ആലു പൂരി തയ്യാറാക്കാം

ഉരുളക്കിഴങ്ങു കൊണ്ട് പല വിഭവങ്ങളും തയ്യാറാക്കാം. ഇതിലൊന്നാണ് ആലു പൂരി.

എളുപ്പത്തില്‍ തയ്യാറാക്കാവുന്ന ഈ വിഭവം സ്‌നാക്‌സായും ഉപയോഗിയ്ക്കാം.

ആലു പൂരി എങ്ങനെ തയ്യാറാക്കാമെന്നു നോക്കൂ,

ഗോതമ്പു പൊടി- 4 കപ്പ്
ഉരുളക്കിഴങ്ങ്-150 ഗ്രാം
വെളുത്തുള്ളി-6
പച്ചമുളക്-4
മല്ലിയില
ഉപ്പ്
എണ്ണ

ഉരുളക്കിഴങ്ങ് പുഴുങ്ങി തൊലി കളഞ്ഞ് ഉടച്ചെടുക്കുക.

മല്ലിയില, വെളുത്തുള്ളി, പച്ചമുളക് എന്നിവ അരച്ചെടുക്കുക. ഈ മിശ്രിതം ഉരുളക്കിഴങ്ങിനൊപ്പം ചേര്‍ത്തിളക്കണം.

ഗോതമ്പുമാവില്‍ ഉപ്പും വെള്ളവും ചേര്‍ത്ത് പാകത്തിനു കുഴയ്ക്കുക.

ഇത് ചെറിയ ഉരുളകളാക്കുക. ഈ ഉരുളകള്‍ക്കുള്ളില്‍ ഉരുളക്കിഴങ്ങു കൂട്ട് കുറേശെ വീതം വച്ച് സ്റ്റഫ് ചെയ്യുക. ഇ്ത് പിന്നീട് പൂരി വലിപ്പത്തില്‍ പരത്തി വറുത്തെടുക്കാം.