ഡ്രൈ ഫ്രൂട്ട് മാംഗോ ലസിയുണ്ടാക്കാം

മാങ്ങാക്കാലമാണ്. പല തരത്തിലുള്ള മാങ്ങകള്‍ ലഭ്യമാണ്. പഴുത്ത മാങ്ങ കഴിയ്ക്കാം. ജ്യൂസുണ്ടാക്കി കുടിയ്ക്കാം.

മാങ്ങയില്‍ ഡ്രൈ ഫ്രൂട്‌സ് ചേര്‍ത്ത് സ്വാദിഷ്ടമായ ഡ്രൈ മാംഗോ ലസിയുണ്ടാക്കാം. ഇതെങ്ങനെയുണ്ടാക്കാമെന്നു നോക്കൂ, ദാഹം ശമിപ്പിയ്ക്കുന്ന, ശരീരത്തെ തണുപ്പിയ്ക്കുന്ന നല്ലൊന്നാന്തരം ഒരു പാനീയമാണിത്.

പഴുത്ത മാങ്ങ-1
പുളിയില്ലാത്ത തൈര-1 കപ്പ്
ബദാം-5
പിസ്ത-4
പഞ്ചസാര-3 ടീസ്പൂണ്‍
ഐസ്

മാങ്ങയുടെ തൊലി കളഞ്ഞ് ചെറിയ കഷ്ണങ്ങളാക്കുക.

ബദാം, പിസ്ത എന്നിവ ചെറിയ കഷ്ണങ്ങളാക്കുക.

തൈര്, മാങ്ങ, പഞ്ചസാര എന്നിവ ചേര്‍ത്ത് മിക്‌സിയില്‍ അടിയ്ക്കുക.

ഇത് അരിച്ചെടുക്കാം.

പിസ്ത, ബദാം എന്നിവ ചേര്‍ത്ത് അലങ്കരിയ്ക്കാം.

ഐസ് ചേര്‍ത്ത് തണുപ്പിച്ച് സ്വാദിഷ്ടമായ ഈ ലസി കുടിയ്ക്കാം