പുരുഷന്മാര്‍ക്കും പുരികം ഭംഗിയാക്കാം

ചില പുരുഷന്മാര്‍ക്ക് നല്ല പുരികങ്ങളായിരിക്കും ഉള്ളത്. ചിലര്‍ക്കാകട്ടെ, രോമങ്ങള്‍ നിറഞ്ഞ് കട്ടികൂടിയ പുരികങ്ങളും. കൂട്ടുപുരികങ്ങളൊഴിവാക്കാനും ചിലര്‍ പുരികം ഷേപ്പു ചെയ്യാറുണ്ട്.

പുരുഷന്മാരുടെ പുരികം ഷേപ്പു ചെയ്യുന്നത് സ്ത്രീകളുടെ പുരികം ചെയ്യുന്നതു പോലെയല്ല.

കൂടുതല്‍ കട്ടികുറച്ച് പുരികം ഷേപ്പു ചെയ്യുന്നത് പുരുഷന്മാര്‍ക്ക് വൃത്തികേടായിരിക്കും.

കൂട്ടുപുരികം മാറ്റി ബാക്കിയുള്ള പുരികം സ്വാഭാവികമായി നിറുത്തുക. നെറ്റിയിലെ രോമങ്ങളും വേണമെങ്കില്‍ നീക്കം ചെയ്യാം.

സ്ത്രീകള്‍ക്കു ചെയ്യുന്നതുപോലെ വളച്ച് പുരുഷന്മാരുടെ പുരികം ഷേപ്പു ചെയ്യരുത്. അത് നിവര്‍ന്നിരിക്കുന്നതായിരിക്കും നല്ലത്.

പുരുഷന്മാരുടെ പുരികം ഷേപ്പു ചെയ്യാന്‍ ടീസേഴ്‌സ് ഉപയോഗിക്കുന്നത് നല്ലതാണ്. തെന്നിപ്പോകാതെ മുടി നീക്കം ചെയ്യാന്‍ ഇത് സഹായിക്കും.

പുരികളുടെ മുകളിലും താഴെയുമായി എന്തെങ്കിലും ക്രീം പുരട്ടി വാക്‌സ് ചെയ്യുന്നതും നല്ല മാര്‍ഗമാണ്.