ചീസ് എഗ് ടോസ്റ്റ് റെസിപ്പി

പ്രാതല്‍ രാജാവിനെപ്പോലെ വേണമെന്നു പറയും. ഈ വാക്കില്‍ കഴമ്പുമുണ്ട്. കാരണം ദിവസം മുഴുവനുമുള്ള ഊര്‍ജം ശരീരത്തിനു ലഭിയ്ക്കുന്നത് പ്രാതലിലൂടെയാണ്.

ബ്രേക്ഫാസ്റ്റിന് മുട്ട ഏതു വിധത്തില്‍ നോക്കിയാലും ഉള്‍പ്പെടുത്താവുന്ന ഒരു സമീകൃതാഹാരമാണ്. ഇത് മുതിര്‍ന്നവര്‍ക്കായാലും കുട്ടികള്‍ക്കാണെങ്കിലും.

പ്രാതലിന് ചീസ് എഗ് ടോസ്റ്റ് എങ്ങനെ തയ്യാറാക്കാമെന്നു നോക്കൂ.

ബ്രെഡ്-6 കഷ്ണം
ചീസ്-100 ഗ്രാം (ഗ്രേറ്റ് ചെയ്തത്)
മുട്ട-1
പച്ചമുളകു പേസ്റ്റ്-2 ടീസ്പൂണ്‍
വെളുത്തുള്ളി പേസ്റ്റ്-1 ടീസ്പൂണ്‍

മുട്ട നല്ലപോലെ ഉടയ്ക്കുക.

മൈക്രോവേവ് 180 ഡിഗ്രി സെല്‍ഷ്യസില്‍ ചൂടാക്കി വയ്ക്കുക.

മുട്ട ഉടച്ചതിനൊപ്പം ചീസ്, പച്ചമുളകു, വെളുത്തുള്ളി പേസ്റ്റ്, ഉപ്പ് എന്നിവ ചേര്‍ത്തു നല്ലപോലെ കൂട്ടിക്കലര്‍ത്തുക.

ഒരു ബ്രെഡിന്റെ ഉള്‍വശത്ത് ഈ മിശ്രിതം അല്‍പമെടുത്ത് പുരട്ടുക.

ഈ ബ്രെഡ് അലുമിനിയം ട്രേയില്‍ വച്ച് അവനില്‍ ബേക്കു ചെയ്‌തെടുക്കണം. ഗോള്‍ഡന്‍ ബ്രൗണ്‍ നിറമാകുന്നതു വരെ ബേക്കു ചെയ്തണം.

ചീസ് എഗ് ടോസ്റ്റ് തയ്യാര്‍. ഇത് ചൂടോടെ കഴിയ്ക്കാം.