Mars Transit in Cancer: ഭൂമിപുത്രനായ ചൊവ്വ ചന്ദ്രന്റെ നിയന്ത്രണത്തിലുള്ള രാശിയായ കര്‍ക്കിടകത്തിലേക്ക് എത്തിയിരിക്കുകയാണ്. ഈ മാറ്റം പുലര്‍ച്ചെ 01:56 ന് സംഭവിച്ചു. ഇനി ജൂണ്‍ 7 വരെ ചൊവ്വ കര്‍ക്കിടകത്തില്‍ തുടരും. അതായത് കര്‍ക്കിടത്തിലെ ചൊവ്വയുടെ സ്വാധീനം രണ്ടുമാസത്തിലധികം നീണ്ടുനില്‍ക്കും. നീചരാശിയെന്നാല്‍ ഒരു ഗ്രഹം ദുര്‍ബലമാകുന്ന രാശിയാണ്. ഈ കാലയളവില്‍ പൊതുവെ ആ ഗ്രഹത്തില്‍ നിന്നുള്ള ഫലങ്ങള്‍ പ്രതികൂലമായിരിക്കും, പ്രത്യേകിച്ച് ചില രാശികളില്‍ ജനിച്ചവര്‍ക്ക്. ചൊവ്വയുടെ കര്‍ക്കിടക സംക്രമണ കാലയളവില്‍ ആറ്് പ്രത്യേക രാശികളില്‍ പെട്ട വ്യക്തികള്‍ക്ക് അപകടങ്ങള്‍, ആരോഗ്യ പ്രശ്‌നങ്ങള്‍, സാമ്പത്തിക പ്രതിസന്ധികള്‍ എന്നിവ അനുഭവപ്പെടാന്‍ സാധ്യതയുണ്ട്. എന്നാല്‍ ഇവര്‍ക്ക് ചൊവ്വയുടെ സ്വാധീനം കുറയ്ക്കാന്‍ ചില പരിഹാരക്രിയകള്‍ ചെയ്യാനാകും. കര്‍ക്കടകത്തിലൂടെയുള്ള ചൊവ്വയുടെ സഞ്ചാരത്തില്‍ ഏത് രാശികള്‍ക്കാണ് ദോഷം വരികയെന്നും അവര്‍ക്കുള്ള പരിഹാരങ്ങള്‍ എന്തെല്ലാമാണെന്നും വിശദമായി അറിയാം.

Photo Credit: AI Generated

മേടം

അശ്വതി, ഭരണി, കാര്‍ത്തിക 1/4

ചൊവ്വയുടെ കര്‍ക്കിടകത്തിലേക്ക് രാശി മാറുന്നതോടെ മേടം രാശിക്കാര്‍ക്ക് വെല്ലുവിളികളും ദോഷഫലങ്ങള്‍ ഉണ്ടാകാം. ഇവര്‍ക്ക് ത്വക്കുരോഗങ്ങള്‍, ചൊറിച്ചില്‍ ദേഷ്യം എന്നിവ അനുഭവപ്പെടാം. ഈ കാലയളവില്‍ ഇവര്‍ കോപം നിയന്ത്രിക്കുന്നത് അത്യാവശ്യമാണ്, അല്ലെങ്കില്‍ അത് പ്രൊഫഷണല്‍ ജീവിതത്തിലും, വ്യക്തിപരമായ ബന്ധങ്ങളിലും പ്രതികൂല സ്വാധീനങ്ങള്‍ ഉണ്ടാക്കുകയും ആരോഗ്യത്തെ ബാധിക്കുകയും ചെയ്യും. ചീത്ത കൂട്ടുകെട്ടുകളില്‍ പെടുന്നതും നിഷേധാത്മക സമീപനം ഉള്ളവരുമായി ഇടപഴകുന്നതും ഒഴിവാക്കുകയും രോഗങ്ങളെ തടയാന്‍ സന്തുലിതമായ ഭക്ഷണം ഉറപ്പാക്കുകയും ചെയ്യുക. വിവാഹ ജീവിതത്തില്‍, തര്‍ക്കങ്ങള്‍ ഒഴിവാക്കാന്‍ പങ്കാളിയോട് പരിഗണനയോടെ ഇടപെടുക പ്രധാനമാണ്.

കര്‍ക്കിടകം

പുണര്‍തം 1/4, പൂയ്യം, ആയില്യം

കര്‍ക്കിടകം രാശിയിലേക്കാണ് ചൊവ്വ വന്നെത്തിയിരിക്കുന്നത്. അതിനാല്‍ ജാഗ്രത പാലിക്കുന്നത് ഉചിതമാണ്. മനസ്സില്‍ ശാന്തത നിലനിര്‍ത്തുകയും തര്‍ക്കങ്ങള്‍ ഒഴിവാക്കുകയും ചെയ്യുക, കാരണം അവ നിങ്ങള്‍ക്ക് ദോഷകരമായിരിക്കാം. റോഡ് അപകടങ്ങളുടെ സാധ്യത കൂടുതലാണ്ു, അതിനാല്‍ ശ്രദ്ധയോടെ വാഹനമോടിക്കുക. ദാമ്പത്യത്തില്‍ സമാധാനം നിലനിര്‍ത്താന്‍ പങ്കാളിയോട് സ്‌നേഹവും സഹാനുഭൂതിയും കാണിക്കുക; അല്ലെങ്കില്‍ മാനസിക സമ്മര്‍ദ്ദം ഉയരാം. സ്ത്രീകളുടെ വികാരങ്ങളെ വേദനിപ്പിക്കാതിരിക്കാന്‍ പ്രത്യേകം ശ്രദ്ധിക്കുക. ആരോഗ്യത്തിന് പ്രാധാന്യം നല്‍കുന്നത് പ്രധാനമാണ്.

ചിങ്ങം

മകം, പൂരം, ഉത്രം 1/4

ചൊവ്വ പുതിയ രാശിയിലേക്ക് മാറുന്നത് ചിങ്ങം രാശിക്കാരെ സ്വത്തുതര്‍ക്കങ്ങളിലേക്ക് എത്തിച്ചേക്കും. ഇവര്‍ക്ക് ഭൂമിയുമായി ബന്ധപ്പെട്ട പ്രശ്‌നങ്ങള്‍ നേരിടേണ്ടി വരാം, അതിനാല്‍ ഒപ്പിടുന്നതിനും സാക്ഷ്യപ്പെടുത്തുന്നതിനും മുമ്പ് എല്ലാ രേഖകളും സൂക്ഷ്മമായി പരിശോധിക്കുക. ജോലി ചെയ്യുന്നവര്‍ക്ക് സ്ഥലംമാറ്റം ഉണ്ടാകാം. താമസം മാറ്റേണ്ടി വരാനും സാധ്യതയുണ്ട്. ഈ രണ്ട് മാസങ്ങള്‍ ചിങ്ങം രാശിക്കാരുടെ ജീവിതത്തില്‍ വലിയ മാറ്റങ്ങളും അപ്രതീക്ഷിത വഴിത്തിരിവുകളും നല്‍കാം.

തുലാം

ചിത്ര 1/2 ചോതി, വിശാഖം 3/4

കര്‍ക്കിടകത്തിലെ ചൊവ്വയുടെ പ്രതികൂല സ്വാധീനം ഇനിയുള്ള കാലം തുലാംരാശിക്കാരുടെ കരിയറില്‍ വെല്ലുവിളികള്‍ സൃഷ്ടിച്ചേക്കാം. അടുത്ത രണ്ട് മാസങ്ങളില്‍ ബുദ്ധിമുട്ടുകള്‍ ഉണ്ടാകാന്‍ ഇടയാക്കുന്ന പ്രവര്‍ത്തനങ്ങളില്‍ നിന്ന് വിട്ടുനില്‍ക്കുന്നത് ഉചിതമാണ്. ദാമ്പത്യത്തെ സ്‌നേഹത്തോടും ക്ഷമയോടും സമീപിക്കുക. പങ്കാളിയുടെ അഭിപ്രായങ്ങളെ മാനിക്കുക. കോപം ഒഴിവാക്കുക, അത് നിങ്ങളുടെ ബന്ധങ്ങളെ പ്രതികൂലമായി ബാധിച്ചേക്കാം. ജോലിയില്‍ കഠിനമായ പ്രയത്‌നവും അല്ലെങ്കില്‍ വിജയത്തിനായി വിട്ടുവീഴ്ചകളും ആവശ്യമായേക്കാം. അപ്രതീക്ഷിത ചെലവുകള്‍ പെട്ടെന്ന് ഉയര്‍ന്നേക്കാം.

ധനു

മൂലം, പൂരാടം, ഉത്രാടം 1/4

ചൊവ്വയുടെ രാശിമാറ്റം ധനുരാശിക്കാര്‍ക്ക് മുന്നറിയിപ്പാണ്. പ്രണയബന്ധങ്ങളില്‍ സംഘര്‍ഷത്തിനും അഭിപ്രായവ്യത്യാസങ്ങള്‍ക്കും സാധ്യതയുണ്ട്, ഇത് പങ്കാളികളുമായി തര്‍ക്കങ്ങളിലേക്ക് നയിക്കാം. സാഹചര്യങ്ങളെ ശാന്തമായി സമീപിക്കുന്നത് ഉചിതമാണ്. ആക്രോശവും കോപവും വ്യക്തിബന്ധങ്ങളില്‍ ബുദ്ധിമുട്ടുകള്‍ സൃഷ്ടിക്കാന്‍ ഇടയാകും. അപകടങ്ങള്‍ ഒഴിവാക്കാന്‍ വാഹനമോടിക്കുമ്പോള്‍ ജാഗ്രത പാലിക്കുക. കൂടാതെ,ആരോഗ്യപ്രശ്‌നങ്ങള്‍ ഒഴിവാക്കാന്‍ ഭക്ഷണത്തില്‍ ശ്രദ്ധ പുലര്‍ത്തുക.

മകരം

ഉത്രാടം 3/4, തിരുവോണം, അവിട്ടം 1/2

മകരം രാശിയിലുള്ള വ്യക്തികള്‍ക്ക് ചൊവ്വയുടെ പ്രതികൂല സ്വാധീനത്തെ തുടര്‍ന്ന് വെല്ലുവിളികള്‍ നേരിടേണ്ടി വരാം. ബിസിനസുകാര്‍് പുതിയ സംരംഭങ്ങള്‍ തുടങ്ങുന്നതിന് മുമ്പ് എല്ലാ വശങ്ങളും നന്നായി മനസ്സിലാക്കി ജാഗ്രത പാലിക്കണം. ഇങ്ങനെ ചെയ്യുന്നതിലൂടെ നഷ്ടസാധ്യതകള്‍ ഒഴിവാക്കാം. ധനകാര്യ ഇടപാടുകള്‍ ശ്രദ്ധാപൂര്‍വ്വം നടത്തുകയും അനാവശ്യ യാത്രകള്‍ ഒഴിവാക്കുകയും ചെയ്യുന്നത് നല്ലതാണ്, കാരണം അത് പ്രശ്‌നങ്ങള്‍ക്ക് കാരണമാകാം.

ചൊവ്വയുടെ പരിഹാരങ്ങള്‍

ചൊവ്വയുടെ ദോഷഫലങ്ങളെ കുറയ്ക്കാന്‍ ചൊവ്വാഴ്ചകളില്‍ ഉപവാസം അനുഷ്ഠിക്കുകയും ഹനുമാന്‍ സ്വാമിയെ ആരാധിക്കുകയും ചെയ്യുക. ഹനുമാന്‍ഭജനങ്ങളും മന്ത്രങ്ങളും പാരായണം ചെയ്യുക. കൂടാതെ, ചൊവ്വയുടെ അനുകൂല ഫലങ്ങള്‍ വര്‍ദ്ധിപ്പിക്കാന്‍ സഹോദരങ്ങളുമായും സുഹൃത്തുകളുമായും നല്ല ബന്ധം നിലനിര്‍ത്തുകയും 'ഓം ആം അങ്കാരകായ നമഃ' എന്ന ചൊവ്വ ബീജ മന്ത്രം ജപിക്കുകയും ചെയ്യുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന രത്‌നക്കല്ലുകളുടെ ഗുണങ്ങള്‍ പരമ്പരാഗത വിശ്വാസങ്ങളെയും ജ്യോതിഷ രീതികളെയും അടിസ്ഥാനമാക്കിയുള്ളത് മാത്രമാണ്. ഓരോ വ്യക്തിക്കും ഫലങ്ങള്‍ വ്യത്യസ്തമായിരിക്കും. ജ്യോതിഷസംബന്ധമായ ആവശ്യങ്ങള്‍ക്കായി ഇവ ഉപയോഗിക്കുന്നതിന് മുന്‍പായി വിദഗ്ധനേയോ അല്ലെങ്കില്‍ ജ്യോതിഷിയേയോ സമീപിക്കേണ്ടതാണ്. ഇതിലുള്ള ഉള്ളടക്കങ്ങള്‍ വിവരം കൈമാറുക എന്ന ഉദ്ദേശ്യത്തോടെ മാത്രമുള്ളതാണ്. ഇത് പ്രൊഫഷണല്‍ ഉപദേശമായി കണക്കാക്കരുത്.