പാട് പോലും ബാക്കി വയ്ക്കാതെ മുഖം നല്ല ക്ലീനാക്കും; കുറഞ്ഞ ഉപയോഗത്തില്‍ ഫലം

മിക്കവരും അവരുടെ മുഖം വളരെ ഭംഗിയോടെയും തിളക്കമോടൊയും വയ്ക്കാന്‍ ആഗ്രഹിക്കുന്നു. എന്നാല്‍ ഇന്നത്തെക്കാലത്ത് സ്ത്രീകളും പുരുഷന്‍മാരും ഒരുപോലെ ചര്‍മ്മ സംബന്ധമായ പ്രശ്‌നങ്ങള്‍ നേരിടുന്നു. മുഖം നല്ലപോലെ നോക്കി പരിപാലിക്കുക എന്ന ജോലി അല്‍പം ബുദ്ധിമുട്ടുള്ള ഒന്നാണ്. എന്നാല്‍ ചില ആയുര്‍വേദ കൂട്ടുകള്‍ നിങ്ങളുടെ മുഖത്തിന്റെ പ്രശ്‌നങ്ങള്‍ തീര്‍ക്കാന്‍ സഹായിക്കും. ഇവ പ്രകൃതിദത്തമായതിനാല്‍ ചര്‍മ്മത്തിന് ദോഷവും വരുത്തില്ല.

മുഖത്തെ പാടുകള്‍, മുഖക്കുരു, കറുത്ത പാടുകള്‍ എന്നിവ ഇല്ലാതാക്കാന്‍ സഹായിക്കുന്ന ചില ആയുര്‍വേദ ഫേസ് പാക്കുകള്‍ ഉണ്ട്. ആഴ്ചയില്‍ ഒരിക്കല്‍ മാത്രം ഈ ഫേസ് പായ്ക്കുകള്‍ പുരട്ടിയാല്‍ ചര്‍മ്മത്തിന് തിളക്കം ലഭിക്കും എന്നതാണ് ഏറ്റവും നല്ല കാര്യം. തിളക്കമുള്ളതും കളങ്കരഹിതവുമായ മുഖം ലഭിക്കാനായി ഈ ആയുര്‍വേദ ഫെയ്‌സ് പാക്കുകള്‍ ഒന്ന് പരീക്ഷിച്ചു നോക്കൂ.

വരണ്ട ചര്‍മ്മത്തിന് തൈര്, കടലമാവ്

വരണ്ടതും പൊള്ളിയതുമായ ചര്‍മ്മമാണോ നിങ്ങള്‍ക്ക് ഉള്ളത്. തൈരും കടലമാവും ഒരുമിച്ച് ചേര്‍ന്ന മാസ്‌ക് നിങ്ങള്‍ക്ക് അനുയോജ്യമാണ്. രണ്ട് ടേബിള്‍സ്പൂണ്‍ കടലമാവ്, ഒരു ടേബിള്‍ സ്പൂണ്‍ തൈര്, ഒരു ടീസ്പൂണ്‍ തേന്‍, ഒരു നുള്ള് മഞ്ഞള്‍ എന്നിവയാണ് നിങ്ങള്‍ക്ക് ആവശ്യം. തൈര് മുടിക്ക് നല്ലതാണെന്ന് നമുക്കെല്ലാവര്‍ക്കും അറിയാം. എന്നാല്‍ ഇത് നിങ്ങളുടെ ചര്‍മ്മത്തിനും അത്ഭുതങ്ങള്‍ ചെയ്യുന്നു.

തൈര് ചര്‍മ്മകോശങ്ങളുടെ പുനരുജ്ജീവനത്തെ പ്രോത്സാഹിപ്പിക്കുന്നു. ചര്‍മ്മത്തെ ഈര്‍പ്പമുള്ളതാക്കുകയും ചുളിവുകള്‍ കുറയ്ക്കുകയും ചെയ്യുന്നു. അതേസമയം, കടലമാവ് നിങ്ങളുടെ ചര്‍മ്മത്തെ ശുദ്ധീകരിക്കുന്ന ഏജന്റായി പ്രവര്‍ത്തിക്കുകയും ചര്‍മ്മത്തിലെ മൃതകോശങ്ങളെ ഇല്ലാതാക്കുകയും ചെയ്യും. എല്ലാ ചേരുവകളും നന്നായി കലര്‍ത്തി മിനുസമാര്‍ന്ന പേസ്റ്റ് ആക്കി നിങ്ങളുടെ മുഖത്തും കഴുത്തിലും പുരട്ടുക. ഇത് 10 മിനിറ്റ് വിടുക, തുടര്‍ന്ന് കഴുകിക്കളയുക.

എണ്ണമയമുള്ള ചര്‍മ്മത്തിന് നാരങ്ങ, തേന്‍

എണ്ണമയമുള്ള ചര്‍മ്മത്തിന് മികച്ച പരിഹാരമാണ് നാരങ്ങയും തേനും മുഖത്ത് പുരട്ടുന്നത്. രണ്ട് ടേബിള്‍സ്പൂണ്‍ നാരങ്ങ നീര്, ഒരു ടേബിള്‍ സ്പൂണ്‍ തേന്‍ എന്നിവയാണ് നിങ്ങള്‍ക്ക് ഇതിനായി വേണ്ടത്. നാരങ്ങയില്‍ വിറ്റാമിന്‍ സി ധാരാളം അടങ്ങിയിട്ടുണ്ട്, ഇത് ചര്‍മ്മത്തിന്റെ കേടുപാടുകള്‍ കുറയ്ക്കാനും ചര്‍മ്മം വൃത്തിയാക്കാനും എണ്ണ സ്രവണം കുറയ്ക്കാനും നല്ലതാണ്. മറുവശത്ത്, തേനിന് ആന്റി ബാക്ടീരിയല്‍, ആന്റിസെപ്റ്റിക് ഗുണങ്ങളുണ്ട്, ഇത് മികച്ച പ്രകൃതിദത്ത മുഖക്കുരു നിവാരണ ഘടകമാണ്. നിങ്ങള്‍ ചെയ്യേണ്ടത് ഈ രണ്ട് ചേരുവകളും ഒരുമിച്ച് കലര്‍ത്തി മുഖത്ത് പുരട്ടുക മാത്രമാണ്. 20-30 മിനിറ്റ് കഴിഞ്ഞ് ഇത് കഴുകിക്കളയുക. ഈ ആയുര്‍വേദ ഫെയ്സ് മാസ്‌കിന്റെ പതിവ് ഉപയോഗം അധിക എണ്ണ സ്രവണം കുറയ്ക്കുകയും നിങ്ങള്‍ക്ക് മൃദുവും തിളക്കമുള്ളതുമായ ചര്‍മ്മം നല്‍കുകയും ചെയ്യും.

സൂര്യതാപം നീക്കാന്‍ കറ്റാര്‍ വാഴ, നാരങ്ങ

ചൂടുള്ള വേനലില്‍ പലര്‍ക്കും മുഖത്ത് സണ്‍ടാന്‍ പ്രത്യക്ഷപ്പെടുന്നു. കറ്റാര്‍വാഴയും നാരങ്ങയും അതില്‍ നിന്ന് മുക്തി നേടാന്‍ നിങ്ങളെ സഹായിക്കും. കറ്റാര്‍ വാഴ ജെല്‍, അര മുറി നാരങ്ങ എന്നിവയാണ് ഇതിനായി നിങ്ങള്‍ക്ക് വേണ്ടത്. നാരങ്ങ നീരില്‍ വിറ്റാമിന്‍ സി ധാരാളം അടങ്ങിയിട്ടുണ്ട്, കൂടാതെ പ്രകൃതിദത്ത ബ്ലീച്ചിംഗ് ഗുണങ്ങളുള്ളതിനാല്‍ കറ്റാര്‍വാഴ ചര്‍മ്മത്തെ ജലാംശം ഉള്ളതാക്കി സണ്‍ടാന്‍ നീക്കുന്നു. ഈ രണ്ട് ചേരുവകളും മിക്സ് ചെയ്ത് സൂര്യതാപം ഏറ്റ സ്ഥലത്ത് പുരട്ടുക. ഇത് 10-15 മിനിറ്റ് വയ്ക്കുക, തുടര്‍ന്ന് കഴുകിക്കളയുക. ഈ ഫെയ്സ് പാക്കിന്റെ പതിവ് ഉപയോഗം, പ്രത്യേകിച്ച് വേനല്‍ക്കാലത്ത് നിങ്ങളുടെ ചര്‍മ്മത്തിന് ജലാംശം നല്‍കും.

അനാവശ്യ രോമവളര്‍ച്ച തടയാന്‍ മഞ്ഞള്‍

ചര്‍മ്മപ്രശ്‌നങ്ങള്‍ക്കുള്ള ഒരു വീട്ടുവൈദ്യമായി കാലങ്ങളായി ഉപയോഗിച്ചുവരുന്നതാണ് മഞ്ഞള്‍. ഇത് കൂടുതല്‍ ബ്രേക്ക് ഔട്ടുകളില്‍ നിന്ന് ചര്‍മ്മത്തെ സംരക്ഷിക്കുകയും ചര്‍മ്മത്തിന്റെ ടോണ്‍ സമന്വയിപ്പിക്കുകയും ചെയ്യുന്നു. ഇതിലെ ആന്റിഓക്‌സിഡന്റുകള്‍ നിറത്തെ പുനരുജ്ജീവിപ്പിക്കുകയും മുഖത്തെ അനാവശ്യ രോമങ്ങളുടെ വളര്‍ച്ച തടയുകയും ചെയ്യുന്നു. ഒരു ടീസ്പൂണ്‍ കസ്തൂരി മഞ്ഞള്‍പ്പൊടി, 1 ടീസ്പൂണ്‍ നാരങ്ങ നീര്, 1 ടീസ്പൂണ്‍ തൈര് എന്നിവയാണ് നിങ്ങള്‍ക്കാവശ്യം. ഈ ചേരുവകള്‍ ഒരു പാത്രത്തില്‍ എടുത്ത് നന്നായി ഇളക്കുക. ഈ മിശ്രിതം നിങ്ങളുടെ മുഖത്ത് പുരട്ടി സൗമ്യമായി മസാജ് ചെയ്ത് 30 മിനിറ്റ് നേരം ഉണങ്ങാന്‍ വിടുക. ശേഷം വെള്ളം ഉപയോഗിച്ച് മാസ്‌ക് വൃത്തിയാക്കുക. നിങ്ങള്‍ക്ക് സെന്‍സിറ്റീവ് ചര്‍മ്മമുണ്ടെങ്കില്‍ ഈ ഫെയ്‌സ് മാസ്‌ക് ഉപയോഗിക്കുന്നതിന് മുമ്പ് പാച്ച് ടെസ്റ്റ് നടത്തുക. ഫലപ്രദമായ മാറ്റത്തിനായി ആഴ്ചയില്‍ ഒരിക്കല്‍ ഈ മാസ്‌ക് പ്രയോഗിക്കുക.

കളങ്കമില്ലാത്ത ചര്‍മ്മത്തിന് പുതിന

പുതിനയിലയിലെ സാലിസിലിക് ആസിഡ് മുഖക്കുരു തടയാന്‍ സഹായിക്കുന്നു. ഇതിലെ മെന്തോള്‍ ചര്‍മ്മത്തിന് ജലാംശം നല്‍കുന്നു. ഇത് മുഖത്തെ കളങ്കങ്ങള്‍ കുറയ്ക്കുകയും ചര്‍മ്മത്തിന്റെ പ്രായമാകല്‍ പ്രക്രിയയെ മന്ദഗതിയിലാക്കുകയും ചെയ്യുന്നു. കക്കിരി, തേന്‍ എന്നിവയുമായി പുതിന ചേര്‍ക്കുമ്പോള്‍ മുഖത്തിന് സ്വാഭാവിക തിളക്കം ലഭിക്കുകയും ചെയ്യുന്നു. 1 കക്കിരി കഷ്ണം, 10-12 പുതിനയില, 1 ടീസ്പൂണ്‍ തേന്‍ എന്നിവയാണ് നിങ്ങള്‍ക്ക് ആവശ്യം. കക്കിരി, പുതിനയില എന്നിവ ചതച്ചെടുക്കുക. ഈ പേസ്റ്റിലേക്ക് തേന്‍ ചേര്‍ത്ത് മുഖത്തു പുരട്ടി 30 മിനിറ്റ് വിടുക. ശേഷം ഫെയ്‌സ് മാസ്‌ക് വൃത്തിയാക്കി മുഖം വരണ്ടതാക്കുക. കളങ്കമില്ലാത്ത തിളക്കമുള്ള ചര്‍മ്മത്തിനായി ആഴ്ചയില്‍ രണ്ട് തവണ ഈ ഫെയ്‌സ് പായ്ക്ക് പുരട്ടുക.