More Lifestyle Updates on: http://m.boldsky.com/malayalam/
ഐശ്വര്യ റായിയുടെ തടിയാണ് ഇപ്പോഴത്തെ അന്താരാഷ്ട്ര പ്രശ്നം. പ്രസവശേഷം ഉടനെടുത്ത ചിത്രങ്ങളില് ഐശ്വര്യക്ക് അധികം വണ്ണമില്ല. പിന്നീട് ആറുമാസത്തിനപ്പുറം എന്തു പറ്റിയെന്ന ചിന്തകള്. തടി കൂടിയതിനും തടി കുറയ്ക്കുന്നതിനും ഉള്ള മാര്ഗങ്ങള്.
പ്രസവശേഷം സ്ത്രീകള്ക്ക് തടി കൂടുന്നത് സാധാരണം. ഗര്ഭകാലത്തും തൂക്കം കൂടും. സാധാരണ ഗര്ഭാവസ്ഥയില് കുഞ്ഞിന്റെ ആരോഗ്യം കണക്കിലെടുത്ത് കുടൂതല് ഭക്ഷണം കഴിയ്ക്കാന് അമ്മയോട് ആവശ്യപ്പെടുന്നത് സാധാരണം. ഇതാണ് വണ്ണം കൂടാന് പ്രധാന കാരണം.
പ്രസവശേഷവും സ്ത്രീകള് തടിച്ചു കാണുന്നതിന് കാരണങ്ങള് ഒന്നല്ലാ,പലതുണ്ട്.
ഗര്ഭ, പ്രസവകാലത്തോട് അനുബന്ധിച്ചുള്ള ഹോര്മോണ് വ്യതിയാനങ്ങള് പ്രധാന കാരണം. പ്രസവശേഷം ഹോര്മോണ് ഉല്പാദനം സാധാരണ ഗതിയിലാകാന് സമയം പിടിക്കും.
ഗര്ഭകാലത്ത് ശരീരത്തില് അടിഞ്ഞു കൂടുന്ന കൊഴുപ്പും പ്രസവശേഷമുള്ള ശരീരഭാരത്തിന് മറ്റൊരു പ്രധാന കാരണമാണ്. വ്യായാമം കൊണ്ടു മാത്രമെ ഇത്തരം കൊഴുപ്പ് മാറ്റാനാകൂ.
പ്രസവശേഷം തടി കുറയാത്തതിന് മറ്റൊരു കാരണമുണ്ട്. വാട്ടര് വെയ്റ്റ്. ഗര്ഭകാലത്ത് ശരീരം ധാരാളം വെള്ളം സംഭരിക്കും. ഇത് ശരീരത്തില് നിന്നും നഷ്ടപ്പെടാനും സമയം പിടിക്കും. പ്രസവശേഷം വീര്ത്ത പോലെ കാണപ്പെടുന്നതിന്റെ പ്രധാന കാരണം ഈ വാട്ടര് വെയ്റ്റാണ്.
ചില സ്ത്രീകളില് പ്രസവശേഷം ഡിപ്രഷന് കാണപ്പെടാറുണ്ട്. ചിലപ്പോള് ഡിപ്രഷന് ചിലരെ തടിപ്പിക്കും. കുഞ്ഞുണ്ടായിക്കഴിഞ്ഞാല് വേണ്ട വിധത്തില് ഉറങ്ങാന് സാധിച്ചെന്നു വരില്ല. ഇതും ചിലപ്പോഴെല്ലാം ചിലരുടെ ശരീരം തടിപ്പിക്കും.
