Click it and Unblock the Notifications
Latest Updates
-
വായുമലിനീകരണം ചർമ്മത്തെയും കണ്ണുകളെയും ബാധിക്കുന്നുണ്ടോ? തിളക്കം നിലനിർത്താൻ ഈ മുൻകരുതലുകൾ മതി -
വിജയദശമിക്ക് വീട് വൃത്തിയാക്കുമ്പോൾ ശ്രദ്ധിക്കുക; ചൂലും ഷൂ റാക്കും എവിടെ വെക്കണം? വാസ്തു പറയുന്നത് ഇതാണ് -
Q2 FY27 ഫലങ്ങൾ: ബജാജ് ഫിനാൻസ് മുതൽ ഐആർഇഡിഎ വരെ; ഇന്ന് വിപണിയുടെ ഗതി മാറ്റുന്ന നിർണ്ണായക പ്രഖ്യാപനങ്ങൾ -
വിജയദശമി നാളിൽ വീട്ടിൽ ഐശ്വര്യം നിറയണോ? ഈ വാസ്തു മാറ്റങ്ങൾ ഇന്ന് തന്നെ പരീക്ഷിക്കൂ -
വിദ്യാരംഭം 2026: കുഞ്ഞുങ്ങളെ ആദ്യാക്ഷരം കുറിപ്പിക്കാൻ ഒരുങ്ങുകയാണോ? ഈ ശുഭമുഹൂർത്തങ്ങൾ അറിഞ്ഞിരിക്കൂ -
കനത്ത മഴ: ബംഗളൂരു-മൈസൂരു യാത്രകളിൽ ജാഗ്രത; ഓറഞ്ച് അലർട്ട് പ്രഖ്യാപിച്ചു -
ചെന്നൈയിലെ മഴക്കാലം: ചർമ്മവും മുടിയും നശിക്കാതിരിക്കാൻ ഡെർമറ്റോളജിസ്റ്റുകൾ പറയുന്ന ഈ കാര്യങ്ങൾ ശ്രദ്ധിക്കൂ -
വെടിവെയ്പ്പിനിടയിലും ടൈഗർ ഷ്രോഫിന്റെ ഫിറ്റ്നസ് രഹസ്യം; 6 സെക്കൻഡ് ട്രാൻസ്ഫോർമേഷന് പിന്നിലെ കഠിനാധ്വാനം ഇതാണ് -
ദുർഗ്ഗാഷ്ടമി അവധി: കേരളത്തിൽ കനത്ത മഴയും യെല്ലോ അലർട്ടും; ഇന്ന് എന്തൊക്കെ പ്രവർത്തിക്കും? -
ശുക്ര മൗഢ്യം 2026: വിവാഹങ്ങൾക്കും ആഡംബരങ്ങൾക്കും ഇനി ഇടവേള; അറിയേണ്ടതെല്ലാം
മുടി കരുത്തോടെ വളരാന്‍ 3 സിംപിള്‍ ഹെയര്‍ മാസ്‌ക്കുകള്‍
ഇന്നത്തെ തിരക്കുപിടിച്ച ജീവിത സാഹചര്യത്തില്‍ മുടിയുടെ ആരോഗ്യം നോക്കാന്‍ പലരും സമയം ലഭിക്കാറില്ല. കൂടാതെ, മുടിയ്ക്ക വേണ്ട പരിചരണം നല്‍കാനും, പുരട്ടാന്‍ ഹെയര്‍ മാസ്‌ക്കുകളും തയ്യാറാക്കാന്‍ പലര്‍ക്കും മടിയാണ്. മിക്ക ഹെയര്‍ മാസ്‌ക്കുകളും തയ്യാറാക്കാനുള്ള ചേരുവകളുടെ ലിസ്റ്റ് കാണുമ്പോള്‍ തന്നെ പലരും ആഗ്രഹം ഉപേക്ഷിക്കുകയാണ്. പതിവ്. എന്നാല്‍, ഇനി കേശ സംരക്ഷണം വളരെ എളുപ്പമാക്കാം. മുടി വളരാന്‍ സഹായിക്കുന്നതും വളരെ ലളിതമായ രീതിയില്‍ തയ്യാറാക്കാവുന്നതുമായ 3 ഹെയര്‍ മാസ്‌ക്കുകള്‍ പരിചയപ്പെടാം.
ആര്യവേപ്പ്- തൈര്
തലയില്‍ നിന്നും താരന്‍ നീക്കം ചെയ്യാനും, മുടിയുടെ ആരോഗ്യം സംരക്ഷിക്കാനും, ഫംഗല്‍ അണുബാധകള്‍ ഇല്ലാതാക്കാനും ആര്യവേപ്പ് സഹായിക്കുന്നുണ്ട്. അതുപോലെ, തലയില്‍ നിന്നും ചെളിയും അഴുക്കും നീക്കം ചെയ്ത്, മുടിയെ കണ്ടീഷന്‍ ചെയ്‌തെടുക്കാന്‍ തൈര് സഹായിക്കുന്നു. മുടിയെ വേരില്‍ നിന്നും ബലപ്പെടുത്താനും തൈര് സഹായിക്കുന്നുണ്ട്.
ഈ ഹെയര്‍മാസ്‌ക്ക് തയ്യാറാക്കുന്നതിനായി 10 ആര്യവേപ്പിന്റെ ഇല എടുക്കുക. ഇത് കുറച്ച് വെള്ളം ചേര്‍ത്ത് നല്ലപോലെ അരയ്ക്കണം. അതിനുശേഷം ഒരു പാത്രത്തിലേയ്ക്ക് മാറ്റുക. ഇതിലേയ്ക്ക് 2 ടീസ്പൂണ്‍ തൈര് ചേര്‍ക്കുക. നല്ലപോലെ മിക്‌സ് ചെയ്‌തെടുക്കുക.
ഉപയോഗിക്കേണ്ട വിധം
ആദ്യം തലമുടി നല്ലപോലെ ഷാംപൂ വാഷ് ചെയ്യുക. മുടി ഉണങ്ങിയതിനുശേഷം ഈ ഹെയര്‍മാസ്‌ക് തലയില്‍ പുരട്ടുക. ഏകദേശം 20 മിനിറ്റ് കഴിയുമ്പോള്‍ കഴുകി കളയാവുന്നതാണ്. ഇത്തരത്തില്‍ ആഴ്ചയില്‍ രണ്ട് തവണ ചെയ്യുന്നത് മുടിയുടെ ആരോഗ്യം നിലനിര്‍ത്താന്‍ സഹായിക്കുന്നതാണ്.
നെല്ലിക്ക- വെളിച്ചെണ്ണ
മുടിയെ വേരില്‍ നിന്നും ബലപ്പെടുത്താന്‍ നെല്ലിക്ക വളരെ നല്ലതാണ്. അതുപോലെ, മുടിയ്ക്ക് നല്ല കറുപ്പ് നിറം ലഭിക്കാനും, തലയില്‍ നിന്നും താരന്‍ അകറ്റാനും നെല്ലിക്ക സഹായിക്കുന്നു. അതുപോലെ, വെളിച്ചെണ്ണ മുടിയുടെ മോയ്‌സ്ച്വര്‍ കണ്ടന്റ് നിലനിര്‍ത്താന്‍ വളരെയധികം സഹായിക്കുന്നുണ്ട്.
ഈ ഹെയര്‍മാസ്‌ക് തയ്യാറാക്കുന്നതിനായി 5 നെല്ലിക്ക കുരു കളഞ്ഞ് കുറച്ച് വെള്ളം ചേര്‍ത്ത് പേയ്സ്റ്റ് പരുവത്തില്‍ അരച്ചെടുക്കുക. ഇതിലേയ്ക്ക് അര ടീസ്പൂണ്‍ ശുദ്ധമായ വെളിച്ചെണ്ണയും ചേര്‍ത്ത് നല്ലപോലെ മിക്‌സ് ചെയ്യുക.
ഉപയോഗിക്കേണ്ട വിധം
മുടിയുടെ വേരില്‍ ഈ ഹെയര്‍ മാസ്‌ക്ക് നല്ലപോലെ തേച്ച് പിടിപ്പിക്കുക. ഏകദേശം 15 മിനിറ്റ് കഴിയുമ്പോള്‍ ഷാംപൂ ഉപയോഗിച്ച് കഴുകി കളയാവുന്നതാണ്. ഈ ഹെയര്‍മാസ്‌ക്ക് മാസത്തില്‍ രണ്ട് തവണ ഉപയോഗിക്കുക. മുടിയുടെ ആരോഗ്യം വീണ്ടെടുക്കാന്‍ വളരെയധികം സഹായിക്കും.
കറ്റാര്‍വാഴ- വെള്ളരിക്ക
മുടിയുടെ ആരോഗ്യം നിലനിര്‍ത്താന്‍ കറ്റാര്‍വാഴ നല്ലതാണ്. മുടിയ്ക്ക് നല്ല നിറം നല്‍കാനും, മുടിയെ വേരില്‍ നിന്നും ബലപ്പെടുത്താനും, തലയില്‍ നിന്നും താരന്‍ ഇല്ലാതാക്കാനും കറ്റാര്‍വാഴ സഹായിക്കുന്നു. മുടിയെ ക്ലെന്‍സ് ചെയ്‌തെടുക്കാന്‍ വെള്ളരിക്ക സഹായിക്കും.
ഈ ഹെയര്‍മാസ്‌ക്ക് തയ്യാറാക്കാന്‍ അര കപ്പ് വെള്ളരിക്ക പേയ്സ്റ്റ് എടുക്കുക. ഇതിലേയ്ക്ക് 2 ടീസ്പൂണ്‍ കറ്റാര്‍വാഴയും ചേര്‍ത്ത് നല്ലപോലെ മിക്‌സ് ചെയ്യണം.
ഉപയോഗിക്കേണ്ട വിധം
മുടി നല്ലപോലെ ഷാംപൂ ഇട്ട് കഴുകി ഉണക്കിയതിനുശേഷം, തലയോട്ടില്‍ ഈ ഹെയര്‍മാസ്‌ക് തേച്ച് പിടിപ്പിക്കുക. ഒരു 15 മിനിറ്റ് കഴിയുമ്പോള്‍ സാധാ വെള്ളത്തില്‍ കഴുകാവുന്നതാണ്. ഈ സമയം ഷാംപൂ ഉപയോഗിക്കേണ്ട ആവശ്യമില്ല. തലയില്‍ നിന്നും ഹെയര്‍മാസ്‌ക്ക് നല്ലപോലെ കളയാനും ശ്രദ്ധിക്കേണ്ടതാണ്.
Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്സ്‌കൈ ഇത് സ്ഥിരീകരിക്കുന്നില്ല. ഇത്തരം കാര്യങ്ങള്‍ ചെയ്യുന്നതിന് മുന്‍പ് വിദഗ്ധന്റെ ഉപദേശം സ്വീകരിക്കേണ്ടതാണ്.
Continue with Google
