നഷ്ടപ്പെട്ട തിളക്കം തിരികെയെത്തിക്കും, മുഖം തുടുക്കാന്‍ പ്രകൃതിദത്ത ക്ലെന്‍സറുകള്‍

ദിവസം മുഴുവന്‍ ജോലി ചെയ്തതിന് ശേഷമുള്ള ക്ഷീണവും അഴുക്കുമെല്ലാം നിങ്ങളുടെ മുഖത്ത് പ്രത്യക്ഷപ്പെടാന്‍ തുടങ്ങും. നിങ്ങളുടെ മുഖം വൃത്തിയാക്കാന്‍ ഏറ്റവും മികച്ച ഫേസ് ക്ലെന്‍സര്‍ തന്നെ ഉപയോഗിക്കണം. ഇതിന്റെ സഹായത്തോടെ മാത്രമേ നിങ്ങള്‍ക്ക് ചര്‍മ്മത്തില്‍ നിന്ന് നല്ല രീതിയില്‍ അഴുക്കും പൊടിയും നീക്കം ചെയ്യാന്‍ സാധിക്കൂ. എന്നാല്‍ കെമിക്കല്‍ അധിഷ്ഠിത ക്ലെന്‍സറുകള്‍ ഉപയോഗിക്കാന്‍ നിങ്ങള്‍ ആഗ്രഹിക്കുന്നില്ലെങ്കില്‍, നിങ്ങളുടെ മുഖം വൃത്തിയാക്കാന്‍ നിങ്ങളുടെ അടുക്കളയില്‍ നിന്നുള്ള ചില പ്രകൃതിദത്ത ക്ലെന്‍സറുകള്‍ നിങ്ങള്‍ക്ക് ഉപയോഗിക്കാം.

നിങ്ങളുടെ ചര്‍മ്മത്തെ മൃദുവും മിനുസവും തിളക്കവുമുള്ളതുമാക്കാന്‍ കഴിയുന്ന അത്തരം ചില പ്രകൃതിദത്ത ക്ലെന്‍സറുകളെക്കുറിച്ച് ഞങ്ങള്‍ നിങ്ങളോട് പറയാന്‍ പോകുന്നത്. ചര്‍മ്മത്തിന്റെ വൃത്തിയും തിളക്കവും നിലനിര്‍ത്താന്‍ സഹായിക്കുന്ന ചില പ്രകൃതിദത്ത ക്ലെന്‍സറുകള്‍ ഇതാ.

നാരങ്ങയും തൈരും

തിളക്കം കുറവുള്ള കോമ്പിനേഷന്‍ ചര്‍മ്മമാണ് നിങ്ങളുടേതെങ്കില്‍, തൈരും നാരങ്ങ ക്ലെന്‍സറും നിങ്ങള്‍ക്ക് അനുയോജ്യമാണ്! തൈരില്‍ ലാക്റ്റിക് ആസിഡ് അടങ്ങിയിട്ടുണ്ട്, ഇത് ചര്‍മ്മത്തെ പ്രകൃതിദത്തമായി പുറംതള്ളുന്നു. ഉപരിതലത്തിലുള്ള മൃതകോശങ്ങളെയും അഴുക്കിനെയും മൃദുവായി നീക്കം ചെയ്യുന്നതിലൂടെ, നിങ്ങളുടെ മുഖത്തെ തിളക്കം തിരികെ കൊണ്ടുവരാന്‍ തൈര് മികച്ച രീതിയില്‍ പ്രവര്‍ത്തിക്കുന്നു. ഇത് നിങ്ങളുടെ ചര്‍മ്മത്തെ മോയ്സ്ചറൈസ് ചെയ്യുകയും മൃദുത്വം നിലനിര്‍ത്തുകയും ചെയ്യുന്നു. ചെറുനാരങ്ങ ഒരു നേരിയ ബ്ലീച്ചിംഗ് ഏജന്റാണ്, അതിന്റെ അസിഡിറ്റി ഗുണങ്ങള്‍ ചര്‍മ്മത്തിലെ പിഎച്ച് അളവ് സന്തുലിതമാക്കാന്‍ സഹായിക്കുന്നു.

ഉപയോഗിക്കേണ്ട വിധം

1 ടീസ്പൂണ്‍ തൈര്, 1 ടീസ്പൂണ്‍ നാരങ്ങ എന്നിവയാണ് നിങ്ങള്‍ക്ക് ആവശ്യം. ഒരു ചെറിയ ബൗള്‍ എടുത്ത് ഈ ചേരുവകള്‍ യോജിപ്പിക്കുക. മിനുസമാര്‍ന്ന പേസ്റ്റ് രൂപപ്പെടുത്തുന്നതിന് നന്നായി ഇളക്കുക. നിങ്ങളുടെ മുഖത്ത് കുറച്ച് വെള്ളം തളിച്ച ശേഷം ഈ മിശ്രിതം നിങ്ങളുടെ മുഖത്തും കഴുത്തിലും പുരട്ടുക. 1-2 മിനിറ്റ് നന്നായി മസാജ് ചെയ്ത ശേഷം ചെറുചൂടുള്ള വെള്ളത്തില്‍ നന്നായി മുഖം കഴുകുക.

പാലും തേനും

പാടുകള്‍, പരുക്കന്‍ ചര്‍മ്മം തുടങ്ങിയ വരണ്ട ചര്‍മ്മ പ്രശ്നങ്ങള്‍ ഉള്ള ആളുകള്‍ക്ക് പാലും തേനും ഫേഷ്യല്‍ ക്ലെന്‍സര്‍ അനുയോജ്യമാണ്. മേക്കപ്പ് ഉള്‍പ്പെടെയുള്ളവയെ നീക്കം ചെയ്യുന്നതിനായി ചര്‍മ്മ സുഷിരങ്ങളിലേക്ക് ആഴത്തില്‍ തുളച്ചുകയറുന്ന ഫലപ്രദമായ ശുദ്ധീകരണ ഏജന്റാണിത്. കൂടാതെ, പാലില്‍ അടങ്ങിയിരിക്കുന്ന ലാക്റ്റിക് ആസിഡ് ചര്‍മ്മത്തെ വരണ്ടതാക്കാതെ മൃതകോശങ്ങളെ അകറ്റുന്നു. തേന്‍ ഒരു പ്രകൃതിദത്ത ഹ്യുമെക്റ്റന്റാണ്, ഇത് ചര്‍മ്മത്തെ ഈര്‍പ്പവും മൃദുവുമാക്കുന്നു.

ഉപയോഗിക്കേണ്ട വിധം

2 ടീസ്പൂണ്‍ പാല്‍, 1 ടീസ്പൂണ്‍ തേന്‍ എന്നിവയാണ് നിങ്ങള്‍ക്ക് ആവശ്യം. പാല്‍ ചെറുതായി ചൂടാക്കി കുറച്ച് തേന്‍ ചേര്‍ക്കുക. ഒരു കോട്ടണ്‍ ബഡ് അല്ലെങ്കില്‍ വിരലുകള്‍ ഉപയോഗിച്ച് ഈ മിശ്രിതം ചര്‍മ്മത്തില്‍ പുരട്ടുക. നനഞ്ഞ വിരലുകള്‍ ഉപയോഗിച്ച് നിങ്ങളുടെ മുഖം 2-3 മിനിറ്റ് മൃദുവായി മസാജ് ചെയ്യുക. തണുത്ത വെള്ളം ഉപയോഗിച്ച് മുഖം കഴുകി തോര്‍ത്തി ഒരു മോയ്സ്ചറൈസര്‍ പ്രയോഗിക്കുക.

ആപ്പിള്‍ സിഡെര്‍ വിനെഗര്‍

എസിവി അല്ലെങ്കില്‍ ആപ്പിള്‍ സിഡെര്‍ വിനെഗര്‍ എണ്ണമയമുള്ള ചര്‍മ്മമുള്ളവര്‍ക്ക് ഒരു അനുഗ്രഹമാണ്! സുഷിരങ്ങള്‍ കുറയ്ക്കുന്നതിനും ചര്‍മ്മത്തിലേക്കുള്ള രക്തചംക്രമണം വര്‍ദ്ധിപ്പിക്കുന്നതിനും ഇതിന് ഗുണങ്ങളുണ്ട്. ചര്‍മ്മത്തെ മൃദുവായി പുറംതള്ളുകയും ചര്‍മ്മ സുഷിരങ്ങളിലെ മാലിന്യങ്ങള്‍ നീക്കം ചെയ്യുകയും ചെയ്യുന്ന ഫലപ്രദമായ പ്രകൃതിദത്ത ക്ലെന്‍സര്‍ കൂടിയാണ് എസിവി. എസിവിയില്‍ അടങ്ങിയിരിക്കുന്ന മാലിക് ആസിഡ് പാടുകള്‍ ലഘൂകരിക്കാനുള്ള മൃദുവായ പീലിംഗ് ഏജന്റായി പ്രവര്‍ത്തിക്കുന്നു. ഒപ്പം മുഖക്കുരുവിനുള്ള സാധ്യത കുറയ്ക്കുകയും ചെയ്യുന്നു.

ഉപയോഗിക്കേണ്ട വിധം

ആപ്പിള്‍ സിഡെര്‍ വിനെഗര്‍ - 1 ടീസ്പൂണ്‍, വെള്ളം - മ്പ കപ്പ് എന്നിവയാണ് ഇതിനായി നിങ്ങള്‍ക്ക് ആവശ്യം. ആദ്യം, ആപ്പിള്‍ സിഡെര്‍ വിനഗര്‍ മ്പ കപ്പ് വെള്ളത്തില്‍ നേര്‍പ്പിക്കുക. ഒരു കോട്ടണ്‍ തുണി ഉപയോഗിച്ച് നിങ്ങളുടെ ചര്‍മ്മത്തിലും കഴുത്തിലും ഈ ലായനി പ്രയോഗിക്കുക. 1-2 മിനിറ്റ് മുഖത്ത് മൃദുവായി മസാജ് ചെയ്ത് ചൂടുവെള്ളം ഉപയോഗിച്ച് കഴുകിക്കളയുക. നേര്‍പ്പിക്കാത്ത എസിവി ഒരിക്കലും ചര്‍മ്മത്തില്‍ നേരിട്ട് ഉപയോഗിക്കരുത്, കാരണം ഇത് ഗുരുതരമായ പൊള്ളലിന് കാരണമാകും.

മുള്‍ട്ടാണി മിട്ടിയും റോസ് വാട്ടറും

ഈ പ്രകൃതിദത്തമായ ഫേഷ്യല്‍ ക്ലെന്‍സര്‍ എണ്ണമയമുള്ളതും മുഖക്കുരു സാധ്യതയുള്ളതുമായ ചര്‍മ്മമുള്ള ആളുകള്‍ക്ക് നന്നായി പ്രവര്‍ത്തിക്കുന്നു. മുള്‍ട്ടാണി-മിട്ടി അധിക എണ്ണയും അഴുക്കും ഒരു സ്പോഞ്ച് പോലെ ആഗിരണം ചെയ്യുന്നു, ഇത് നിങ്ങളുടെ മുഖത്തെ വൃത്തിയുള്ളതാക്കുന്നു. അതിന്റെ ആന്റി ബാക്ടീരിയല്‍ ഗുണങ്ങളാല്‍ മുഖക്കുരു, പാടുകള്‍ എന്നിവയ്‌ക്കെതിരെ പോരാടുന്നു. മുള്‍ട്ടാണി മിട്ടിയില്‍ റോസ് വാട്ടര്‍ ചേര്‍ക്കുന്നത് മുഖക്കുരുവുമായി ബന്ധപ്പെട്ട വീക്കവും ചുവപ്പും കുറയ്ക്കാന്‍ സഹായിക്കുന്നു.

ഉപയോഗിക്കേണ്ട വിധം

മുള്‍ട്ടാണി മിട്ടി - 2 ടീസ്പൂണ്‍, റോസ് വാട്ടര്‍ - 2 ടീസ്പൂണ്‍ എന്നിവ ഒരു പാത്രത്തില്‍ മിക്സ് ചെയ്യുക. കട്ടിയുള്ള പേസ്റ്റ് ആക്കുക.
ഇനി ഈ മിശ്രിതം നനഞ്ഞ മുഖത്തും കഴുത്തിലും പുരട്ടുക. മൃദുവായി 1-2 മിനിറ്റ് നേരം മസാജ് ചെയ്യുക. ശേഷം ചെറുചൂടുള്ള വെള്ളത്തില്‍ ഇത് കഴുകിക്കളഞ്ഞ് മുഖം തോര്‍ത്തി ഉണക്കുക.