കൈവരിയ്ക്കാം അടിമുടി സൗന്ദര്യം

Body Care

oi-Staff

By Super

Updated: Thursday, March 28, 2013, 12:28 [IST]

സൗന്ദര്യം വേണമെന്ന് ആഗ്രഹിക്കാത്തവരുണ്ടാകില്ല, ഇതിനായി പലതരം സൗന്ദര്യ വര്‍ധക വസ്തുക്കള്‍ പരീക്ഷിക്കുകയും ബ്യൂട്ടി പാര്‍ലറുൡലും, ബ്യൂട്ടി സലൂണുകളിലും കയറി ഇറങ്ങുകയും ചെയ്യുന്നവര്‍ ഒട്ടേറെയാണ്. ആണ്‍-പെണ്‍ വ്യത്യാസമില്ലാതെ മിക്കവരും കുറേക്കൂടി സൗന്ദര്യം ഉണ്ടായിരുന്നുവെങ്കില്‍ എന്നാഗ്രഹിക്കുന്നവര്‍ തന്നെയാണ്.

എന്നാല്‍ ഇങ്ങനെ പല കമ്പനികളുടെ ക്രീമുകളും പൗഡറുകളും വാങ്ങിവച്ചിട്ട്മാത്രം കാര്യമില്ല. ശരീരത്തിന് വേണ്ടശ്രദ്ധയും കരുതലും നല്‍കിയെങ്കില്‍ മാത്രമേ അത് സുന്ദരമായിട്ടിരിക്കുകയുള്ളു. ചര്‍മ്മം, കണ്ണുകള്‍, മുടി സൗന്ദര്യം നിര്‍ണയിക്കപ്പെടുന്നതിന്റെ പ്രധാന ഘടകങ്ങളാണിവ. ആരോഗ്യകരമായ രീതിയില്‍ ഇവ സുന്ദരമായി നിലനിര്‍ത്താന്‍ ഇത ചില ഭക്ഷണ വഴികള്‍.

കണ്ണുകളുടെ സൗന്ദര്യത്തിന്

മുഖത്തിന് തിളക്കം തരുന്നതില്‍ കണ്ണുകള്‍ക്കുള്ള പങ്ക് ചെറുതല്ല, നല്ല തിളക്കമുള്ള കണ്ണുകള്‍ സൗന്ദര്യത്തിന്റെ ലക്ഷണമാണ്. പച്ച നിറത്തിലുള്ള പച്ചക്കറികള്‍ അതായത്് സ്പിനാച്ച്(ചീര), ബ്രൊക്കോളി, സുച്ചിനി, മുളപ്പിച്ച പയറുവര്‍ഗങ്ങള്‍ എന്നിവ കണ്ണുകള്‍ക്ക് നല്ല ആരോഗ്യം നല്‍കും. ഇവയിലടങ്ങിയിരിക്കുന്ന കരോട്ടിനോയ്ഡ് എന്നു വിളിക്കുന്ന ലുടിന്‍, സിയാക്‌സാന്തിനന്‍ എന്ന പിഗ്മെന്റ് എന്നവയാണ് ക്ണ്ണുകളെ സുന്ദരമാക്കുന്നത്. ഇവ കണ്ണുകളുടെ കോശങ്ങള്‍ക്ക് നല്ല ആരോഗ്യം നല്‍കും

ആന്റിഓക്‌സിഡന്റുകളും, നാരുകളും ധാരാളം അടങ്ങിയിരിക്കുന്ന പച്ചക്കറികളും കണ്ണിന് ആരോഗ്യം നല്‍കും. ഇവ കണ്ണിന് താഴെയുണ്ടാകുന്ന കറുത്ത അടയാളം മാറ്റാനും സഹായിക്കും.