കുണ്ടും കുഴിയുമെന്ന് കളിയാക്കിവര്‍ അത്ഭുതപ്പെടും, മുഖത്തെ സുഷിരങ്ങള്‍ മാറ്റാന്‍ 6 വഴികള്‍

മനോഹരമായ ചര്‍മ്മം എല്ലാവരുടെയും സ്വപ്‌നമാണ്. പ്രത്യേകിച്ച് മുഖത്ത്. മുഖക്കുരുവോ പാടുകളോ ചുളിവുകളോ ഇല്ലാത്ത തിളക്കമുള്ള, മൃദുലമായ ചര്‍മ്മത്തില്‍ പോലും വില്ലനായി വന്നെത്തുന്ന പ്രശ്‌നമാണ് സുഷിരങ്ങള്‍. പണ്ടുവന്ന മുഖക്കുരുവോ ചര്‍മ്മതിന്റെ പ്രത്യേകതയോ ഒക്കെ കൊണ്ട് മുഖത്ത് സുഷിരങ്ങള്‍ തെളിഞ്ഞുകാണാം. പലര്‍ക്കും ഇത് വലിയൊരു സൗന്ദര്യപ്രശ്‌നമാണ്. മുഖം നിറച്ച് കുണ്ടും കുഴിയുമാണല്ലോ എന്ന കളിയാക്കലുകള്‍ കേട്ട് മടുത്തവര്‍ക്ക് പരീക്ഷിച്ച് നോക്കാവുന്ന മുഖത്തെ സുഷിരങ്ങള്‍ കുറയ്ക്കാനുള്ള വളരെ ലളിതമായ മാര്‍ഗ്ഗങ്ങള്‍ പരിചയപ്പെടാം.

Photo Credit: AI Generated

തീര്‍ത്തും പ്രകൃതിദത്തമായ, വീട്ടില്‍ എപ്പോഴും ലഭ്യമായ ചേരുവകള്‍ മാത്രം മതി മുഖത്തെ സുഷിരങ്ങള്‍ക്ക് പരിഹാരം കാണാന്‍. ബ്യൂട്ടി പാര്‍ലറില്‍ പോയി പണം കളയണ്ട എന്നത് മാത്രമല്ല, ഒരു ദോഷവും ചെയ്യാത്ത ഇവ ചര്‍മ്മത്തിന്റെ ആരോഗ്യവും സൗന്ദര്യവും വര്‍ധിപ്പിക്കുകയും മറ്റ് ചര്‍മ്മ പ്രശ്‌നങ്ങള്‍ പോലും പരിഹരിക്കുകയും ചെയ്യും.

തക്കാളി പള്‍പ്പ്

തക്കാളിയില്‍ ലൈക്കോപീന്‍, ആന്റിഓക്സിഡന്റുകള്‍ എന്നിവ ധാരാളം അടങ്ങിയിട്ടുണ്ട്. തക്കാളി പള്‍പ്പ് മുഖത്ത് പുരട്ടുന്നത് സുഷിരങ്ങള്‍ അടയാന്‍ സഹായിക്കും. ഇത് തേച്ച് 15 മിനിറ്റ് വിടുക. ഈ രീതി വളരെ ലളിതമാണ്. മികച്ച ഫലത്തിനായി ദിവസവും ഇങ്ങനെ ചെയ്യാവുന്നതാണ്.

കടലമാവ്്, മഞ്ഞള്‍

കടലമാവ്, മഞ്ഞള്‍ എന്നിവയുടെ മിശ്രിതം ഒരു മികച്ച എക്‌സ്‌ഫോളിയന്റായി പ്രവര്‍ത്തിക്കുന്നു. തുല്യ അളവില്‍ ഇവ രണ്ടുമെടുത്ത് വെള്ളത്തില്‍ കലര്‍ത്തി പേസ്റ്റ് പരുവത്തില്‍ ആക്കുക. ഇത് മുഖത്ത് പുരട്ടുക, ഉണങ്ങാന്‍ അനുവദിക്കുക, എന്നിട്ട് കഴുകിക്കളയുക. ഇത് സുഷിരങ്ങളുടെ വലിപ്പം കുറയ്ക്കാനും ചര്‍മ്മത്തിന് തിളക്കം നല്‍കാനും സഹായിക്കുന്നു.

കുക്കുമ്പര്‍ ജ്യൂസ്

കുക്കുമ്പര്‍ ജ്യൂസ് ചര്‍മ്മത്തിന് തണുപ്പേകും. മാത്രമല്ല, ഇത് ചര്‍മ്മത്തെ സുഖപ്പെടുത്താനും സുഷിരങ്ങള്‍ കുറയ്ക്കാനും സഹായിക്കും. കുക്കുമ്പര്‍ ജ്യൂസ് മുഖത്ത് പുരട്ടുക, 10 മിനിറ്റിന് ശേഷം തണുത്ത വെള്ളത്തില്‍ കഴുകുക.

നാരങ്ങ നീര്

നാരങ്ങ നീരില്‍ സിട്രിക് ആസിഡ് അടങ്ങിയിട്ടുണ്ട്, ഇത് സുഷിരങ്ങളില്‍ അടിഞ്ഞുകൂടിയ അഴുക്ക് കളയാനും സുഷിരത്തിന്റെ വലുപ്പം കുറയ്ക്കാനും സഹായിക്കും. ഒരു പഞ്ഞിയോ തുണിയോ ഉപയോഗിച്ച് നാരങ്ങ നീര് മുഖത്ത് പുരട്ടുക, 5 മിനിറ്റ് വിടുക, തുടര്‍ന്ന് നന്നായി കഴുകുക. നാരങ്ങയ്ക്ക് അസിഡിറ്റി ഉള്ളത് കൊണ്ട് അമിതമായി തേക്കരുത്.

തേന്‍

ചര്‍മ്മത്തെ എണ്ണമയമുള്ളതാക്കാതെ ഈര്‍പ്പമുള്ളതാക്കുന്ന പ്രകൃതിദത്ത ഹ്യുമെക്റ്റന്റാണ് തേന്‍. തേന്‍ നേരിട്ട് മുഖത്ത് പുരട്ടുക, 10 മിനിറ്റ് വിടുക, തുടര്‍ന്ന് ചെറുചൂടുള്ള വെള്ളത്തില്‍ കഴുകുക. പതിവ് ഉപയോഗം സുഷിരങ്ങള്‍ കുറയ്ക്കാന്‍ സഹായിക്കും.

ഓട്സ് സ്‌ക്രബ്

ഓട്സ് സ്‌ക്രബ് ചര്‍മ്മത്തിലെ അധിക എണ്ണ ആഗിരണം ചെയ്ത് ചര്‍മ്മത്തെ മൃദുവാക്കുന്നു. ഓട്‌സ് പൊടി അരകപ്പ് തൈരുമായി കലര്‍ത്തി പേസ്റ്റ് ഉണ്ടാക്കുക, മുഖത്ത് പുരട്ടുക, മൃദുവായി സ്‌ക്രബ് ചെയ്യുക, തുടര്‍ന്ന് കഴുകിക്കളയുക. ആഴ്ചയില്‍ ഒരിക്കല്‍ മുഖം സ്‌ക്രബ് ചെയ്യാന്‍ ഇത് അനുയോജ്യമാണ്.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്സ്‌കൈ ഇത് സ്ഥിരീകരിക്കുന്നില്ല. ഇത്തരം കാര്യങ്ങള്‍ ചെയ്യുന്നതിന് മുന്‍പ് വിദഗ്ധന്റെ ഉപദേശം സ്വീകരിക്കേണ്ടതാണ്.

The image used in the story is AI-generated