യുവത്വത്തിന്റെ രഹസ്യം !!

ശുഭാപ്‌തിവിശ്വസം

മാനസികാവസ്ഥ നിങ്ങളുടെ മൊത്തത്തിലുള്ള സൗന്ദര്യത്തില്‍ പ്രതിഫലിക്കും. അതുകൊണ്ട്‌ ശുഭാപ്‌തിവിശ്വാസം കൈവിടാതിരിക്കുക. അശുഭ ചിന്തകള്‍ നിങ്ങളുടെ ഉത്സാഹത്തെ കെടുത്തുകയും പെട്ടെന്ന്‌ വാര്‍ദ്ധക്യത്തിലേക്ക്‌ നയിക്കുകയും ചെയ്യും.

ധ്യാനം

അഞ്ച്‌ മിനിറ്റ്‌ നേരം ധ്യാനനിരതമായി ഇരിക്കാന്‍ കഴിഞ്ഞാല്‍ മതി ഒരിക്കലും പ്രതീക്ഷിക്കാത്ത ഗുണം നിങ്ങള്‍ക്ക്‌ ലഭിക്കും. ധ്യാനം മനസ്സിനെ ശുദ്ധമാക്കുക മാത്രമല്ല ചിന്തകളെ നിയന്ത്രിക്കുകയും ചെയ്യും.

ഐക്രീം

നിങ്ങള്‍ക്ക്‌ യുവത്വം പകരാന്‍ ഐക്രീമുകള്‍ക്ക്‌ കഴിയും. ഇത്തരം സൗന്ദര്യവര്‍ദ്ധക വസ്‌തുക്കള്‍ സ്‌ത്രീകള്‍ക്ക്‌ വേണ്ടി മാത്രമുള്ളതാണെന്ന ചിന്ത അസ്ഥാനത്താണ്‌. ന്യൂഏജ്‌ മാസികകള്‍ വായിക്കുക, ഈ ധാരണ മാറിക്കൊള്ളും.

പുകവലി വേണ്ട

വളരെ പെട്ടെന്ന്‌ വാര്‍ദ്ധക്യം ബാധിക്കുന്നതിനുള്ള പ്രധാന കാരണങ്ങളില്‍ ഒന്നാണ്‌ പുകവലി. ഇത്‌ മാരകരോഗങ്ങള്‍ക്ക്‌ കാരണമാകുന്നത്‌ പോലെ ത്വക്കിന്റെ ആരോഗ്യത്തെയും ബാധിക്കും. പുകവലിക്കുന്നവരുടെ ചര്‍മ്മത്തില്‍ ഓക്‌സിജന്റെയും ഈര്‍പ്പത്തിന്റെയും അളവ്‌ കുറയുകയും ഇത്‌ ചുളിവുകള്‍ക്ക്‌ കാരണമാവുകയും ചെയ്യും.

മധുരം അമിതമാകരുത്‌

മധുരത്തിന്റെ ഉപയോഗം നിയന്ത്രിക്കുന്നത്‌ ഭാരം വര്‍ദ്ധിക്കുന്നത്‌ തടയുന്നതിന്‌ പുറമെ ചുളിവുകള്‍ കുറയാനും സഹായിക്കും. ശരീരത്തില്‍ പഞ്ചസാരയുടെ അളവ്‌ വര്‍ദ്ധിക്കുന്നത്‌ ഗ്‌ളൈക്കേഷന്‍ എന്ന്‌ വിളിക്കപ്പെടുന്ന പ്രവര്‍ത്തനം സജീവമാക്കും. ഈ പ്രവര്‍ത്തനത്തിന്റെ ഫലമായി ചുളിവുകള്‍ ഉണ്ടാകും.