സ്ത്രീകള്‍ക്ക് വെണ്‍മയുടെ അഴക്

വെള്ളക്കു തന്നെ പല വകഭേദങ്ങളുമുണ്ട്. ഓഫ് വൈറ്റ് കളര്‍ എന്നറിയപ്പെടുന്ന വെളുപ്പ് മുതല്‍ തെളിഞ്ഞ വെളുപ്പു വരെ. വാങ്ങുന്നതിനു മുന്‍പ് നിങ്ങള്‍ക്കാവശ്യമുള്ള വെളള തന്നെയാണോയെന്ന് ഉറപ്പുവരുത്തുക. ചാരനിറത്തിലുള്ള ഷര്‍ട്ട് വാങ്ങുന്നത് ഒഴിവാക്കുക. ഇത് നിങ്ങളുടെ നിറത്തെ ഇരുണ്ടതാക്കും.

ശരിയായ അളവിലുള്ള ഷര്‍ട്ട് നോക്കിവാങ്ങുക. ചെറിയതും ഇറുകിയതുമായ ഷര്‍ട്ടുകള്‍ വണ്ണം കൂടുതല്‍ തോന്നിക്കും.

കോട്ടന്‍ ഷര്‍ട്ടുകള്‍ വാങ്ങുന്നതായിരിക്കും കൂടുതല്‍ നല്ലത്. ഇവ കൂടുതല്‍ നാള്‍ പുതുമയോടെ നിലനില്‍ക്കും.

കോളറുള്ള ഷര്‍ട്ടുകളാണ് എടുപ്പു തോന്നിക്കുവാന്‍ നല്ലത്.

ഷര്‍ട്ടുകള്‍ കക്ഷത്തില്‍ ഇറുക്കമനുഭവപ്പെടുന്നവയായിരിക്കരുത്. കയ്യുകളും പാകത്തിനുളളതു നോക്കി വാങ്ങുക.

വെളള ഷര്‍ട്ട് ധരിക്കുമ്പോള്‍ അടിവസ്ത്രവും ഇളം നിറത്തിലുള്ളതായിരിക്കണം. ചര്‍മത്തിന്റെ നിറത്തോടു ചേര്‍ന്ന അടിവസ്ത്രം ധരിക്കാന്‍ ശ്രദ്ധിക്കുക.

അല്‍പം അയവുള്ള ഷര്‍ട്ടാണെങ്കില്‍ ബട്ടനുകള്‍ക്കിടയിലൂടെ ശരീരഭാഗങ്ങള്‍ പുറത്തു കാണുന്നത് തടയും. അല്‍പം കട്ടിയുള്ള മാലകളിട്ടാലും ബട്ടനുകള്‍ക്കിടയിലുള്ള വിടവുകള്‍ പുറത്തുകാണില്ല.

വെളള ഷര്‍ട്ട് എപ്പോഴും വൃത്തിയായി കഴുകി, കറ പറ്റാതെ സൂക്ഷിക്കണം.