പ്രാര്‍ത്ഥിക്കാന്‍ പാടില്ല, അമ്പലത്തില്‍ പോകരുത്; ആര്‍ത്തവ സമയത്തെ ഹിന്ദു നിയമങ്ങളുടെ പൊരുള്‍

ഹിന്ദുമതത്തില്‍ ആരാധനയ്ക്ക് പ്രത്യേക പ്രാധാന്യമുണ്ട്. അത്തരമൊരു സാഹചര്യത്തില്‍, ആരാധനാ സമയത്ത് പല നിയമങ്ങളും പാലിക്കുന്നു. ആരാധനാ വേളയിലോ പ്രാര്‍ത്ഥനയിലോ മനസും ശരീരവും ശുദ്ധമായിരിക്കേണ്ടത് വളരെ പ്രധാനമാണ്. ആരാധനയാണ് വിശ്വാസം അനുഷ്ഠിക്കുന്നതില്‍ പ്രധാനം. ആരാധനയുമായി ബന്ധപ്പെട്ട നിരവധി നിയമങ്ങളുണ്ട് ഹിന്ദുമതത്തില്‍.

ചില നിയമങ്ങള്‍ എല്ലാവര്‍ക്കും വേണ്ടിയുള്ളതാണെങ്കിലും, സ്ത്രീകള്‍ക്ക്, പ്രത്യേകിച്ച് ആര്‍ത്തവ സമയത്ത് ചില പ്രത്യേക നിയമങ്ങളുണ്ട്. ആര്‍ത്തവ സമയത്ത് സ്ത്രീകള്‍ ആരാധന നടത്തരുത് എന്നാണ് ഈ നിയമങ്ങളിലൊന്ന്. ഇതുകൂടാതെ ഈ ദിവസങ്ങളില്‍ സ്ത്രീകള്‍ക്ക് ക്ഷേത്രത്തില്‍ പോകുന്നതിനും വിലക്കുണ്ട്. ആര്‍ത്തവസമയത്ത് സ്ത്രീകളുമായി ബന്ധപ്പെട്ട അത്തരം നിയമങ്ങള്‍ എന്തൊക്കെയാണെന്നും എന്തുകൊണ്ടാണ് ഈ നിയമങ്ങള്‍ നിലനില്‍ക്കുന്നതെന്നും ഇവിടെ നിങ്ങള്‍ക്ക് വായിച്ചറിയാം.(worship rules during menstruation)

എന്തുകൊണ്ടാണ് ആര്‍ത്തവ സമയത്ത് സ്ത്രീകള്‍ പ്രാര്‍ത്ഥനയോ പൂജയോ നടത്താത്തത്?

ആര്‍ത്തവസമയത്ത് സ്ത്രീകള്‍ ആരാധന നടത്തുന്നത് നിഷിധമായി കണക്കാക്കുന്നു. പുരാതന കാലം മുതല്‍ ഈ ആചാരം നിലവിലുണ്ട്. ഈ സമയത്ത് സ്ത്രീകളുടെ ശരീരത്തില്‍ കൂടുതല്‍ ഊര്‍ജ്ജം പ്രവഹിക്കുമെന്ന് പറയപ്പെടുന്നു. ഈ ഊര്‍ജ്ജത്തിന്റെ അളവ് ദൈവത്തിന് സഹിക്കാന്‍ കഴിയില്ലെന്ന് വിശ്വസിക്കപ്പെടുന്നു. ഉദാഹരണത്തിന്, ഒരു സ്ത്രീ അവളുടെ ആര്‍ത്തവ സമയത്ത് തുളസിയില്‍ വെള്ളം ഒഴിച്ചാല്‍, തുളസി കരിഞ്ഞുപോകുമെന്ന് പറയുന്നു. ഇത്തരം ചില കാരണത്താല്‍ ആര്‍ത്തവ സമയത്ത് ആരാധന ചെയ്യരുതെന്ന് പറയപ്പെടുന്നു. അതിനാല്‍, ആര്‍ത്തവസമയത്ത് ആരാധന നടത്തുകയോ ക്ഷേത്രത്തില്‍ പോകുകയോ ചെയ്യുന്നത് നിരോധിച്ചിരിക്കുന്നു.

ആര്‍ത്തവത്തിന് എത്ര ദിവസം കഴിഞ്ഞ് ആരാധന നടത്താം

ആര്‍ത്തവത്തിന്റെ അഞ്ചാം ദിവസം സ്ത്രീകള്‍ക്ക് മുടി കഴുകി പൂജയിലോ പ്രാര്‍ത്ഥനയിലോ പങ്കെടുക്കാം. ചില സ്ത്രീകള്‍ക്ക് ആര്‍ത്തവം 7 ദിവസം വരെ നീണ്ടുനില്‍ക്കും. എന്നാല്‍ 5 ദിവസത്തിന് ശേഷം മുടി കഴുകി പൂജയുടെയും ആരാധനയുടെയുമെല്ലാം ഭാഗമാകാം.

വ്രതകാലത്ത് ആര്‍ത്തവം വന്നാല്‍ എന്ത് ചെയ്യണം?

പലപ്പോഴും സ്ത്രീകള്‍ക്ക് വ്രത കാലങ്ങളില്‍ ആര്‍ത്തവം അനുഭവപ്പെടാറുണ്ട്. അത്തരമൊരു സാഹചര്യത്തില്‍ ആരാധനയില്‍ പങ്കെടുക്കാമോ ഇല്ലയോ എന്നത് സംബന്ധിച്ച് പലര്‍ക്കും സംശയമുണ്ട്. വിദഗ്ധരുടെ അഭിപ്രായത്തില്‍, അത്തരമൊരു സാഹചര്യത്തില്‍ സ്ത്രീകള്‍ക്ക് വ്രതം അനുഷ്ഠിക്കാം. എന്നാല്‍ ആ സമയത്ത് അവര്‍ ആരാധിക്കുന്നത് നിഷിധമായി കണക്കാക്കുന്നു.

വ്രതാനുഷ്ഠാനം ഇതുപോലെ ചെയ്യാം

വ്രതാനുഷ്ഠാനത്തിനിടയിലോ മറ്റോ ആര്‍ത്തവം വന്നാല്‍ സ്ത്രീകള്‍ വ്രതം പൂര്‍ത്തിയാക്കണം. ഈ സമയത്ത് മാനസികമായി ദൈവത്തില്‍ വിശ്വാസമുണ്ടായിരിക്കണം. പൂജാസമയത്ത് ദൂരെ ഇരുന്ന് മറ്റാരെക്കൊണ്ടെങ്കിലും പൂജ നടത്തിക്കാം. ഈ കാലയളവില്‍ പൂജാ സാധനങ്ങള്‍ തൊടാന്‍ പാടില്ല. ആര്‍ത്തവ സമയത്ത് നിങ്ങള്‍ക്ക് മനസ്സില്‍ മന്ത്രങ്ങള്‍ ജപിക്കാം.

ആര്‍ത്തവസമയത്തെ നിയമങ്ങള്‍

* ആര്‍ത്തവ സമയത്ത് സ്ത്രീകള്‍ പല നിയമങ്ങളും പാലിക്കേണ്ടതുണ്ട്. ഈ കാലയളവില്‍, സ്ത്രീകള്‍ അച്ചാറുകള്‍ തൊടാന്‍ പാടില്ല. ഇത് അച്ചാര്‍ കേടാക്കുമെന്ന് വിശ്വസിക്കപ്പെടുന്നു. ചിലയിടങ്ങളില്‍ സ്ത്രീകള്‍ക്ക് അടുക്കളയില്‍ ഭക്ഷണം പാകം ചെയ്യുന്നതിനും വിലക്കുണ്ട്.
* ഋതുമതികളായ സ്ത്രീകള്‍ക്ക് ചോറോ കപ്പയോ കഴിക്കാന്‍ അനുവാദമില്ല. മാംസം, ഉപ്പ്, പാചക എണ്ണ എന്നിവ കഴിക്കുന്നതിലും വിലക്കുണ്ട്.

* ആര്‍ത്തവമുള്ള പെണ്‍കുട്ടികള്‍ക്കും സ്ത്രീകള്‍ക്കും പ്രാര്‍ത്ഥനകള്‍ നടത്താനും പുണ്യ ഗ്രന്ഥങ്ങള്‍ തൊടാനും പാടില്ല.
* ഇന്ത്യയിലെ ചില ഭാഗങ്ങളില്‍, ആര്‍ത്തവസമയത്ത് ചില കര്‍ശനമായ ഭക്ഷണ നിയന്ത്രണങ്ങളും പിന്തുടരുന്നു. തൈര്, പുളിയുള്ള ഭക്ഷണങ്ങള്‍ എന്നില ആര്‍ത്തവമുള്ള പെണ്‍കുട്ടികള്‍ സാധാരണയായി ഒഴിവാക്കുന്നു. അത്തരം ഭക്ഷണങ്ങള്‍ ആര്‍ത്തവത്തെ തടസ്സപ്പെടുത്തുമെന്ന് വിശ്വസിക്കപ്പെടുന്നു.
* ആര്‍ത്തവ സമയത്ത് ഒരു പെണ്‍കുട്ടിയോ സ്ത്രീയോ പശുവിനെ സ്പര്‍ശിച്ചാല്‍ ആ പശു വന്ധ്യയാകുമെന്ന് വിശ്വസിക്കപ്പെടുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന രത്‌നക്കല്ലുകളുടെ ഗുണങ്ങള്‍ പരമ്പരാഗത വിശ്വാസങ്ങളെയും ജ്യോതിഷ രീതികളെയും അടിസ്ഥാനമാക്കിയുള്ളത് മാത്രമാണ്. ഓരോ വ്യക്തിക്കും ഫലങ്ങള്‍ വ്യത്യസ്തമായിരിക്കും. ജ്യോതിഷസംബന്ധമായ ആവശ്യങ്ങള്‍ക്കായി ഇവ ഉപയോഗിക്കുന്നതിന് മുന്‍പായി വിദഗ്ധനേയോ അല്ലെങ്കില്‍ ജ്യോതിഷിയേയോ സമീപിക്കേണ്ടതാണ്. ഇതിലുള്ള ഉള്ളടക്കങ്ങള്‍ വിവരം കൈമാറുക എന്ന ഉദ്ദേശ്യത്തോടെ മാത്രമുള്ളതാണ്. ഇത് പ്രൊഫഷണല്‍ ഉപദേശമായി കണക്കാക്കരുത്.