മഴക്കാലമാണ് ചർമ്മത്തിന് വേണം ഇരട്ടി കരുതൽ; 4 എളുപ്പവഴികൾ ഇതാ

Monsoon Skin Care Tips: മഴക്കാലം രസകരമാണ്. മഴ നനഞ്ഞു നടക്കാനും തണുപ്പ് ആസ്വദിക്കാനുമെല്ലാം എല്ലാവർക്കും ഇഷ്ടവുമാണ്. എന്നാൽ ചർമ്മത്തെ സംബന്ധിച്ചിടത്തോളം മഴക്കാലം അത്ര രസകരമല്ല. അന്തരീക്ഷത്തിൽ ഈർപ്പം തങ്ങി നിൽക്കുന്നതും മഴ നനഞ്ഞുണ്ടാകുന്ന കുതിർന്ന അവസ്ഥയുമെല്ലാം ചർമ്മത്തിന്റെ ആരോഗ്യത്തെ ബാധിക്കുന്നു. മോയ്ചറൈസേഷൻ ഇല്ലാതാകുന്ന അവസ്ഥ ചരമത്തിന്റെ സ്നിഗ്ധത ഇല്ലാതാക്കുന്നു.അതിനാൽ തന്നെ ആരോഗ്യമുള്ള ചരമത്തിനായി മൺസൂൺ കാലത്ത് പ്രത്യേക ചർമ്മ സംരക്ഷണ രീതികൾ അവലംബിക്കേണ്ടതുണ്ട്.

ചർമ്മത്തിന്റെ സ്വഭാവം മനസിലാക്കി വേണം മൺസൂണിൽ ചർമ്മ സംരക്ഷണത്തിനായുള്ള നടപടികൾ സ്വീകരിക്കേണ്ടത്.മുഖത്ത് പുരട്ടുന്ന മോയ്ചറൈസർ മുതൽ മേക്കപ്പിനായി തെരഞ്ഞെടുക്കുന്ന ഉൽപ്പന്നങ്ങളിൽ വരെ ശ്രദ്ധ ചെലുത്തേണ്ട സമയമാണിത്. എണ്ണമയമുള്ള ചർമ്മത്തിനും സെൻസിറ്റിവ് ചർമ്മത്തിനും ഒരേ രീതിയിലുള്ള പരിപാലനമല്ല വേണ്ടത്. മുഖം എല്ലായ്പ്പോഴും ശരിയായി വൃത്തിയാക്കുക, ചർമ്മത്തിൽ ജലാംശം നിലനിർത്തുക, എന്നതെല്ലാം പ്രധാനമാണ്. മൺസൂണിലെ ചർമ്മ പരിപാലനം മുഖ ചർമ്മത്തിന് വേണ്ടി മാത്രമുള്ളതാകരുത് ശരീര ചർമ്മത്തിനും പ്രത്യേക ശ്രദ്ധ നൽകണം.

അന്തരീക്ഷത്തിലെ അമിതമായ ഈർപ്പം അമിതമായ വിയർപ്പിന് കാരണമാകുന്നു. ഇത് ചർമ്മത്തെ എണ്ണമയമുള്ളതാക്കി മാറ്റുന്നു. ഇത് മുഖക്കുരുവിനു കാരണമാകാം.ഇതിനു പുറമെ വിയർപ്പ് മൂലം ഉണ്ടാകുന്ന ശരീര ദുർഗന്ധത്തെ ചെരുക്കുന്നതിനായ് ഉപയോഗിക്കുന്ന ഡിയോഡറൻ്റുകൾ മഴക്കാലത്ത് അലർജിയുണ്ടാക്കുന്നു. മിലിയേറിയ എന്നറിയപ്പെടുന്ന ചുണങ്, ഫംഗൽ ഇൻഫെക്ഷനുകൾ, എക്‌സിമ എന്നിവയെല്ലാം ചർമ്മത്തിന് ഹാനികരമാണ്. ഇത്തരം അവസ്ഥകളിൽ നിന്നും ചർമ്മത്തെ സംരക്ഷിക്കുന്നതിനായി ഇതാ 5 മാർഗങ്ങൾ.

1. എക്സ്ഫോളിയേഷൻ ആണ് പ്രധാനം

സെൻസിറ്റീവ് ചർമ്മമുള്ളവർക്ക് 10 ദിവസത്തിലൊരിക്കൽ എക്സ്ഫോളിയേഷൻ പ്രധാനം ആണ്. സാധിക്കുമെങ്കിൽ ആഴ്ചതോറുമുള്ള എക്സ്ഫോളിയേഷൻ നടത്തുക. ചർമ്മത്തിലെ ചത്ത കോശങ്ങളും അഴുക്കും ഇല്ലാതാക്കാൻ മുഖത്തും ശരീരത്തിലും ഫ്രഷ്നസ് നൽകാനും ഇത് സഹായിക്കും. എക്സ്ഫോളിയേഷൻ ചർമ്മത്തിലെ സുഷിരങ്ങൾ അഴിച്ച് വൃത്തിയാക്കുകയും മുഖക്കുരു, മുഖക്കുരു എന്നിവയുടെ സാധ്യത കുറയ്ക്കുകയും ചെയ്യും.പ്രകൃതിദത്തമായ ലൂഫ ഉപയോഗിച്ചുള്ള കുളി ഗുണപ്രദമാണ്.

2. സൺസ്ക്രീൻ ഒഴിവാക്കരുത്

മഴക്കാലമാണ് എന്ന് കരുതി സൺസ്ക്രീൻ ഒഴിവാക്കരുത്. എല്ലാ സീസണുകളിലും സൺസ്‌ക്രീൻ നിർബന്ധമാണ്. പുറത്തു പോകുന്നതിനു 20 മിനിറ്റ് മുമ്പ് സൺസ്‌ക്രീൻ ഇടുക. പുറത്ത് ചെലവഴിക്കുന്ന ഓരോ രണ്ട് മണിക്കൂറിലും വീണ്ടും സൺസ്‌ക്രീൻ പുരട്ടണം.ചർമ്മത്തിന് അനുയോജ്യമായ സൺസ്‌ക്രീൻ തെരഞ്ഞെടുക്കാൻ ശ്രമിക്കണം. എണ്ണമയമുള്ള ചർമ്മമുണ്ടെങ്കിൽ, മാറ്റ് ഫിനിഷുള്ള സൺസ്‌ക്രീൻ ഉപയോഗിക്കുക.

3. ചുരുങ്ങിയ മേക്കപ്പ് മതി

മഴ നനയാൻ ഇടയുള്ള സാഹചര്യങ്ങളിൽ എല്ലാവിധ മേക്കപ്പുകളും ധരിക്കേണ്ട കാര്യമില്ല. മസ്കാര പോലുള്ള മേക്കപ്പുകൾ ധരിക്കാൻ ആഗ്രഹിക്കുന്നു എങ്കിൽ വാട്ടർപ്രൂഫ് ആയത് തെരഞ്ഞെടുക്കുക. എണ്ണ മയമുള്ള മേക്കപ്പുകൾ ഒഴിവാക്കുക. കെമിക്കൽ മേക്കപ്പുകൾക്ക് പകരം പ്രകൃതിദത്ത മേക്കപ്പുകൾ തെരഞ്ഞെടുക്കുക. എല്ലാ സീസണിലും മോയ്‌സ്ചറൈസർ നിർബന്ധമാണ്. ചർമ്മത്തെ ഈർപ്പവും ജലാംശവും നിലനിർത്തുക എന്നത് പ്രധാനമാണ്.സെബേഷ്യസ് ഗ്രന്ഥികൾ ചർമ്മത്തിൽ എണ്ണയോ സെബമോ അമിതമായി ഉൽപ്പാദിപ്പിക്കുന്നതിൽ നിന്ന് ഇത് തടയുന്നു

4. മൃദുവായ ഫേസ് വാഷ് ഉപയോക്കുക

ദിവസത്തിൽ രണ്ടുതവണയെങ്കിലും മൃദുവായ ഫേസ് വാഷ് ഉപയോഗിച്ച് ചർമ്മം വൃത്തിയാക്കുക. ചർമ്മം എണ്ണമയമുള്ളതായി മാറുകയാണെങ്കിൽ, വീണ്ടും വൃത്തിയാക്കുക . എണ്ണമയമുള്ള ചർമ്മത്തിന് യോജിച്ച ഫേസ്‌വാഷ് തെരഞ്ഞെടുക്കുക. അധിക എണ്ണ നീക്കം ചെയ്യാൻ ടിഷ്യു ഉപയോഗിക്കുക. ചർമ്മത്തെ ആരോഗ്യകരമാക്കാനും സുഷിരങ്ങൾ ഇറുകിയിരിക്കാനും മൃദുവായ ടോണർ ഉപയോഗിക്കുക. ഇതേ തുടർന്ന് നേരിയ മോയ്സ്ചറൈസർ ഉപയോഗിക്കുക.