടാക്കി ഇവിടെ സിലിക്കോണ്‍ ജെല്‍ വയ്ക്കുകയാണ് ഈ ശസ്ത്രക്രിയയില്‍ ചെയ്യുന്നത്.

ശസ്ത്രക്രിയയ്ക്കു ശേഷം വേദനയുണ്ടാകുന്നത് സ്വാഭാവികമാണ്. നാലുദിവസങ്ങള്‍ക്ക് ശേഷം സാധാരണ അവസ്ഥയാകുമെങ്കിലും മുറിവ് ശരിക്കുണങ്ങാന്‍ നാലു മാസത്തോളം വേണം.

ഇംപ്ലാന്റേഷന്‍ ക്യാന്‍സര്‍ ഉണ്ടാക്കുമെന്ന് തെറ്റിദ്ധാരണയുണ്ട്. ക്യാന്‍സര്‍ ഉണ്ടാക്കില്ലെങ്കിലും ബ്രെസ്റ്റ് ഇംപ്ലാന്റേഷന്‍ ചെയ്ത ചിലര്‍ക്ക് നടുവേദനയും മറ്റ് അസ്വസ്ഥതകളും ഉണ്ടാകാറുണ്ട്.

വിദഗ്ധനായ കോസ്‌മെറ്റിക് സര്‍ജനെക്കൊണ്ടു മാത്രമെ ബ്രെസ്റ്റ് ഇംപ്ലാന്റേഷന്‍ ചെയ്യിക്കാവൂയെന്നത് വളരെ പ്രധാനമാണ്.